8
ጾሳ አንጋይ መታ ቦላን
ዛማረቱዋ ካፖ ሱሱላቱዋን የጸቴዳ፥ ዳዊታ ማዝሙርያ።
1 አቤት መꬍና ጎዳዉ፥ ኑ ጾሳዉ፥
ነ ሱንꬃይ ሳኣ ኡባ ቦላን አያ ቦንቼቴዴሻ!
ኔን ነ ቦንቹዋ ሳሎቱዋፐ ቦላን
ꬎቁ ꬎቁ ኦꬃ ዎꬃዳ።
2 ኔን ነ ሞርከቱዋ ድራዉ፥
ነ ባልጋራነ ነዉ ማንድያዋ ስርጵ ኦꬃናዉ፥
ጉꬃ ናናቱዋ ዶናን
ꬋምያ ናናቱዋ ዶናን ጋላታ ኩንꬃዳ።
3 ኔን ነ ብራቱዋን መꬌዳ ነ ሳሎቱዋ፥
ሳኣን ሳኣን ኔን ዎꬄዳ አግናነ
ጾልንተቱዋ ታን በእያ ዎደ፥
4 ኔን አሳባ ቆፓናዉ አሳይ አዬ?
ዎይ ኔን አዉ ህርጋናዉ እ አዬ?
5 አ ኔን ጾሳፐ አማሬዳዋ ጉꬃዳ፤
ቦንቹዋነ ግታተꬃ ካላቻ አ ሁጲያን ዎꬃዳ።
6 አ ኔን ነ መꬌዳ መተꬃ ኡባ ቦላን
ሞድያዋ ኦꬃደ ሱንꬃዳ፤
ኡባባ አ ገድያፐ ጋርሳና ዎꬃዳ።
7 ዶርሳቱዋነ ቦራቱዋ፥ ሳኣ ዶአቱዋነ፥
8 ሳሉዋ ካፎቱዋ፥ አባ ሞለቱዋነ፥
አባይ ጎግያሳን ዋꬍያዋንታ ኡባካ
አ ሞድሳዳ።
9 አቤት ጾሳዉ፥ ኑ ጾሳዉ፥ ነ ሱንꬃይ
ሳኣ ኡባን አያ ቦንቼቴዴሻ!