11
परमेश्वरए फिर सैं केंब
क्वे प्रिंब्मैंए चिबए ल्हागिर दाऊदए भजन
1 ङ ग्वार योंबर याहवेहए प्हलेर्न खमुँ;
छतसि “नमे धोंले ह्रोंसए कोंर प्हुर ह्याद्,
बिसि क्हेमैंइ खैले ङने बिल् खाँमुँ,
2 तलेबिस्याँ ङ्ह्योद्, दुष्टमैंइ त्हलेर छोइ फैइमुँ;
मिछु खैबै क्ल्ह्योउँइँले सोजो म्हिमैंलाइ ल्हिब् बिसि
चमैंइ मे छोर थेंइमुँ।
3 ठिमइ बिब् धोंले म्हिमैं आप्रस्याँ
ठिक के लब्मैंइ तो लल् खाँम् रो?”
4 दिलेया याहवेह ह्रोंसए पबित्र क्ल्ह्योर मुँ;
याहवेहए राजगद्दि स्वर्गर मुँ;
खीजी म्हिमैंलाइ छेनाले ङ्ह्योमुँ;
खीजी ह्रोंसए मिजी चमैंए जाँच लमुँ।
5 याहवेहजी ठिक के लब्मैंए जाँच लमुँ;
आछ्याँबै के लब्मैं नेरो म्हि सैब् म्लुबै के लदा ङ्हाँब्मैं खीजी आखो।
6 आछ्याँबै के लब्मैंए फिर खीजी मि नेरो बारुद प्रामिंब्मुँ,
धै ट्हुबिन् लास्युवाबै लल खैंइ चमैं ख्रोंवाब्मुँ।
7 तलेबिस्याँ याहवेहजी ठिक निसाफ लम्,
ठिक केमैं खीजी खोम्;
सोजो म्हिमैंइ खीए लि म्रोंब्मुँ।