128
याहवेहलाइ मान लब्मैं ताँनइ आशिक योंम्
कैंडो क्रेबै त्हेर्बै क्वे
1 याहवेहलाइ मान लब्मैं नेरो खीए घ्याँर प्रब्मैं
ताँनइ आशिक योंम्!
2 क्हिइ ह्रोंसइन के लसि चब्मुँ;
क्हिए फिर आशिक युब्मुँ धै छ्याँब तब्मुँ।
3 क्हिए प्ह्रेंस्यो क्हिए धिंर बेल्ले रोबै अँगुरए धुँ धों तब्मुँ;
क्हिए प्हसेमैं क्हिए टेबलए खागु जैतुनए त्होर धोंन् तब्मुँ।
4 याहवेहलाइ मान लबै म्हिइ आशिक योंब्मुँ।
5 याहवेहजी सियोनउँइँले क्हिए फिर आशिक पिंरिगे!
क्हिइ ह्रोंसए छ्ह तिगोंन् यरूशलेमर छ्याँब तब म्रोंरिगे!
6 क्हिइ क्वें-क्वेंमिमै म्रोंल् योंरिगे!
इस्राएलए फिर शान्ति तरिगे!