19
ስሞና ዘረꬃ ጋኬዳ ሻኩዋ
1 ላኤንꬆ ሳማይ ስሞና ዘረꬃ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱ ላቴዳ ጋድያ ግዱዋን ደኤ።
2 ኡንቱንቱ ላቴዳ ካታማቱ በርሳበሀ ዎይ ሸባአ፥ ሞላዳ፥
3 ሀጻር-ሹኣላ፥ ባላ፥ ኤጼማ፥
4 ኤልቶላዳ፥ ባቱላ፥ ሆርማ፥
5 ጽቅላጋ፥ ቤት-ማርካቦታ፥ ሀጻር-ሱሳ፥
6 ቤት-ላባኦታነ ሻሩሄና። ኡንቱንቱ ኡባና ታማነ ሄዛ፤ ኡንቱንቱ ዩሹዋን ደእያ ሞꬃቱ ኡንቱንቱን ጉጀቲኖ።
7 ቃይ አይና፥ ርሞና፥ ኤቴራነ አሻና። ኡንቱንቱ ኡባና ኦይዱ ካታማቱዋ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
8 ኔጌባ ዎራን ደእያ ባእላት-ባኤራ ዎይ ራማ ጋካናዉ፥ ሀ ካታማቱዋ ዩሹዋን ደእያ ሞꬃቱዋ ኡባ ላቴድኖ። ስሞና ዛራቱ ባረንቱ ያራን ያራን ላቴዳ ጋዲ ሀዋ።
9 ይሁዳ ዘረꬃ ጋኬዳ ቢታይ ኡንቱንቶ አኩዋ ዳሬዳ ድራዉ፥ አፐ ሻክና ስሞና ዛረቶ እመቴዳ።
ዛብሎና ዘረꬃ ጋኬዳ ሻኩዋ
10 ሄዘንꬆ ሳማይ ዛብሎና ዘረꬃ ኡንቱንቱ ያራን ያራን ጋኬዳ። ኡንቱንቱ ላቴዳ ጋዲ ሳሪዳ ግያ ካታማ ጋኬ።
11 ሄዋፐ ቃይ አዋይ ዉልያ ባጋ ቢደ ማርእላ አꬍ፥ ቢደ ዳባሼታ ቦቺደ ቢደ፥ ዮቅናኣማፐ አዋይ ዶልያ ባጋን ደእያ ሻፋ ጋኬ።
12 ሀራ ባጋና ቃይ ሳሪዳ ካታማፐ አዋይ ዶልያ ባጋ ስሚደ፥ ክስሎት-ታቦራ ጋኪደ፥ ዳብራታንነ ያፍአን ዛዋቴ።
13 ሄዋፐ ቃይ አዋይ ዶልያ ባጋና ጋተ-ሄፌራ፥ ኢት-ቃጺናነ ርሞና ጋኪደ፥ ኔአኮ ምርቀቴ።
14 ሁጲሳ ባጋና ዛዋይ ሀናቶና ስሚደ፥ ይፍታህኤላ ዛንጋራን ዛዋቴ።
15 ያን ቃጻታ፥ ናህላላ፥ ሽምሮና፥ ይዳላነ ቤተሌመ ጌተትያ ካታማቱካ ደኢኖ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
16 ዛብሎና ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
ይሳኮራ ዘረꬃ ጋኬዳ ሻኩዋ
17 ኦይደንꬆ ሳማይ ይሳኮራ ዘረꬃ ኡንቱንቱ ያራን ያራን ጋኬዳ።
18 ኡንቱንቱ ጋድያ ካታማቱ እዝራኤላ፥ ካሱሎታ፥ ሹኔማ፥
19 ሀፋራይማ፥ ሽኦና፥ አናሀራታ፥
20 ራቢታ፥ ቅሽዮና፥ አቤጻ፥
21 ረሜታ፥ ኤንጋኒማ፥ ኤንሃዳነ ቤት-ጳጼጻ።
22 ሄ ጋድያ ዛዋይ ታቦራ፥ ሻሀጹማነ ቤት-ሸመሻ ቦቺደ ቢደ፥ ዮርዳኖሳ ሻፋን ዛዋቴ። ኡንቱንቱ ኡባና ታማነ ኡሱፑና፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
23 ይሳኮራ ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
አሴራ ዘረꬃ ጋኬዳ ሻኩዋ
24 እቼሸንꬆ ሳማይ አሴራ ዘረꬃ ኡንቱንቱ ያራን ያራን ጋኬዳ።
25 ኡንቱንቱ ጋድያ ካታማቱ ሄልቃታ፥ ሀላ፥ በጼና፥ አክሻፋ፥
26 አላመለካ፥ አምኣዳነ ምሽኣላ። አዋይ ዉልያ ባጋና ቃርመሎሳንነ ሽሆር-ልብናታን ዛዋቴ።
27 ቃይ አዋይ ዶልያ ባጋ ስም ቤት-ዳጎናኮ ምርቀቲደ፥ ዛብሎና ጋድያነ ይፍታህኤላ ዛንጋራ ቦች ቢደ፥ ቤት-ኤሜቃነ ናእኤላ ጋኬ። ቃይ ሁጲሳ ባጋና ካቡላ ጋኬ።
