3
Rhoepnah ham A Thui uh
1 Te dongah anih taengla rhoepnah saii hamla he ol he a tah uh tih,
2 “Manghai boei Nebukhadnezzar kah sal rhoek tah na taengah ka kuep uh coeng. Na ngaih bang boeih la kaimih taengah saii mai.
3 Ka im neh ka khohmuen boeih khaw, cang lo boeih khaw, ka saelhung neh ka boiva boeih khaw, ka rhuengim boeih khaw na hmaiah om coeng. Te rhoek te na ngaihnah bangla sai mai.
4 Ka khopuei rhoek neh a vangca boeih khaw na sal pai ni. Halo lamtah amih te na hmuh bangla saii mai,” a ti nah.
5 Hlang rhoek khaw Holofernes taengla cet uh tih he he boeih a thui uh.
6 Te dongah a caem neh tuipuei kaeng la suntla. Te dongah rhalmah khaw a khueh khopuei khaw a cak la sai, rhakap a thapnah hlang te khaw a coelh.
7 Pilnam neh khokaep boei long khaw a nih te rhaihulh neh, lam neh, kamrhing neh a doe uh.
8 Tedae amih kah cangimphu boeih a phae pah tih a rhobuk khaw a vung pah. Khohmuen pathen rhoek boeih te boeih phae tih thup hamla laipai a tueih. Namtom boeih loh Nebukhadnezzar bueng te bawk saeh lamtah koca takuem neh ol cungkuem loh anih te pathen la n'khue saeh a ti.
9 Te vaengah Judea kong puei rhaldan kah, Dothan taeng, Esdraelon taeng khaw a pha.
10 Geba neh Scythopolis laklo ah rhaeh dae a caem hamla lampu a vawtnah rhuet loh hla khat puet om.