99
Manghai he Cim
1 BOEIPA he a manghai coeng dongah,
pilnam rhoek loh tlai uh saeh.
Cherubim dongah ngol tih,
diklai khaw tuen saeh.
2 BOEIPA tah Zion ah len tih,
pilnam boeih soah pomsang hang.
3 Na ming aka tanglue tih,
a cim dongah rhih om te uem uh saeh.
4 Te dongah manghai kah sarhi loh
tiktamnah te a lungnah tih,
vanatnah la na sikim sak.
Jakob khuiah khaw
tiktamnah neh duengnah na saii.
5 Mamih kah BOEIPA Pathen he pomsang uh lamtah,
a kho taengkah khotloeng cim taengah bawk uh.
6 Amah kah khosoih rhoek khuiah
Moses neh Aaron, a ming a khue khuikah Samuel,
amih loh BOEIPA a khue uh vaengah,
BOEIPA loh amih te a doo.
7 Amih te cingmai tung lamkah a voek tih,
amih taengah a paek olphong neh oltlueh te a ngaithuen uh.
8 Kaimih kah BOEIPA Pathen namah loh amih te na doo.
Amih kah khoboe te phu a loh dae
amih taengah khodawk aka ngai Pathen la na om.
9 Mamih kah BOEIPA Pathen te pomsang uh lah.
Mamih kah BOEIPA Pathen tah a cim dongah,
a tlang cim ah bawk uh lah.