3
Nahano alagaania kwo agalungika Umutima gwage
1 Nahano adetaga kwokuno:
«Ha nyuma, nâye yonere Umutima gwani ku bandu booshi.
Bagala biinyu na banyere biinyu, bagakizi tanga ubuleevi.
Abashaaja biinyu, bagakizi loota ibirooto.
Neꞌmisore yinyu, igakizi bona amabone.
2 Mu yizo siku, ngayonera Umutima gwani
kiri na ku bakozi, abashosi naꞌbakazi.»
3 Ngakizi yerekana ibitangaaza ku biri kwiꞌgulu,
na ku biri mu kihugo.
Hagaboneka umuko, noꞌmuliro,
halinde ikyusi kinakizi tutumuka hiꞌgulu.
4 Izuuba ligahindukaga kihulu.
Noꞌmwezi gugadukula nga muko.
Yibyo byoshi, byo bigatee koleka,
ikyanya ulusiku luhamu lwa Nahano lutazi hika, lunali lweꞌkihuumula.
5 Haaho, ngiisi úgahuuna ubutabaazi kwiꞌziina lya Nahano, agakizibwa.
Mukuba, ku mugazi Sayuni, bandu baguma bagafuuka mwiꞌyo nguuke,
nga kwo Nahano âli mali agwanwa alagaania.
Ee! Ngiisi ábagasigala ha nyuma lya lulya lusiku, baabo bo Nahano akahamagala.