1Taarike Maxaafa
Giddo Qofa
Koyro taarike maxaafay Sameela maxaafaninne kawota maxaafatan diza taariketa hara ogera zaari yootees; taarike maxaafati Isra7eele kawota taarike gishshas ayfe gidida nam7u qofata yooteettes.
1. Isra7eele kawoteththatinne Yuhuda kawoteththati mooron kundidaa gidikkoka Xoossi ba derezas immida hidota qaala ubbaa naagidayssa Yuhudan diza asaa baggara izi ba deraas qoppidayssi ooso bolla pe7oyssa bessanaassa; hessi tumu gididayssa erisanaas ha maxaafaa xaafida Dawitinne Solomooney ooththida gita oosota, Iyoosaafixey Hizqiyaasinne Iyosiyaasi ooththida ooraxiso oosotanne Xoossas istta ammaneteththi minnida deraa lo7eththi bessees (1-12).
2. Yerusalaamen diza Xoossa Keeththan Xoossas goynoy waani doomettidaakko qonccisanaassa; qasse he wode goyno wogaa kaaleththizayti qeeseta gidida gishshas istti kaaleththiza ooso keeththay waanidi doomettidaakko qonccisanaassa; Xoossa Keeththaa keexxiday Solomoone gidikkoka koyro Xoossa Keeththan goyno woga essiday Dawite gidayssa erisanaassa. (13-29)
Ha Maxaafay Oykkida Kumeththa Qofa
Addaame zareppe biidi kawo Sa7oole gakkanaas 1:1—9:44
Sa7oole hayqonne iza nayta hayqo 10:1-14
Dawiti kawotidi Yerusalaame oyth 11:1-9
Dawite wottadara minota 11:10—12:40
Taabotaa Yerusalaame efo 13:1—16:43
Xoossa Keeththa keexxanay Solomoone 17:1-27
Dawite wottadarata xoono 18:1—20:8
Dawiti deraa qoodiin gakkida hanqo 21:1-30
Xoossa Keeththaa keexxanaas giigeteth 22:1—28:21
Xoossa Keeththaa keexxanaas imettida imota 29:1-20
Solomoone kawoteth 29:21-25
Dawite hayqo 29:26-30
1
Addaameppe Biidi Abrahaame Gakkanaas Diza Yeleta
(Medhe 5:1-32; 10:1-32; 11:10-26)
1 Addaamey Seete yelides; Seetey Heenoose yelides; Heenoosey Qaynaane yelides.
2 Qaynaaney Malal7eele yelides; Malal7eeley Yaareede yelides.
3 Yaareedey Heenooke yelides; Heenookey Maatusaala yelides; Maatusaalay Laameeke yelides.
4 Laameekey Nohe yelides; Nohey Seeme, Kaamenne Yaafeete yelides.
5 Yaafeetey, Goomere, Maagooge, Maadaye, Yaawaane, Tubaale, Mesheekenne Tiraase geetettiza attuma nayta yelides.
6 Goomere nayti Ashkenaaze, Erefasitenne Togarma.
7 Yaawaane nayti Elishe, Tarseese, Kiitimenne Oroodahime.
8 Kaame attuma nayti Kuushe, Mixirayme, Puuxenne Kanaane.
9 Kuushe nayti Seeba, Hawila, Saaba, Eraa7imenne Sabiteka; Eraa7ime attuma nayti Saabanne Dadaane.
10 Kuushey Namuruude yelides; Namuruudeyka alame bolla erettida wolqqama olanchcha gidides.
11 Mixiraymey Luudimeta, Anaameta, Lahaabeta, Naftuheta,
12 Phaxirooseta, Kaasiluhetanne Filisxeeme zareta yelida Kaftooreta yelides.
13 Kanaaney bayra naa Sidoonassinne iza kaalo Hiites aawa;
14 qasseka Kanaaney Yaabusetas, Amooretas, Gergesetas,
15 Hiiwetas, Arqetas, Siinetas,
16 Arwaadetas, Xamaaretassinne Hamaatetas aawa.
17 Seeme nayti, Elaame, Asoore, Arfaakiside, Luude, Aaraame, Uuxe, Huule, Geterenne Mesheeke;
18 Arfaakisidey Sheelahe yelides; Sheelahey Eboore yelides;
19 Eboorey nam7u attuma nayta yelides; issoy yelettida wode sa7ay shaakettida gishshas iza sunththi Peeleege geetettides; nam7anththozi Yoqixaane geetettides.
