8
Aba mwiꞌkondo lya Binyamiini
1 Binyamiini naye, ifula yage ye wâli Beela. Noꞌwa kabiri, ye Hashibeeri. Noꞌwa kashatu, ye Ahara.
2 Noꞌwa kana, ye Noha. Noꞌwa kataanu, ye Rafa.
3 Uyo Beela, bagala baage bâli Hadaari, na Gera, na Habihudi,
4 na Habishuwa, na Namaani, na Ahowa,
5 na Gera, na Sefufanu, na Huramu.
6 Bagala Ehuudu, bâli bimangizi beꞌmbaga zaꞌbatuulaga beꞌGeba. Si bakatwalwa imbohe iyo munda i Manahati.
7 Naꞌmaziina gaabo, gâli Namaani, na Ahiya, na Gera. Gera ye wâli yishe wa Huza, na Ahihudi. Ye kanabarongoora ikyanya bakatwalwa i mahanga.
8 Saharayimu, ikyanya akaba keera ayimula bakaage Hushimu na Bara, anagendi tuula mu kihugo kyeꞌMohabu.
9 Ha nyuma, anayanga ugundi mukazi ye Hodeeshi. Uyo Hodeeshi, anamúbutira Yobaabu, na Sibya, na Mesha, na Malikamu,
10 na Yehuzi, na Sakiya, na Mirima. Yabo, bo bagala baage, banayiji ba bimangizi beꞌmbaga zaabo.
11 Ulya Saharayimu, mukaage Hushimu âli múbutiiri abagala babiri: Habitubu, na Heripaari.
12 Uyo Heripaari, bagala baage bâli Hebeeri, na Mishamu, na Semeedi. Uyo Semeedi, ye kayubaka akaaya keꞌHono, naꞌkeꞌLoodi, kuguma noꞌtwaya útutuzungulusiri.
13 Uyo Heripaari akabuta na Beriya, na Shema. Yabo bombi, bâli bimangizi beꞌmbaga ízâli tuuziri mu kaaya keꞌHayalooni, banayimula abatuulaga beꞌGaati.
14-16 Uyo Beriya, bagala baage bâli Ahiyo, na Shashaaki, na Yeremooti, na Zebadiya, na Haraadi, na Hedeeri, na Mikaheeri, na Hishipa, na Yoha.
17-18 Bagala Hepaari, bâli Zebadiya, na Meshulamu, na Hiziki, na Hebeeri, na Hishimerayi, na Hisiriya, na Yobaabu.
19-21 Bagala Shimeyi, bâli Yakimu, na Zikiri, na Zabeedi, na Herihenayi, na Siretayi, na Heryeri, na Hadaya, na Beraya, na Simuriti.
22-25 Bagala Shashaaki, bâli Hishipani, na Hebeeri, na Heryeri, na Habudooni, na Zikiri, na Hanani, na Hananiya, na Helamu, na Hanetotiya, na Hifedeya, na Penweri.
26-27 Bagala Yerohaamu, bâli Shamusherayi, na Shehariya, na Hataliya, na Yareshiya, na Hiriya, na Zikiri.
28 Yabo booshi, bo bâli bimangizi beꞌmbaga zaabo, ukukulikirana neꞌbibusi byabo. Banâli tuuziri i Yerusaleemu.
Aba mwiꞌkondo lya mwami Sahuli
29 Yehiyeri ye shokuluza waꞌbatuulaga beꞌGibyoni, ko naꞌkaaya âli tuuziri mwo. Mukaage ye wâli Maka.
30 Ifula yage, ye wâli Habudooni. Abandi bagala baage, bâli Suuri, na Kishi, na Baali, na Neeri, na Nadabu,
31 na Gedoori, na Ahiyo, na Zekeeri,
32 na Mikilooti, yishe wa Shimeya. Yabo kwakundi, bâli tuuziri i Yerusaleemu, hoofi naꞌbandi bandu ba mu makondo gaabo.
33 Neeri akabuta Kishi. Kishi naye, akabuta Sahuli. Sahuli naye, akabuta Yonataani, na Malikishuwa, na Habinadabu, na Heshibaali.
34 Uyo Yonataani, mugala wage ye wâli Meribu-Baali. Uyo Meribu-Baali naye, akabuta Mika.
35 Bagala Mika, bâli Pitoni, na Meleeki, na Tereya, na Ahaazi.
36 Uyo Ahaazi akabuta Yehwada. Yehwada naye, anabuta Halemeeti, na Hazimaweti, na Zimuri. Zimuri naye anabuta Mooza.
37 Mooza naye, anabuta Bineya. Bineya naye, anabuta Rafa. Rafa naye, anabuta Heryasa. Heryasa naye, anabuta Hazeeri.
38 Uyo Hazeeri âli hiiti abagala balindatu: Hazirikamu, na Bokeru, na Hishimaheeri, na Sehariya, na Hobadiya, na Hanani. Yabo booshi, bâli bagala Hazeeri.
39 Mwene wabo Hesheeki, naye anabuta ifula yage Hulamu. Noꞌwa kabiri, ye Yehushi. Noꞌwa kashatu, ye Herifereeti.
40 Uyo Hulamu, bagala baage bâli bikalage bweneene biꞌzibo, banâli bikalage mu kufwora umuheto. Âli busiri abagala naꞌbijukulu bingi. Umuharuuro gwabo, bâli igana na makumi gataanu.
Yabo booshi, bâli ba mwiꞌkondo lya Binyamiini.