45
ባሮካዉ ኦደቴዳ ትምቢትያ
(45)
1 እዮስያሳ ናአይ እዮአቄም ይሁዳን ካተቴዳ ኦይደንꬆ ላይꬃን፥ ኔርያ ናአይ ባሩክ ሀ ቃላቱዋ ኤርማስ ኦድና ስሲደ፥ ማጻፋን ጻፌዳ። ሄ ዎደ ኤርማስ አዉ ኦዴዳ ቃላይ ሀዋ።
2 “ባሮካ፥ ኔና መꬍና ጎዳይ፥ እስራኤልያ ጾሳይ ሀዋዳን ያጌ፤
3 ‘ኔን፥ “መꬍና ጎዳይ ታ ሳኩዋ ቦላን ካዩ ጉጄዳ ድራዉ፥ አየ ታኖ! ኦልያን ዳቡራደ ሸምፑዋካ ꬋያድ” ያጋዳ’ ያጌ።
4 “ባሮካ፥ ኔና መꬍና ጎዳይ ሀዋዳን ያጌ፤ ‘ታን ኬጼዳዋ ታን ኮላና፤ ታን ቶኬዳዋካ ታን ሾዳና። ሄዋካ ቃይ ታን ቢታን ሳኣን ኡባን ኦꬃና።
5 ያትና፥ ኔን ነዉ ዎልቃማባ ኮያይየ? ሄዋ ኮዮፓ። አያዉ ጎፐ፥ አሳ ኡባ ቦላን ታን ኢታባ አሀና። ታን ጾሳይ ሀዋ ኦዳይ። ሽን ኔን ቤዳሳን ኡባን ታን ኔና ሀይቁዋፐ አሻና’ ያጌ” ያጌዳ።