☰ ΚΑΤΑ ΜΑΡΚΟΝ 1
ΚΑΤΑ ΜΑΡΚΟΝ
1
1 Ἀρχὴ τοῦ εὐαγγελίου Ἰησοῦ ⸀χριστοῦ* 2 ⸀Καθὼς†γέγραπται ἐν ⸂τῷ Ἠσαΐᾳ τῷ προφήτῃ‡· ⸀Ἰδοὺ ἀποστέλλω τὸν ἄγγελόν μου πρὸ προσώπου σου, ὃς κατασκευάσει τὴν ὁδόν ⸀σου·§* 3 φωνὴ βοῶντος ἐν τῇ ἐρήμῳ· Ἑτοιμάσατε τὴν ὁδὸν κυρίου, εὐθείας ποιεῖτε τὰς τρίβους αὐτοῦ, 4 ἐγένετο Ἰωάννης ⸀ὁ†βαπτίζων ἐν τῇ ⸀ἐρήμῳ‡κηρύσσων βάπτισμα μετανοίας εἰς ἄφεσιν ἁμαρτιῶν. 5 καὶ ἐξεπορεύετο πρὸς αὐτὸν πᾶσα ἡ Ἰουδαία χώρα καὶ οἱ Ἱεροσολυμῖται ⸂πάντες, καὶ ἐβαπτίζοντο⸃ ⸂ὑπʼ αὐτοῦ ἐν τῷ Ἰορδάνῃ ποταμῷ⸃ ἐξομολογούμενοι τὰς ἁμαρτίας αὐτῶν.§* 6 ⸂καὶ ἦν† ὁ Ἰωάννης ἐνδεδυμένος τρίχας καμήλου καὶ ζώνην δερματίνην περὶ τὴν ὀσφὺν αὐτοῦ, καὶ ἔσθων ἀκρίδας καὶ μέλι ἄγριον. 7 καὶ ἐκήρυσσεν λέγων· Ἔρχεται ὁ ἰσχυρότερός μου ὀπίσω μου, οὗ οὐκ εἰμὶ ἱκανὸς κύψας λῦσαι τὸν ἱμάντα τῶν ὑποδημάτων αὐτοῦ· 8 ⸀ἐγὼ‡ἐβάπτισα ⸀ὑμᾶς§ὕδατι, αὐτὸς δὲ βαπτίσει ὑμᾶς ⸀ἐν*πνεύματι ἁγίῳ. 9 Καὶ ἐγένετο ἐν ἐκείναις ταῖς ἡμέραις ἦλθεν Ἰησοῦς ἀπὸ Ναζαρὲτ τῆς Γαλιλαίας καὶ ἐβαπτίσθη ⸂εἰς τὸν Ἰορδάνην ὑπὸ Ἰωάννου†. 10 καὶ ⸀εὐθὺς‡ἀναβαίνων ⸀ἐκ§τοῦ ὕδατος εἶδεν σχιζομένους τοὺς οὐρανοὺς καὶ τὸ πνεῦμα ⸀ὡς*περιστερὰν καταβαῖνον ⸀εἰς†αὐτόν· 11 καὶ φωνὴ ἐγένετο ἐκ τῶν οὐρανῶν· Σὺ εἶ ὁ υἱός μου ὁ ἀγαπητός, ἐν ⸀σοὶ‡εὐδόκησα. 12 Καὶ εὐθὺς τὸ πνεῦμα αὐτὸν ἐκβάλλει εἰς τὴν ἔρημον. 13 καὶ ⸀ἦν§ἐν τῇ ἐρήμῳ ⸂τεσσεράκοντα ἡμέρας* πειραζόμενος ὑπὸ τοῦ Σατανᾶ, καὶ ἦν μετὰ τῶν θηρίων, καὶ οἱ ἄγγελοι διηκόνουν αὐτῷ. 14 ⸂Καὶ μετὰ† τὸ παραδοθῆναι τὸν Ἰωάννην ἦλθεν ὁ Ἰησοῦς εἰς τὴν Γαλιλαίαν κηρύσσων τὸ ⸀εὐαγγέλιον‡τοῦ θεοῦ 15 καὶ λέγων ὅτι Πεπλήρωται ὁ καιρὸς καὶ ἤγγικεν ἡ βασιλεία τοῦ θεοῦ· μετανοεῖτε καὶ πιστεύετε ἐν τῷ εὐαγγελίῳ. 16 ⸂Καὶ παράγων§ παρὰ τὴν θάλασσαν τῆς Γαλιλαίας εἶδεν Σίμωνα καὶ Ἀνδρέαν τὸν ⸀ἀδελφὸν*Σίμωνος ⸀ἀμφιβάλλοντας†ἐν τῇ θαλάσσῃ, ἦσαν γὰρ ἁλιεῖς· 17 καὶ εἶπεν αὐτοῖς ὁ Ἰησοῦς· Δεῦτε ὀπίσω μου, καὶ ποιήσω ὑμᾶς γενέσθαι ἁλιεῖς ἀνθρώπων. 