113
Senhor jaroporaei aguã regua
1 Aleluia!
Senhor rembiguai pendekuai va'e, peporaei ke,
peroporaei Senhor rery.
2 Ta'ima'endu'a porãa Senhor rery re,
aỹ ha'e raka'e rã peve!
3 Kuaray oẽa guive oikea peve
togueroporaeia Senhor rery!
4 Senhor ma yvate ete va'e, yvy jave regua áryve,
hexakãa voi yva áryve oo.
5 Mava'e nda'u Senhor Nhanderuete reve joo rami heko va'e?
Henda openaaty ma yvatea py oĩ.
6 Ojero'a 'rã guive oexa aguã
yva ha'e yvy re mba'emo oiko va'e.
7 Omopu'ã ju 'rã imo'amy yvy ku'i py omombo pyre,
yty gui oipe'a 'rã iporiaukue'i,
8 huvixa kuery yvýry ju omboguapy imoiny aguã,
tá, omoĩ 'rã ojeupegua ruvixa kuery reve guarã.
9 Ojapo 'rã kunha imemby e'ỹ va'ekue omemby kuery reve oiko aguã rami.
Ha'e ramo ovy'a 'rã, kyrĩgue xy oiko vy.
Aleluia!