123
EZabbuli ngʼoniinaniina okwaba okusinza omu Yeekaalu.
Okusaba oKibbumba atukwatire ekisa
1 Iwe atyama oku ntebeyo eyʼobwakabaka omwigulu,
nsiirya amaiso gange eeri iwe.
2 Ngʼabaweererya obwebeesiga omusengwa waabwe,
era ngʼabagalama abakali obwebeesiga omusengwa waabwe,
swena niiye owetukwesiga Musengwa, iwe oKibbumba waiswe,
paka owewalitukwatira ekisa.
3 Oo Musengwa, otukwatire ekisa, otukwatire ekisa,
olwʼokubba batunyoomere ino.
4 Abamalala bamalire eibbanga liwanvu nga batuduula ino,
era abeekudumbalya nga batunyooma.