18 καὶ ⸀εὐθὺς‡ἀφέντες τὰ ⸀δίκτυα§ἠκολούθησαν αὐτῷ. 19 καὶ ⸀προβὰς*ὀλίγον εἶδεν Ἰάκωβον τὸν τοῦ Ζεβεδαίου καὶ Ἰωάννην τὸν ἀδελφὸν αὐτοῦ, καὶ αὐτοὺς ἐν τῷ πλοίῳ καταρτίζοντας τὰ δίκτυα, 20 καὶ ⸀εὐθὺς†ἐκάλεσεν αὐτούς. καὶ ἀφέντες τὸν πατέρα αὐτῶν Ζεβεδαῖον ἐν τῷ πλοίῳ μετὰ τῶν μισθωτῶν ἀπῆλθον ὀπίσω αὐτοῦ. 21 Καὶ εἰσπορεύονται εἰς Καφαρναούμ. καὶ ⸀εὐθὺς‡τοῖς σάββασιν ⸂ἐδίδασκεν εἰς τὴν συναγωγήν§. 22 καὶ ἐξεπλήσσοντο ἐπὶ τῇ διδαχῇ αὐτοῦ, ἦν γὰρ διδάσκων αὐτοὺς ὡς ἐξουσίαν ἔχων καὶ οὐχ ὡς οἱ γραμματεῖς. 23 καὶ ⸀εὐθὺς*ἦν ἐν τῇ συναγωγῇ αὐτῶν ἄνθρωπος ἐν πνεύματι ἀκαθάρτῳ καὶ ἀνέκραξεν 24 λέγων· ⸀Τί†ἡμῖν καὶ σοί, Ἰησοῦ Ναζαρηνέ; ἦλθες ἀπολέσαι ἡμᾶς; οἶδά σε τίς εἶ, ὁ ἅγιος τοῦ θεοῦ. 25 καὶ ἐπετίμησεν αὐτῷ ὁ Ἰησοῦς λέγων· Φιμώθητι καὶ ἔξελθε ἐξ αὐτοῦ. 26 καὶ σπαράξαν αὐτὸν τὸ πνεῦμα τὸ ἀκάθαρτον καὶ ⸀φωνῆσαν‡φωνῇ μεγάλῃ ἐξῆλθεν ἐξ αὐτοῦ. 27 καὶ ἐθαμβήθησαν ⸀ἅπαντες§ ὥστε συζητεῖν ⸂πρὸς ἑαυτοὺς* λέγοντας· Τί ἐστιν τοῦτο; ⸂διδαχὴ καινή†· κατʼ ἐξουσίαν καὶ τοῖς πνεύμασι τοῖς ἀκαθάρτοις ἐπιτάσσει, καὶ ὑπακούουσιν αὐτῷ. 28 ⸂καὶ ἐξῆλθεν‡ ἡ ἀκοὴ αὐτοῦ εὐθὺς ⸀πανταχοῦ§εἰς ὅλην τὴν περίχωρον τῆς Γαλιλαίας. 29 Καὶ ⸀εὐθὺς*ἐκ τῆς συναγωγῆς ⸂ἐξελθόντες ἦλθον† εἰς τὴν οἰκίαν Σίμωνος καὶ Ἀνδρέου μετὰ Ἰακώβου καὶ Ἰωάννου. 30 ἡ δὲ πενθερὰ Σίμωνος κατέκειτο πυρέσσουσα, καὶ ⸀εὐθὺς‡λέγουσιν αὐτῷ περὶ αὐτῆς. 31 καὶ προσελθὼν ἤγειρεν αὐτὴν κρατήσας τῆς ⸀χειρός§ καὶ ἀφῆκεν αὐτὴν ὁ ⸀πυρετός* καὶ διηκόνει αὐτοῖς. 32 Ὀψίας δὲ γενομένης, ὅτε ⸀ἔδυ†ὁ ἥλιος, ἔφερον πρὸς αὐτὸν πάντας τοὺς κακῶς ἔχοντας καὶ τοὺς δαιμονιζομένους· 33 καὶ ⸂ἦν ὅλη ἡ πόλις ἐπισυνηγμένη‡ πρὸς τὴν θύραν. 34 καὶ ἐθεράπευσεν πολλοὺς κακῶς ἔχοντας ποικίλαις νόσοις, καὶ δαιμόνια πολλὰ ἐξέβαλεν, καὶ οὐκ ἤφιεν λαλεῖν τὰ δαιμόνια, ὅτι ᾔδεισαν ⸀αὐτόν§ 35 Καὶ πρωῒ ἔννυχα λίαν ἀναστὰς ἐξῆλθεν καὶ ἀπῆλθεν εἰς ἔρημον τόπον κἀκεῖ προσηύχετο. 36 καὶ ⸀κατεδίωξεν*αὐτὸν ⸀Σίμων†καὶ οἱ μετʼ αὐτοῦ, 37 καὶ ⸂εὗρον αὐτὸν καὶ‡ λέγουσιν αὐτῷ ὅτι Πάντες ⸂ζητοῦσίν σε§. 