110
Ukuyimikwa kwoꞌmwami
1 Izaburi ya Dahudi.
Nahano akabwira Nahamwitu:
«Ubwatalage uluhande lwani lweꞌlulyo,
halinde mbiike abagoma baawe mwiꞌdako lyaꞌmagulu gaawe.»
2 Nahano agatondeerera i Sayuni,
anakizi yajabula ubutwali bwawe
halinde unabe mutwali waꞌbagoma baawe.
3 Ikyanya ugagendi balwisa,
abandu baawe bagakuyibiika kwo.
Ikyanya ugatondeera ukutwala, ugaaba uyambiiti imirondo mitaluule.
Imisi yawe, igakizi ba mihyahya ngiisi lusiku,
nga kimi kya shesheezi.
4 Nahano keera akatugirira umuhango,
ataganaki guyishuhiza kwo.
Akadeta kwokuno: «Wehe, ugayama uli mugingi weꞌmyaka neꞌmyakuula,
ukukulikirana noꞌbugingi bwa Merikisedeeki.»
5 Nahano ali uluhande lwawe lweꞌlulyo, gira akizi kulanga.
Ulusiku lwo agaraakara, agafuta-futa abaami beꞌmahanga.
6 Yago mahanga, ikyanya agagahana, gagaaba gayijwiri ibirunda,
anayite abatwali baago booshi.
7 Haliko, umwami yenyene, ikyanya akiri mu njira,
agakizi nywa ku magoloovi ágali mu hinga.
Kwokwo, kwo mwami agakizi hima abagoma.