4
ዳዊቲ ዛማሬታ ካቦስ ኦስፑን ሻያን ዋጼቲዳ ዲꬃን ዬጺዳ ማዛሙሬ
1 ኣቤት ታ ጺሎ ጾሳዉ!
ታኒ ጼይጊዛ ዎዴ
ኔ ታስ ኮያ።
ታኒ ኡንኤቲዳ ዎዴ፥
ኔኒ ታና ሼምፒሳዳሳ፤
ታስ ቃꬌታዳ ታ ዎሳ ሲያ።
2 ኢንቴኖ ኣሳቶ!
ኢንቴ ኣዉዴ ጋካናስ
ታ ቦንቾ ካዉሻኔ?
ኢንቴ ኣዉዴ ጋካናስ
ሃዳ ሚሽ ሲቃኔ?
ኢንቴ ኣዉዴ ጋካናስ
ዎርዶ ሚሽ ካላኔ?
3 ጎዳይ ጺሎ ኣሳታ
ባስ ሻኪ
ዱማ ዎꬂዳይሳ
ኢንቴ ኤሪቴ፤
ሄሳ ጊሻስ ታኒ ጎዳ
ጼይጊዛ ዎዴ
ኢዚ ታስ ሲዬስ።
4 ሃንቄቲቴ፤ ጊዶ ኣቲን
ኢንቴ ሃንቆን
ናጋራ ኦꬆፍቴ።
ሂጻን ኢቺ ዲዛ ዎዴ
ሲርጲ ጊዲ ኢንቴ ዎዚና ቆሪቴ።
5 ጎዳስ ቤሲዛ ያርሾ ያርሺቴ፤
ጎዳንካ ጾሳንካ
ኣማኔቲቴ።
6 ዳሮቲ፥ «ኑና
ሎኦ ቤሳናይ
ኦኔ?» ጌቴስ፤
ኣቤት ጎዳዉ!
ኔ ሎኦ ኣይፌሶይ
ኑ ቦላ ፖኦ።
7 ካꬂኔ ዎይኔ ኡሹ
ዳሮ ዴሚዲ
ሃራቲ ኡፋዬቲዛይሳፌ ኣꬃዳ
ኔኒ ታ ዎዚና
ኡፋይሳን ኩንꬃዳሳ።
8 ኣቤት ጎዳዉ!
ኔ ጻላ ታና ሳሮን ናጋ
ኣይሲዛ ጊሻስ
ታኒ ኢቻዳ ሳሮቴꬃን
ꬊስካይስ።