38 καὶ λέγει αὐτοῖς· Ἄγωμεν ⸀ἀλλαχοῦ*εἰς τὰς ἐχομένας κωμοπόλεις, ἵνα καὶ ἐκεῖ κηρύξω, εἰς τοῦτο γὰρ ⸀ἐξῆλθον† 39 καὶ ⸀ἦλθεν‡κηρύσσων ⸂εἰς τὰς συναγωγὰς§ αὐτῶν εἰς ὅλην τὴν Γαλιλαίαν καὶ τὰ δαιμόνια ἐκβάλλων. 40 Καὶ ἔρχεται πρὸς αὐτὸν λεπρὸς παρακαλῶν αὐτὸν καὶ ⸀γονυπετῶν*λέγων αὐτῷ ὅτι Ἐὰν θέλῃς δύνασαί με καθαρίσαι. 41 ⸀καὶ†⸀ὀργισθεὶς‡ἐκτείνας τὴν χεῖρα ⸂αὐτοῦ ἥψατο§ καὶ λέγει αὐτῷ· Θέλω, καθαρίσθητι· 42 καὶ ⸀εὐθὺς*ἀπῆλθεν ἀπʼ αὐτοῦ ἡ λέπρα, καὶ ἐκαθαρίσθη. 43 καὶ ἐμβριμησάμενος αὐτῷ ⸀εὐθὺς†ἐξέβαλεν αὐτόν, 44 καὶ λέγει αὐτῷ· Ὅρα μηδενὶ μηδὲν εἴπῃς, ἀλλὰ ὕπαγε σεαυτὸν δεῖξον τῷ ἱερεῖ καὶ προσένεγκε περὶ τοῦ καθαρισμοῦ σου ἃ προσέταξεν Μωϋσῆς εἰς μαρτύριον αὐτοῖς. 45 ὁ δὲ ἐξελθὼν ἤρξατο κηρύσσειν πολλὰ καὶ διαφημίζειν τὸν λόγον, ὥστε μηκέτι αὐτὸν δύνασθαι φανερῶς εἰς πόλιν εἰσελθεῖν, ἀλλὰ ἔξω ⸀ἐπʼ‡ἐρήμοις τόποις ἦν· καὶ ἤρχοντο πρὸς αὐτὸν ⸀πάντοθεν§
* 1:1 χριστοῦ WH ] + υἱοῦ θεοῦ Treg NA28; υἱοῦ τοῦ θεοῦ RP † 1:2 Καθὼς WH Treg NA28 ] Ὡς RP ‡ 1:2 τῷ Ἠσαΐᾳ τῷ προφήτῃ WH Treg NA28 ] τοῖς προφήταις RP § 1:2 Ἰδοὺ WH Treg NA28 ] + ἐγὼ RP * 1:2 σου WH Treg NA28 ] + ἔμπροσθέν σου RP † 1:4 ὁ WH Treg NA28 ] – RP ‡ 1:4 ἐρήμῳ WH ] + καὶ Treg NA28 RP § 1:5 πάντες καὶ ἐβαπτίζοντο WH Treg NA28 ] καὶ ἐβαπτίζοντο πάντες RP * 1:5 ὑπʼ αὐτοῦ ἐν τῷ Ἰορδάνῃ ποταμῷ WH Treg NA28 ] ἐν τῷ Ἰορδάνῃ ποταμῷ ὑπʼ αὐτοῦ RP † 1:6 καὶ ἦν WH Treg NA28 ] Ἦν δὲ RP ‡ 1:8 ἐγὼ WH Treg NA28 ] + μὲν RP § 1:8 ὑμᾶς WH NA28 ] + ἐν Treg RP * 1:8 ἐν Treg NA28 RP ] – WH † 1:9 εἰς τὸν Ἰορδάνην ὑπὸ Ἰωάννου WH Treg NA28 ] ὑπὸ Ἰωάννου εἰς τὸν Ἰορδάνην RP ‡ 1:10 εὐθὺς WH Treg NA28 ] εὐθέως RP § 1:10 ἐκ WH Treg NA28 ] ἀπὸ RP * 1:10 ὡς WH Treg NA28 ] ὡσεὶ RP † 1:10 εἰς WH Treg NA28 ] ἐπʼ RP ‡ 1:11 σοὶ WH Treg NA28 ] ᾧ RP § 1:13 ἦν WH Treg NA28 ] + ἐκεῖ RP * 1:13 τεσσεράκοντα ἡμέρας WH Treg NA28 ] ἡμέρας τεσσεράκοντα RP † 1:14 Καὶ μετὰ WH Treg ] Μετὰ δὲ NA28 RP ‡ 1:14 εὐαγγέλιον WH Treg NA28 ] + τῆς βασιλείας RP § 1:16 Καὶ παράγων WH Treg