ଯୀଶୁ ଖ୍ରୀଷ୍ଟଙ୍କ ବିସୟ୍ରେ ମାଥିଉ ଲିଖିତ ସୁସମାଚାର
ଜିସୁ କିସ୍ଟନେ ବିସୟ୍ରେ ମାତିଉ ଗୁଆର୍କ୍ନେ ନିମାଣ୍ତା ସାମୁଆଁ
ମାତିଉ ଉଲିଆଃନେ ଉଃଡ଼ିକ୍ଲିଗ୍ ସାମୁଆଁ
ମସୀହାକେ ରାଇଜ ସାସନ୍ ଡିଂନେ ଇଃସାଙ୍ଗ୍ ପାଙ୍ଗ୍ଏ ଡାଗ୍ଚେ ବିସ୍ବାସ୍ ଡିଂଆର୍ଡିଙ୍ଗେ ମାତିଉ ମେଇଂ ବିସ୍ବାସ୍ ଡିଂଲେଃଆର୍ଗ୍ନେ ଆଃବଦ୍ଲେ ବିଃକେ । ପର୍ମେସର୍ନେ ରାଇଜ ଡିଂଡିଂକେ ଆତ୍ମାନେ ରାଇଜ ଆକେନ୍ ଦର୍ତନିନେ ରାଇଜ ଣ୍ଡୁ ଡାଗ୍ଚେ ଆତେନ୍ ବୁଦି ଏତେ ଆଃସିକେ ଡିଂଗେ ।
ମାତିଉ ଗୁଆର୍କ୍ନେ ନିମାଣ୍ଡା ସାମୁଆଁ ତ୍ମି ନିୟମ୍ନେ ପର୍ତୁମ୍ ବଇ ଇସାବ୍ରେ ଆଃମିସୁଲା ନିମାଣ୍ଡା । ମେଃନେ ଡାଗ୍ଲା ବାୱିର୍ ନିୟମ୍ନେ ସାମୁଆଁଇଂ ମାଲେ ମିସୁଃଚେ ଲେଃକେ । ଆକେନ୍ ବଇ ବାୱିର୍ ନିୟମ୍କେ ଆରି ତ୍ମି ନିୟମ୍କେ ଆଃମିସୁଃଏ । ପଣ୍ଡିତ୍ଇଂ ଡିଗ୍ ବାସଙ୍ଗ୍ଆର୍ଏ ମାତିଉ ମେଇଂନେ ଗ୍ନୁଆର୍ନ୍ନିଆ ମୋଶାନେ ନିୟମ୍ ବଇଇଂ ସୁଗୁଆ ଆଃଡିଂନେ ଚେସ୍ଟା ଡିଂବକେ । ଜିସୁ କଣ୍ଡା ଆଡ଼ାତ୍ରା ସିକ୍ୟା ବିଃନେ ସାମୁଆଁ ମାତିଉ ୫:୭ ପର୍ମେସର୍ ମୋଶାନେ ନିୟମ୍ ବିଃନେ ସାମୁଆଁ ଏତେ ଡିଗ୍ ତୁଲନା ଡିଂୟାଡିଂଏ ୨ ବିବରଣି ୧୯:୩-୨୩
ଏନ୍ ଉଲିଆଃ ବିତ୍ରେ ଲେଃକ୍ନେ ସାମୁଆଁଇଂ
୧. ଜିସୁନେ ଜନମ୍ ଆରି ମେଁନେ ସେବାକାମ୍ । ୧:୧–୨:୨୩
୨. ଜିସୁନେ ସେବାକାମ୍ ଆରି ମେଁନେ ସିକ୍ୟା । ୩:୧–୧୨:୫୦
୩. ଡୁବନ୍ ଆରି ଜିସୁନେ ପରିକ୍ୟା । ୩:୧୩–୪:୧୧
୪. ଗାଲିଲୀନ୍ନିଆ ଜିସୁନେ ସେବାକାମ୍ । ୪:୧୨–୧୮:୩୫
