HEBREW CAPAT
(The Letter to the Hebrews)
HEBREW CAPAT KAWNG
Hebrew capa aka taelkung he Paul, Apollos, Silas, Barnabas, amih khui kah khatkhat loh tael mai coini a ti uh. Cataelkung he u lae ti m'ming mai pawt cakhaw Pathen Mueihla Cim loh hil a paek Pathen ol ni tila ming he ni olpuei ngai. Khat ben ah Hebrew capat a tael vaengah Khrihca rhoek haemtaeknah muep a om dongah cataelkung ming phoe pawt mai coini.
Kum yacut a pacuek Jesuh a om hnukah he bawknah kawng dongah Jews neh Gentiles boeih taengah Khrihca rhoek ham oldawtnah muep om. Many religious people in the first century after Jesus' birth, both Jews and Gentiles, had questions about the religion of the early Christians. They were looking for evidence that this new faith was genuine. Jews rhoek loh tuipuei kat tih Sinai kah paipi te a kungpuei la a khueh uh. Khrihca rhoek ham tah balae aka om van? Jews rhoek long tah bawkim ah khosoih loh thothuengnah a rhuepom la a saii tih khodawk ngainah a dang uh. Khrihca rhoek ham tah balae a om van? Khrihca rhoek loh Jesuh te kungpuei la a khueh tih Pathen neh paya la omnah kawng he yamingnah ham Hebrew capat he a tael la om.
Te kah oldawtnah boeih hamla hlatnah te Hebrew capat dongah phekphek a tael. Jesuh he olpuei koek la om tih vaan puencawn boeih lakah khaw Jesuh tanglue ngai (1.5-14), tonghma boeih Moses neh Joshua lakah khaw olpuei ngai (2.1—4.14). Jesus amah he dungyan la hing tih amah pum te dungyan hamla a hlut coeng dongah khosoih boei a len koek la om (9.23—10.18). A dueknah neh thohkoepnah loh hlang boeih Pathen taengla caehnah thohka a ong coeng (4.14—5.10; 7.1—8.13).
Tangnah olpuei la a omnah kawng he Hebrew capat dongah a tael. Jesuh long he khaw tangnah rhang neh pum a paek. Tangnah he hmuh mueh te hmuh la n'ngaiuep he tangnah a ti. Hnuk rhuem ah Pathen loh kho a khannah kawng te a uem (11.1-40) loehlangnah dongah aka yong hlang rhoek te a thaphoh (12.1-3).
He kah capat he Rom caem loh Jerusalem a pan tih bawkim boeih a phae, hlang tamta la boeih a khuennah AD 70 tluk vaengah a tael.
Sawt Yoeinah
Jesuh Pathen capa kah boeilennah (1. 1-4)
Jesuh tah Puencawn boeih lakah len(1. 5—2. 18)
Jesuh tah Moses neh Joshua lakah len (3. 1—4. 13)
Jesuh tah Khosoih boeih lakah len (4. 14—7. 28)
Jesuh loh olkam then han khuen (8. 1—9. 22)
Jesuh loh hmueihhlutnah rhenten a saii (9. 23—10. 31)
Jesuh ah tangnah aka khueh rhoek (11. 1-40)
Jesuh hnukbang rhoek kah moeiboe (12. 1—13. 19)
Jesuh hnukbang rhoek ham thangthuinah (13. 20-25)
1
Capa Paihmuen
1 Pathen loha parhoek te tonghma rhoek lamloha hnukhmai la pueta voek dingrhae coeng.
2 Tedae tahae kah hnukkhueng khohnin ah capa lamloh mamih taengah a thui. Anihte cungkuem aka pangkunglaa hmoeltih lunglai te khaw anih rhangneha saii.
3 Anih tah thangpomnah khosaeng neh a ngaikhueknah kah mueimae la om. A thaomnah olka neha cungkuema khoem. Tholh cimcaihnaha saii tih hmuen sang kah Boeilennah bantang ah ngol.
4 Heyeta then la aka om puencawn boeih lakah amih loh poekhloeplaa minga pang.
Capa Tah Tanglue
5 Mebang puencawn rhoek khaw, “Nang tah kamah ca ni. Kai loh tihninah nang kan sak, kai tah a napa la ka om vetih anih khaw ka ca la om ni,” a tinah noek nim?
6 Te dongah lunglai la camingomthang koep han khuen vaengah, “Pathen kah puencawn rhoek loh amahte boeih bawk uh saeh,” a ti.
7 Tedae puencawnrhoek ngawn tah, “Amah kah puencawnrhoek te khohli la, amah kah bibikungrhoek te hmai hmaitaklaa saii,” a ti.
8 Tedae capa te tah, “Aw Pathen, na ngolkhoel tah kumhal kah kumhal la cak tih na ram kah conghol tah duengnah conghol la om.
9 Duengnah te na lungnah tih olaeknah te na hmuhuet. Te dongah Pathen loh nang n'koelh. Na Pathen loh na pueipo lakah kohoenah situi n'koelh pai.
10 Te phoeiah, a cuekca vaengah Boeipa nang loh diklaina tong tih vaan te namah kah kutngo ni.
11 Amih tah poci vetih himbai bangla boeih rhuem ni. Tedae nang tah na nguel ni.
12 Amihte hni banglana yol vetih himbai bangla thovael uh bal ni. Tedae nang tah amah lana om tih na kum khaw bawt mahpawh.
13 Te dongah mebang puencawnrhoek taengah nim, “Na rhalrhoek te na kho kah khotloeng la ka khueh hlan atah kai kah bantang ah ngol,” a tinah noek.
14 Khangnahte pang hamla aka cai rhoek te bibinah dongaha tueih, mueihla thothueng la boeiha om moenih a?