20 Yoqixaaney Almodaade, Shelefe, Haxarmaawete, Yerahe
21 Hadoraame, Uzaale, Diiqile
22 Eebaale, Abima7eele, Saaba,
23 Ofire, Hawilanne Yobaabe yelides; hayti wurikka Yoqixaane nayta.
24 Seemeppe biidi Abrahaame gakkanaas diza yeleta zarkkey hayssafe kaalli dizayta oykkees; isttika Seeme, Arfaakiside, Sheelahe,
25 Eboore, Peeleege, Era7e,
26 Saruge, Naakoore, Taaranne
27 guyeppe Abrahaame geetettida Abraame.
Abrahaame Soo Asata
(Medhe 25:12-16)
28 Abrahaamey Yisaaqanne Isma7eele yelides.
Aggaara Abrahaames Yelida Nayta
29-30 Abrahaamey Aggaarippe Isma7eele yelides; Isma7eeley yelida bayra naaza sunththi Nebayoote gidishin iza kaaloti Qeedaare, Adibi7eele, Mibisaame, Mishima7e, Duuma, Maasa, Hadaade, Teema,
31 Yixure, Nafishaanenne Qeedima geetetteettes.
Keexuray Abrahaames Yelida Nayta
32 Keexuray Abrahaames yelida usuppun attuma nayti Zimiraane, Yoqishaane, Maadda, Midiyaane, Yishibaaqenne Shuha geetetteettes. Yoqishaaney Saabanne Dadaane geetettiza nam7u attuma nayta yelides.
33 Midiyaaneykka Eefa, Efere, Heenooke, Abida7enne Elda7e geetettiza ichchashu attuma nayta yelides; hayti ubbay Keexura zereththata.
Abrahaamey Saarappe Yelida Zareta
(Medhe 36:1-19)
34 Abrahaamey Saarappe Yisaaqa yelides; Yisaaqi Eesawenne Isra7eele yelides.
35 Eesawey Elfaaze, Era7u7eele, Ya7uushe, Ya7ilaamenne Qoore yelides.
36 Elfaazey Temaane, Omaare, Xaafe, Ga7itaame, Qenaaze, Teminaa7enne Amaaleeqe geetettiza attuma nayta yelides.
37 Era7u7eeley Nahaate, Zaraahe, Shammahanne Miizahe geetettiza attuma nayta yelides.
Eedoomen Koyro De7ida Asata
(Medhe 36:20-30)
38 Eedoomen koyro de7ida Seyre attuma nayti Looxa, Shobaale, Xiba7oone, Aana, Diisho, Exeerenne Dishaane.
39 Looxaane attuma nayti Hoorenne Homaame; Teminaa7a Looxaanes michcho.
40 Shobaale attuma nayti Aliwa, Manahaate, Eebaale, Sheefenne Oonname.
Xiba7oone attuma nayti Aayanne Aana.
41 Aanay Dishoone yelides; Dishoone attuma nayti Hemda, Eshibaane, Yitiraanenne Kaaraane.
42 Exeere attuma nayti Bilihaane, Za7iwaanenne Yaqine.
Dishaane attuma nayti Uuxenne Araane.
Eedoome Dere Kawota
(Medhe 36:31-43)
43 Isra7eelen ay kawoykka kawotanaappe kase Eedoome biittan kawotida kawoti hayssafe kaalli xaafettidayta.
Bi7oore naa Beelay kawotides; iza katamaa sunththay Dinaabe.
44 Beelay hayqqiin izappe kaallidi Booxira dere as Zaraahe naa Yobaabey kawotides.
45 Yobaabey hayqqiin izappe kaallidi Temaane dere as Hushamey kawotides.
46 Hushamey hayqqiin izappe kaallidi Mo7aabe deren Midiyaameta xoonida Badaade naa Hadaadey kawotides; iza katamaya Awite geetettawus.
47 Hadaadey hayqqiin izappe kaallidi Maasireeqe dere as Sha7uley kawotides.
48 Sha7uley hayqqiin izappe kaallidi Efiraaxise shaafa matan diza Erahoobote dere as Sa7ooli kawotides.
49 Sa7ooli hayqqiin izappe kaallidi Akiboore naa Ba7aali-Hanaaney kawotides.
50 Ba7aali-Hanaaney hayqqiin izappe kaallidi Paa7u dere as Hadaadey kawotides; iza machcheyakka Mahexabi7eela Mezahaabe naa Maxireeda biyo; hessafe guye Hadaadey hayqqides.
51 Eedoomen keehi erettiza halaqati Teminaa7e, Aliwa, Yeteete,
52 Oholibaame, Eela, Pinoone,
53 Qenaaze, Temaane, Mibizaare,
54 Magidi7eelenne Iraame geetetteettes.