23
याहवेह ङए प्ह्रोंछैं ग
दाऊदए भजन घ्रि
1 याहवेह ङए प्ह्रोंछैं ग,
ङने तोइ खाँचो तरिब् आरे।
2 खीजी ङ पिंग्या छि मुँबै क्ल्ह्योर टिल् पिंमुँ,
क्यु पिसि हार-हार तब सल् लबै क्यु ङाँर खीजी ङलाइ डोरेसि बोम्।
3 खीजी ङ धबै सोगों लमिंमुँ।
ङइ खीए मिं थेब लरिगे बिसि
खीजी ङ ठिक घ्याँर डोरेमिंम्।
4 मिछु खैबै खोल्सर प्रल् त्हुलेया
ङ तो सैने या ङ्हिंरिब् आरे,
तलेबिस्याँ क्हि ङने बालु मुँ;
क्हिए तुँबै प्हरे नेरो ह्वाबै प्हरेइ
ङए रक्षा लम्।
5 ङए शत्तुरमैंए उँइँर,
क्हिजी ङए ल्हागिर चब् थुँब तयार लमिंमुँ।
क्हिजी ङलाइ प्ह्रेंमैं धोंले मान लइमुँ,
धै ङए प्हेल आप्लिंन् समा क्हिजी झोंरिम्।
6 क्ह्रोंसेंन्ले क्हिए खोंयोंइ आनुबै म्हाँया नेरो आशिक
ङए छ्ह तिगोंन् ङने प्रे तरिब्मुँ,
धै ङ खोंयोंन् बिलै याहवेहए धिंर टिब्मुँ।