୫. ଗାଲିଲୀବାନ୍ ଯିରୂଶାଲାମ୍ ଜିସୁନେ ସିକ୍ୟା । ୧୯:୧–୨୦:୩୪
୬. ସାରାସାରି ନ୍ସା ଜିସୁ ଯିରୂଶାଲାମ୍ ୱେକେ । ୨୧:୧–୨୭:୬୬
୭. ଜିସୁ ଗୁଏଃଚେ ତଃଡ଼ିଆକେ ଆରି ସିସ୍ଇଂକେ ଦର୍ସନ୍ ବିଃକେ । ୨୮:୧-୨୦
୧
ଜିସୁ କିସ୍ଟନେ ବଁସ୍କୁଲ୍ ପରିଚୟ୍
(ଲୁକ୍ ୩:୨୩-୩୮)
୧ ଅବ୍ରାହାମ୍ନେ ଉଂଡେ ଆରି ଦାଉଦନେ ଉଂଡେ ଜିସୁ କିସ୍ଟନେ ବଁସ୍କୁଲ୍ଇଂ ।
୨ ଅବ୍ରାହାମ୍ନେ ଉଂଡେ ଯିସହାକ; ଇସ୍ହାକ୍ନେ ଉଂଡେ ଜାକୁବ୍; ଜାକୁବ୍ନେ ଉଂଡେ ଜିଉଦା ଆରି ମେଁନେ ବୟାଁଣ୍ଡେଇଂକେ ଜନମ୍ ବିକେ
୩ ଜିଉଦା ଆରି ତାମରନେ ଉଂଡେ ଫେରସ ଆରି ଜେରହ; ଫେରସନେ ଉଂଡେ ହେସ୍ରୋଣ; ହେସ୍ରୋଣନେ ଉଂଡେ ଆରାମ;
୪ ଆରାମ୍ନେ ଉଂଡେ ଅମିନାଦାବ; ଅମିନାଦାବନେ ଉଂଡେ ନହଶୋନ; ନହଶୋନନେ ଉଂଡେ ସଲ୍ମୋନ;
୫ ସଲମନ୍ ଆରି ରାହାବନେ ଉଂଡେ ବୋୟଜ୍; ବୋୟଜ୍ ଆରି ଋତନେ ଉଂଡେ ଓବେଦ୍; ଓବେଦନେ ଉଂଡେ ଯେଶି ।
୬ ଯିଶୀନେ ଉଂଡେ ଦାଉଦ ଇଃସାଙ୍ଗ୍ । ଦାଉଦ ଉରିୟନେ କୁନୁଏଃଡ଼େନେ ଗର୍ବେବାନ୍ ଶଲୋମନ୍କେ ଜନମ୍ ବିଃକେ;
୭ ଶଲୋମନ୍ନେ ଉଂଡେ ରହବୟାମ; ରହବୟାମନେ ଉଂଡେ ଅବିୟ; ଅବିୟନେ ଉଂଡେ ଆସା ।
୮ ଅବିୟନେ ଉଂଡେ ଆସା; ଆସାନେ ଉଂଡେ ଯିହୋଶାଫଟ୍; ଯିହୋଶାଫାଟ୍ନେ ଉଂଡେ ଯୋରାମ; ଯୋରାମନେ ଉଂଡେ ଉଜ୍ଜିୟ;
୯ ଉଜ୍ଜିୟନେ ଉଂଡେ ଯୋଥାମ୍; ଯୋଥାମ୍ନେ ଉଂଡେ ଆହାଜ; ଆହାଜନେ ଉଂଡେ ହିଜକିୟ;
୧୦ ହିଜକିୟନେ ଉଂଡେ ମନଶେହ; ମନଶେହନେ ଉଂଡେ ଆମୋନ; ଆମୋନ ଯୋଶିୟକେ ଜନମ୍ ବିକେ
