110
ङए क्योलोउँइ टिद्
दाऊदए भजन घ्रि।
1 “ङइ क्हिए शत्तुरमैं क्हिए प्हले न्होंर आप्लेन् समा
क्हि ङए क्योलोउँइ टिद्,” बिसि
याहवेहजी ङए प्रभुने बिइमुँ।
2 “क्हिजी भोंन्ले ग्याल्स लब सियोनउँइँले ल्हें क्ल्ह्योर फेनेरिगे,” बिसि
याहवेहजी क्हिलाइ हग पिंब्मुँ।
“क्हिए शत्तुरमैंए फिर क्ल्हे लद्!
3 क्हिजी नेल् त्हुबै त्हिंइर
क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ।
न्हाँगर्बै शीत धोंले क्हिए फ्रेंसिमैं
सियोनए पबित्र कोंमैंर क्हि ङाँर खब्मुँ।”
4 “मल्किसेदेकए पदरि
क्हि खोंयोंन् बिलै खेगि तब्मुँ,”
बिसि याहवेहजी कसम चइमुँ।
खीए सैं फेर्दिरिब् आरे।
5 ओ याहवेह, ङए प्रभु अधिकार किंसि क्हिए क्योलोउँइ टिम्;
ह्रिस खबै त्हेर खीजी म्रुँमैं त्हुलफुँ लवाब्मुँ।
6 खीजी ह्रें-ह्रेंमैंए निसाफ लमा
ल्हें सिनुमैं खागु लब्मुँ;
धै पृथ्बी तिगोंर्बै म्रुँमैं
त्हुलफुँ लवाब्मुँ।
7 खी म्रुँ तसि
ग्याल्स लबै अधिकार योंब्मुँ;
छले खी भोंब तसि शत्तुरमैंए फिर ट्होगों तब्मुँ।