67
Yəlɑɑ tənɑ ɩ́ sɑ Ɩsɔ
1 Yontu nti tə wɛ yonyoolɑɑ nyʋɣʋ tʋ
yontunɑɑ tɑɑ nɑ pɑ́ yookinɑ sɑŋkʋ tɔɣɔlɔ.
2 Hɑɩ, Ɩsɔ nyənɩ tɑ́ pətɔɔtəlɛ nɑ ń kooli-tʋɣʋ kʋpɑntʋ,
nyɑ́ ɩsɛntɑɑ teu ɩ́ nɑ́ tɑ́ tɔɔ.
3 Ɩlɛnɑ pɑ́ nyɩ nyɑ́ mpɑɑŋ kɛ tɛtʋ tɑɑ,
nɑ pɑ́ hʋlɩ nyɑ́ nyʋɣʋ yɑpʋ tɔm kɛ piitimnɑɑ tənɑ.
4 Hɑɩ, Ɩsɔ, yəlɑɑ ɩ́ sɑ-ŋ,
pɑ tənɑ pɑ́ tʋ-ŋ teeli.
5 Piitimnɑɑ lɑŋɑ ɩ́ hʋlʋmɩ nɑ pɑ́ ŋmɑɑlɩ.
Mpi tɔ, siɣisuɣu kɛ n təŋəɣɩ nɑ ń hʋʋkənɑ yəlɑɑ,
nɑ ń tiikiɣi piitimnɑɑ kɛ tɛtʋ tɑɑ.
6 Hɑɩ, Ɩsɔ, yəlɑɑ ɩ́ sɑ-ŋ,
pɑ tənɑ pɑ́ tʋ-ŋ teeli.
7 Tɛtʋ lʋlɑ tə kʋlʋlʋm.
Tɑ Ɩsɔ kooliɣi-tʋɣʋ kʋpɑntʋ kɛ́.
8 Ɩsɔ kooliɣi-tʋɣʋ kʋpɑntʋ,
nɑ ɑntulinyɑ tənɑsɩ tənɑ yəlɑɑ nyɑŋnɑ-ŋ.