୧୧ ବାବିଲୋନ୍ ଦେସ୍ନ୍ନିଆ ଗାଗ୍ଚେ ଡୁଙ୍ଗ୍ୱେନେ ବେଲା ଆମୋନନେ ଗଡ଼େଅ ଯୋଶିୟ; ଯୋଶିୟନେ ଉଂଡେ ଯିଖନିୟ ଆରି ମେଁନେ ବୟାଁଇଂ ଜନମ୍ ଡିଂକେ ।
୧୨ ଯିଖନିୟନେ ଉଂଡେ ଶଅଲ୍ଥୀୟେଲ ବାବିଲୋନ୍ନ୍ନିଆ ଜନମ୍ ଡିଂକେ । ଶଅଲ୍ଥୀୟେଲନେ ଉଂଡେ ଜିରୁବାବେଲ;
୧୩ ଜିରୁବାବେଲନେ ଉଂଡେ ଅବୀହୁଦ୍; ଅବୀହୁଦ୍ନେ ଉଂଡେ ଏଲିୟାକିମ; ଏଲିୟାକିମନେ ଉଂଡେ ଅଜ୍ଜୂର;
୧୪ ଅଜ୍ଜୂରନେ ଉଂଡେ ସାଦୋକ; ସାଦୋକନେ ଉଂଡେ ଯାଖୀନ; ଯାଖୀନନେ ଉଂଡେ ଏଲୀହୁଦ; ଏଲୀହୁଦନେ ଉଂଡେ ଏଲାଜାର; ଏଲାଜାରନେ ଉଂଡେ ମତ୍ଥାନ;
୧୫ ଏଲୀହୁଦ ଏଲୀୟାଜର୍କେ ଜନମ୍ ବିକେ ଏଲୀୟାଜରନେ ଉଂଡେ ମତ୍ଥାନ; ମତ୍ଥାନ୍ନେ ଉଙ୍ଗ୍ଡେ ଜାକୁବ୍; ଜାକୁବ୍ନେ ଉଙ୍ଗ୍ଡେ ଯୋସେଫ୍ ।
୧୬ ମତ୍ତାନ ଜାକୁବ୍କେ ଜନମ୍ ବିକେ ଜାକୁବ୍ ମରିୟମ୍ନେ ଆଣ୍ଡା ଯୋସେଫ୍କେ ଜନମ୍ ବିକେ ଏନ୍ ଯୋସେଫ୍ ମରିୟମ୍କେ ବିହେ ଡିଙ୍ଗ୍ଲେଃଗେ । ମରିୟମ୍ନେ ସୁଲୁଏ ବାନ୍ ଜିସୁ ଜନମ୍ ଡିଙ୍ଗ୍କେ । ଜିସୁ କିସ୍ଟ ମସୀହ ମ୍ନିରେ ଡିଗ୍ ସ୍ନାମୁଆଁ ।
୧୭ ଦେକ୍ରକମ୍ ଅବ୍ରାହାମ୍ନେ ବାନ୍ ଦାଉଦନେ ଜାକ ଚଉଦ ପୁରୁସ୍; ଦାଉଦନେ ବାନ୍ ବାବିଲୋନ୍କେ ଗାଗ୍ଚେ ଡୁଙ୍ଗ୍ୱେନେ ଜାକ ଚଉଦ ପୁରୁସ୍ ବାରି ବାବିଲୋନ୍ ବାସାନେ ଜାକ କିସ୍ଟନେ ଜନମ୍ ଜାକ ଚଉଦ ପୁରୁସ୍ ।
ଜିସୁ କିସ୍ଟନେ ଜନମ୍ ବିସୟ୍
(ଲୁକ୍ ୨:୧-୭)
୧୮ ଏନ୍ ଡିଂକେ ଜିସୁ କିସ୍ଟନେ ଜନମ୍ ବିସୟ୍ । ମେଁନେ ଇୟାଙ୍ଗ୍ ମରିୟମ୍ନେ ଯୋସେଫ୍ନେ ଏତେ ମାଗ୍ନି ଡିଙ୍ଗ୍ଲେଃଗେ । ମାତର୍ ମେଁଇଂନେ ବିହେ ମାଡାନେ ସେନୁଗ୍ ମରିୟମ୍ ମ୍ୟାକେ ଜେ ପବିତ୍ର ଆତ୍ମାନେ ବାନ୍ ମେଁ ଗାଗ୍ଡ଼େ ଲେଃକେ ।
