126
1 Senhor Sião tetã py nhanemoingo porã ju ramo
oexa ra'u va'e rami nhandekuai va'ekue.
2 Ha'e jave py nhanderory,
javy'aa rupi nhandeayvu guive.
Ha'e ramo amboae regua kuery joupe-upe aipoe'i:
“Ha'e kuery pe Senhor ojapo porã ete”, he'i okuapy.
3 Anhetẽ Senhor nhanemoingo porã va'ekue.
Ha'e nunga rupi ae javy'a.
4 Senhor, peteĩgue ju ke oremoingo porã,
Neguebe rupi yy oxyry va'e rami.
5 Hexay reve mba'emo ra'yĩgue onhotỹ va'ekue ma
ovy'a reve ju 'rã omono'õ.
6 Ojae'o reve onhotỹ ovy va'ekue ma
ovy'a vaipa reve 'rã ojevy ouvy,
mba'emo aju jokuaa ogueru vy.
Nhanderuete gui iporã va'e ha'e javi oua re ijayvua
Oguataa rupi ikuai va'e Salomão ombopara va'ekue.