NA28 ] Περιπατῶν δὲ RP * 1:16 ἀδελφὸν WH Treg NA28 ] + αὐτοῦ τοῦ RP † 1:16 ἀμφιβάλλοντας WH Treg NA28 ] βάλλοντας ἀμφίβληστρον RP ‡ 1:18 εὐθὺς WH NA28 ] εὐθέως RP Treg § 1:18 δίκτυα WH Treg NA28 ] + αὐτῶν RP * 1:19 προβὰς WH Treg NA28 ] ἐκεῖθεν RP † 1:20 εὐθὺς WH Treg NA28 ] εὐθέως RP ‡ 1:21 εὐθὺς WH NA28 ] εὐθέως Treg RP § 1:21 ἐδίδασκεν εἰς τὴν συναγωγήν Holmes WHmarg ] εἰσελθὼν εἰς τὴν συναγωγὴν ἐδίδασκεν WH Treg NA28 RP * 1:23 εὐθὺς WH NA28 ] – Treg RP † 1:24 Τί WH Treg NA28 ] Ἔα τί RP ‡ 1:26 φωνῆσαν WH Treg NA28 ] κράξαν RP § 1:27 ἅπαντες WH Treg NA28 ] πάντες RP * 1:27 πρὸς ἑαυτοὺς Treg NA28 RP ] αὐτοὺς WH † 1:27 διδαχὴ καινή WH Treg NA28 ] Τίς ἡ διδαχὴ ἡ καινὴ αὕτη ὅτι RP ‡ 1:28 καὶ ἐξῆλθεν WH Treg NA28 ] Ἐξῆλθεν δὲ RP § 1:28 πανταχοῦ WH Treg NA28 ] – RP * 1:29 εὐθὺς WH Treg NA28 ] εὐθέως RP † 1:29 ἐξελθόντες ἦλθον WH NA28 RP ] ἐξελθὼν ἦλθεν Treg ‡ 1:30 εὐθὺς WH Treg NA28 ] εὐθέως RP § 1:31 χειρός WH NA28 ] + αὐτῆς Treg RP * 1:31 πυρετός WH Treg NA28 ] + εὐθέως RP † 1:32 ἔδυ NA28 RP ] ἔδυσεν WH Treg ‡ 1:33 ἦν ὅλη ἡ πόλις ἐπισυνηγμένη WH Treg NA28 ] ἡ πόλις ὅλη ἐπισυνηγμένη ἦν RP § 1:34 αὐτόν Treg NA28 RP ] + χριστὸν εἶναι WH * 1:36 κατεδίωξεν WH NA28 ] κατεδίωξαν Treg RP † 1:36 Σίμων WH NA28 ] ὁ Σίμων Treg RP ‡ 1:37 εὗρον αὐτὸν καὶ WH Treg NA28 ] εὑρόντες αὐτὸν RP § 1:37 ζητοῦσίν σε WH Treg NA28 ] σε ζητοῦσιν RP * 1:38 ἀλλαχοῦ WH Treg NA28 ] – RP † 1:38 ἐξῆλθον WH Treg NA28 ] ἐξελήλυθα RP ‡ 1:39 ἦλθεν WH Treg NA28 ] ἦν RP § 1:39 εἰς τὰς συναγωγὰς WH Treg NA28 ] ἐν ταῖς συναγωγαῖς RP * 1:40 γονυπετῶν WH ] + καὶ NA28; αὐτὸν καὶ Treg RP † 1:41 καὶ WH Treg NA28 ] Ὁ δὲ Ἰησοῦς RP ‡ 1:41 ὀργισθεὶς Holmes WHmarg ] σπλαγχνισθεὶς WH Treg NA28 RP § 1:41 αὐτοῦ ἥψατο WH Treg NA28 ] ἥψατο αὐτοῦ RP * 1:42 εὐθὺς WH Treg NA28 ] εἰπόντος αὐτοῦ εὐθέως RP † 1:43 εὐθὺς WH Treg NA28 ] εὐθέως RP ‡ 1:45 ἐπʼ WH Treg NA28 ] ἐν RP § 1:45 πάντοθεν WH Treg NA28 ] πανταχόθεν RP
☰