47
Ɩ wiliti Tɑcɑɑ wulɑʋ sɔsɔ
1 Kolee yontu nti tə wɛ
yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
2 Yəlɑɑ mɛ mə́ tənɑ ɩ́ wilitiɣi,
nɑ ɩ́ mɑkɩ niŋ tɑɑ kɛ́ tɑ́ Ɩsɔ.
3 Mpi tɔ, pə tənɑ pə tɛɛ sʋʋkənɑ
Tɑcɑɑ Ɩsɔtɑɑ Ɩsɔ Sɔsɔ kɛ́.
Ɩnəɣəlɛ tɛtʋ tənɑ wulɑʋ sɔsɔ.
4 Ɩnɩ ɩ tʋɣʋnɑ tɑ́ niŋ tɑɑ kɛ́ yəlɑɑ,
nɑ ɩ́ tʋ tɑ́ nɔɔhɛɛ tɛɛ kɛ́ piitimnɑɑ.
5 Yɑkɔpʋ nyə́mɑ tɑɣɑ ɩ sɔɔlɑɑ
nɑ ɩ́ ləsɩ tɑ́ tɛtʋ nɑ tɑ́ lɑŋɑ hɛɛwɑ.
6 Kɑwilitɑsɩ nɑ tutuɣu wulɑ kɛ
Ɩsɔ Tɑcɑɑ kpɑnɑ ɩ kumte tɔɔ.
7 Ɩ yoo Tɑcɑɑ kɛ yontu.
Ɩnəɣəlɛ tɑ́ wulɑʋ, ɩ́ sɑmɩ-ɩ.
8 Ɩsɔ kɛlɛ tɛtʋ tənɑ wulɑʋ.
Ɩ́ sɑmɩ-ɩ nɑ yontu kʋpɑntʋ tɑɑ kʋpɑntʋ.
9 Ɩsɔ cɑɣɑ ɩ kumte nɑŋŋ nyəntɛ tɔɔ kɛ́
nɑ ɩ́ tɔkɩ piitimnɑɑ tɔɔ kɛ́ kɑwulɑɣɑ.
10 Piitimnɑɑ ɑwulumpiyɑ sɔɔsɑ Apəlɑhɑm Ɩsɔ yəlɑɑ tɔɔ.
Mpi tɔ, ɩnɩ ɩ tənnɑ ɑtɛ ɑwulɑɑ nɑ pəsəlɑɑ tənɑ
nɑ ɩ́ tɔkɩ pɑ tənɑ pɑ tɔɔ kɛ́ kɑwulɑɣɑ.