୧୯ ଯୋସେଫ୍ ଦରମ୍ ରେମୁଆଁ ଲେଃଗେସାଃ କାଲାଆଃ ନିମାଣ୍ଡା କାମ୍ ଡିଂଡିଙ୍ଗେ । ଏଲେଡିଗ୍ ମରିୟମ୍କେ ରେମୁଆଁନେ ନିନ୍ଦା ବାନ୍ ରକ୍ୟା ଡିଙ୍ଗ୍ନ୍ସା କଲେନା ମାଗ୍ନିକେ ମନା ଡିଙ୍ଗ୍ନ୍ସା ଉପାୟ୍ ତୁର୍କେ ।
୨୦ ମେଁ ଏନ୍ ବାବେକେଲା ମୁଇଂ କିତଂ ଦୁତ୍ ଆମେକେ ମୁସୁଡ଼ିଙ୍ଗ୍ନ୍ନିଆ ଆତ୍ନାଚେ ବାସଙ୍ଗ୍କେ “ଅ ଦାଉଦ କୁଲ୍ନେ ଯୋସେଫ୍ । ମରିୟମ୍କେ ସେଲାମ୍ବୁଏ ଡାଗ୍ଚେ ଗ୍ରଅନ୍ ଡିଙ୍ଗ୍ନ୍ସା ଆବ୍ଟଗେ ନାମଃ, ଡାଗ୍ଲା ପବିତ୍ର ଆତ୍ମା ବାନ୍ ମରିୟମ୍ ଗାଗ୍ଡ଼େ ଲେଃକେ ।
୨୧ ମେଁନେ ମୁଇଂ ଗଡ଼େଅ ଜନମ୍ ଡିଙ୍ଗ୍ଏ । ମେଁନେ ମ୍ନି ଜିସୁ ନାବିଏ, ଡାଗ୍ଲା ମେଁ ନିଜର୍ ରେମୁଆଁଇଂକେ ପାପ୍ବାନ୍ ରକ୍ୟା ଡିଙ୍ଗ୍ଏ ।”
୨୨ ଇସ୍ପର୍ ମୁଇଂ ବାବବାଦିନେ ବାନ୍ ମୁଡ଼ିନେ ବବିସତ୍ ସାମୁଆଁ ଆଃଅଁ ବକେ ଆତାନ୍ ସତ୍ ଡିଙ୍ଗ୍ନ୍ସା ଏନ୍ ସାପା ଗଟେଲେଃକେ ।
୨୩ ଆତେନ୍ ବବିସତ୍ ସାମୁଆଁ ଡିଂଡିଂକେ, “ମୁଇଂ ସେଲା ଗାଗ୍ଡ଼େଚେ ଗଡ଼େଅ ମୁଇଂ ଜନମ୍ ବିଃଏ । ଆତେନ୍ ଗଡ଼େଅ ଇମ୍ମାନୁୟେଲ” ମ୍ନିରେ ୱାଆର୍ଏ । ଇମ୍ମାନୁୟେଲ ଅର୍ତ “ଇସ୍ପର୍ ନେଁ ଏତେ ଲେଃକେ ।”
୨୪ ଯୋସେଫ୍ ଡୁଲେଗ୍ଚେ ତଡ଼ିଆକ୍ନେ ଇଡ଼ିଙ୍ଗ୍ ମେଁ କିତଂ ଦୁତ୍ନେ ଆଦେସ୍ ଅନୁସାରେ ସ୍ଲେ ଡିଙ୍ଗ୍କେ । ମେଁ ମରିୟମ୍କେ ବିହେ ଡିଙ୍ଗ୍କେ ।
୨୫ ମାତର୍ ମେଁନେ ଆତାନ୍ ଉଙ୍ଗ୍ଡେ ଜନମ୍ ଡିଙ୍ଗ୍ ଜାକ ମରିୟମ୍ ଏତେ ଆକୁଡ଼େଃ ଆମାଡ଼େଃକେ ଣ୍ତୁ । ଯୋସେଫ୍ ଆତେନ୍ ଉଙ୍ଗ୍ଡେକେ ଜିସୁ ମ୍ନି ବିକେ ।