28 ሄዋፐ ቃይ ኤብሮና፥ ራሆባ፥ ሀሞናነ ቃና አꬊደ፥ ሲዶናን ዛዋቴ።
29 ሄዋፐ ቃይ ጋድያ ዛዋይ ራማ ስሚደ፥ ግምበቴዳ ጺሮሳ ካታማ ጋኬ። ሄዋፐ ቃይ ሆሳኮ ምርቀቲደ፥ ሜድትራነ አባን ዛዋቴ። ቃይ ማሀላባ፥ አክዚባ፥
30 ኡማ፥ አፌቃነ ራሆባ ጌተትያ ካታማቱካ ያን ደኢኖ። ኡንቱንቱ ኡባና ላታማነ ላኡዋ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
31 አሴራ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
ንፍታሌማ ዘረꬃ ጋኬዳ ሻኩዋ
32 ኡሱፑንꬃ ሳማይ ንፍታሌማ ዘረꬃ ኡንቱንቱ ያራን ያራን ጋኬዳ።
33 ኡንቱንቱ ዛዋይ ሄሌፋፐነ ዳእናኒማ ዎላፐ ዶሚደ፥ አዳም-ነቄባ፥ ያብንኤላነ ላቁማ አꬊደ ቢደ፥ ዉርሰꬃይ ዮርዳኖሳ ሻፋ ጋኬ።
34 ሄዋፐ ቃይ ዛዋይ አዋይ ዉልያ ባጋ አዝኖት-ታቦራኮ ምርቀቴ፤ ሄዋፐ ቃይ ሁቆቃ ስሚደ፥ ገድሳ ባጋና ዛብሎና ቢታንነ አዋይ ዉልያ ባጋና አሴራ ጋድያን ዛዋቲደ፥ አዋይ ዶልያ ባጋና ዮርዳኖሳ ሻፋ ጋኬ።
35 ግምበቴዳ ካታማቱ ጽዲማ፥ ጼራ፥ ሃማታ፥ ራቃታ፥ ክናሬታ፥
36 አዳማ፥ ራማ፥ ሀጾራ፥
37 ቀዴሻ፥ ኤድራአ፥ ኤንሀጾራ፥
38 ይርኦና፥ ምግዳልኤላ፥ ሆሬማ፥ ቤት-አናታነ ቤት-ሸመሻ። ኡንቱንቱ ኡባና ታማነ ኡዱፑና፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
39 ንፍታሌማ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
ዳና ዘረꬃ ጋኬዳ ሻኩዋ
40 ላፑንꬃ ሳማይ ዳና ዘረꬃ ኡንቱንቱ ያራን ያራን ጋኬዳ።
41 ኡንቱንቱ ላቴዳ ጋድያ ካታማቱ ጾርአ፥ ኤሽታኦላ፥ እርሸሜሻ፥
42 ሻአልቢማ፥ አያሎና፥ ይታላ፥
43 ኤሎና፥ ትምና፥ ኤቅሮና፥
44 ኤልታቀ፥ ግባቶና፥ ባእላታ፥
45 ይሁዳ፥ ባነባራቃ፥ ጋተ-ርሞና፥
46 መያርቆና፥ ራቆናነ ቃይ ዮጰ ካታማ ዩሹዋን ደእያ ሄራቱዋ።
47 ዳና ዛራቱ ጋድያ ላታናዉ እንጀተናዋ በኤዳ ዎደ፥ ቢደ ላይሻ ካታማ ኦለቲደ ጾኔድኖ፤ ጾኒደ ሄ ካታማን ደእያ አሳ ቃራ ማሻን ዎꬍ ዉርሲደ፥ ካታማ ባረንቱ አኪደ ያን ደኤድኖ። ሄ ካታማ ሱንꬃካ ላሚደ፥ ባረንቱ አዉዋ ዳና ሱንꬃን ዳና ጊደ ሱንꬄድኖ።
48 ዳና ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
ኢያሳ ጋኬዳ ግሹዋ
49 እስራኤልያ አሳይ ጋድያ ሻክ ዉርሴዳ ዎደ፥ ነዌ ናኣ ኢያሱ ላትያ ጋድያ ባረንቱ ግዶን እሜድኖ።
50 መꬍና ጎዳይ አዛዜዳዋዳን፥ ኢያሱ ኦችና፥ ኤፍሬማ ገዝያን ደእያ ትምናት-ሰራሀ ጌተትያ ካታማ አዉ እምና ካታማ ዎꬅ የግ ኬጺደ፥ ያን ደኤዳ።
51 ቄስያ ኤልኣዛረ፥ ነዌ ናአይ ኢያሱነ እስራኤልያ አሳ ዛረቶ ያራቱ ካፓቱ መꬍና ጎዳ ስንꬃን ሴሎን፥ መꬍና ጎዳ ዱንካንያ ፐንግያን ሳማ የጊደ፥ ግሼዳ ላታ ጋዲ ሀዋ። ኡንቱንቱ ጋድያ ያት ሻክ ፖሌድኖ።