136
Mukizi deta kongwa imwa Nahano
1 Mukizi deta kongwa imwa Nahano, bwo ali mwija.
Urukundo lwage, luyamiri ho, halinde imyaka neꞌmyakuula.
2 Mukizi mútangira kongwa, bwo asumbiri abandi ábali mu yikumba booshi.
Urukundo lwage, luyamiri ho, halinde imyaka neꞌmyakuula.
3 Mukizi mútangira kongwa, bwo ali Nahano wa banahano.
Urukundo lwage, luyamiri ho, halinde imyaka neꞌmyakuula.
4 Nahano, ye mu gira ibitangaaza bihamu.
Urukundo lwage, luyamiri ho, halinde imyaka neꞌmyakuula.
5 Ku bumenyi bwage, akabumba igulu.
Urukundo lwage, luyamiri ho, halinde imyaka neꞌmyakuula.
6 Ye kabumba neꞌkihugo, anakitereka hiꞌgulu lyaꞌmiiji.
Urukundo lwage, luyamiri ho, halinde imyaka neꞌmyakuula.
7 Ye kabumba niꞌzuuba, noꞌmwezi, neꞌndonde.
Urukundo lwage, luyamiri ho, halinde imyaka neꞌmyakuula.
8 Ee! Ye kabumba izuuba likizi yaka ku kyanya kyoꞌbukiiri.
Urukundo lwage, luyamiri ho, halinde imyaka neꞌmyakuula.
9 Ye kabumba noꞌmwezi, neꞌndonde, bikizi moleka bushigi.
Urukundo lwage, luyamiri ho, halinde imyaka neꞌmyakuula.
10 Nahano, ye kaminika ifula zaꞌBamiisiri.
Urukundo lwage, luyamiri ho, halinde imyaka neꞌmyakuula.
11 Analyosa Abahisiraheeri mu kati kaabo.
Urukundo lwage, luyamiri ho, halinde imyaka neꞌmyakuula.
12 Anabalyosa yo ku bushobozi bwage, na ku bukalage bwage.
Urukundo lwage, luyamiri ho, halinde imyaka neꞌmyakuula.
13 Anabunduula Inyaaja Ndukula mwo kubiri.
Urukundo lwage, luyamiri ho, halinde imyaka neꞌmyakuula.
14 Analeeza Abahisiraheeri áhakoli yumiri.
Urukundo lwage, luyamiri ho, halinde imyaka neꞌmyakuula.
15 Si Faraho, kuguma naꞌbasirikaani baage, banakamira mwo!
Urukundo lwage, luyamiri ho, halinde imyaka neꞌmyakuula.
16 Anakizi rongoora abandu baage mwiꞌshamba.
Urukundo lwage, luyamiri ho, halinde imyaka neꞌmyakuula.
17 Ye kaminika abaami, kundu bâli riiri bikalage.
Urukundo lwage, luyamiri ho, halinde imyaka neꞌmyakuula.
18 Ee! Akayita indwani zaꞌbaami.
Urukundo lwage, luyamiri ho, halinde imyaka neꞌmyakuula.
19 Mu baami bo akayita, hali Sihooni umwami waꞌBahamoori.
Urukundo lwage, luyamiri ho, halinde imyaka neꞌmyakuula.
20 Hali na Hoogi, mwami weꞌBashaani.
Urukundo lwage, luyamiri ho, halinde imyaka neꞌmyakuula.
21 Ibihugo bya yabo baami, anabiheereza abandu baage.
Urukundo lwage, luyamiri ho, halinde imyaka neꞌmyakuula.
22 Ee! Âli biheziizi abakozi baage, Abahisiraheeri.
Urukundo lwage, luyamiri ho, halinde imyaka neꞌmyakuula.
23 Ikyanya twâli kizi gayirizibwa, anatukengeera.
Urukundo lwage, luyamiri ho, halinde imyaka neꞌmyakuula.
24 Anatukiza mu bagoma biitu.
Urukundo lwage, luyamiri ho, halinde imyaka neꞌmyakuula.
25 Ngiisi biremwa byoshi, anakizi biheereza ibyokulya.
Urukundo lwage, luyamiri ho, halinde imyaka neꞌmyakuula.
26 Rurema atuuziri mwiꞌgulu. Mukizi deta kongwa imwage.
Urukundo lwage, luyamiri ho, halinde imyaka neꞌmyakuula.