3
Kolontunɑɑ cɔɔnɑ Tɑfiiti kɛ kotɑɣɑ
1 Tɑfiiti yontu.
Pɑ kɛɛsɑ tə tɑɑ kɛ́ ɩsənɑ ɩ seekɑɣɑ ɩ pəyɑlʋ Apəsɑlɔm tɔ.
2 Hɑɩ Tɑcɑɑ, mɑ kolontunɑɑ tɔɔwɑɣɑ.
Mpɑ pɑ kʋləɣɩ mɑ tɔɔ tɔ, pɑ hukɑɑ kɛ́.
3 Pɑ yɔɣɔtəɣɩ mɑ tɔm nɑ pɑ́ tɔŋ sɩ:
Ɩsɔ kɑɑ sənɑ-ŋ.
4 Amɑ Tɑcɑɑ, nyɑɣɑlɛ mɑ kpɑntɛ,
nyɑ́ tʋɣʋnɑ-m teeli nɑ ń kʋsəɣɩ mɑ nyʋɣʋ.
5 Ye mɑ yɑɑ-ŋ sɩ ń wɑɑsɩ-m,
n cɔɔkɩ nyɑ́ pʋɣʋ nɑŋŋ nyəŋkʋ tɔɔ kɛ́.
6 Mɑ həntəɣɩ nɑ mɑ́ tooki nɑ mɑ́ feŋ tɔ,
Tɑcɑɑ pɑɑsəɣənɑnɑ-m.
7 Mɑɑ nyɑŋnɑ kolontunɑɑ iyisi iyisi wei ɩ tɑmɑ-m kotɑɣɑ tɔ.
8 Hɑɩ Tɑcɑɑ, kɔɔ.
Mɑ Ɩsɔ, yɑ-m.
N mɑkɩ mɑ kolontunɑɑ nɔɔsɩ kɛ́ nɑ ń holiɣi pɑ kelɑ.
9 Tɑcɑɑ nyɑ́ tike n wɑɑsəɣənɑ.
Kooli nyɑ́ yəlɑɑ kɛ kʋpɑntʋ.