16
ዳዊቴ ዎሳ
1 ኣቤት ጎዳዉ!
ታ ባቃታ ኣቲዛሶይ ኔና፤
ኔ ኪኦን ታና ቆታ።
2 ታኒ ጎዳስ፥ «ኔኒ ታ ጎዳ፤
ኔፔ ኣቲን ሃራ ሎኦይ
ታስ ዴና» ጋዲስ።
3 ሳኣን ዴኢዛ ጌሻቲ
ኣይ ማላ ቦንቼቲዳይቴ!
ታኒ ኢስታን ኡፋዬታይስ።
4 ዎርዶ ጾሳታ ካሊዛይቲ
ባንታ ቦላ ሜቶ ዳርሴቴስ።
ጊዶ ኣቲን
ታኒ ኤቃ ጾሳታስ ሹኪኬ፤
ኢስታስ ሱንꬃካ ጼይጊኬ።
5 ጎዳዉ! ታስ ላታ ጺንጾይኔ
ቃዳይ ኔና፤
6 ኔ ታስ ዋꬊዳ ዛዋይ
ሎኦ ጊዲዴስ፤
ኬሂፔ ሎኦ ጺንጾይ
ታና ጋኪዴስ።
7 ታና ዞሪዛ ጎዳ ጋላታይስ፤
ኦማርስ ታ ዎዚናይ
ታና ታማርሴስ።
8 ታኒ ኡባቶ ጎዳ ሲንꬃሳይስ፤
ኢዚ ታ ኡሻቻን ዲዛ ጊሻስ
ታኒ ኮኮሪኬ።
9 ሄሳ ጊሻስ
ታ ዎዚናይ ኡፋዬቴስ፤
ታ ሼምፖይካ ዎፑ ጌስ፤
ታ ኣሳቴꬃይካ ሂርጋይ ባይንዳ
ሼምፒ ዴስ።
10 ኔ ታና ሲኦሌን ኣጋካ፤
ኔ ጌሻዛ
ዎቃና ማላ ኣጋካ።
11 ኔኒ ታና ዴኦ ኦጌ ቤሳሳ፤
ኔ ማታን ኩሜꬃ ኡፋይሲ፥
ኔስ ኡሻቻን
ሜርና ኡፋይሲ ዴስ።