13
Kutsai Bawknah he Anangnah Ni
1 Pathen aka hnoelrhoeng pilnam tah a coengnah neh hlang ang la om uh, Amih loh aka om Pathen ming ham neh, hno then a hmuh ham tah coeng uh thai pawh. A bibi te hnavainah ham te a kutngoe te hmat uh pawh.
2 Tedae hmai khaw, yilh khaw, khohli khaw, aisi a hilnah neh, tui let khaw, Vaan kah hlangping khaw diklai aka uk pathen la a ngai uh.
3 Te rhoek hno kah a thennah dongah hmae uh tih, Te te pilnam loh pathen la a khueh a tah, Te rhoek kah Boepa te bahoeng a then ngai la ming uh saeh, Amih te sakthen aka tongkung long ni a suen,
4 Amih kah thaomnah neh bibi te pilnam a ngai a hmang atah amih taeng lamkah khaw hmat uh saeh.
5 A suen tae hno kah a lennah neh a thennah dong lamloh amih Suenkung hmatnah ham a rhui halo.
6 Pilnam he cawt ham khaw a yol ni a om mai dae, khohmang la cet mai khaming, Pathen a tlap uh tih amah hmuh hamla a hue uh vaengah.
7 A bisai lakli ah hing uh tih a tlap uh li vaengah he, Hno te a then bangla a hmuh uh dongah, A hmuh sarhui nen te pangtung uh.
8 Te phoeiah khaw, amih he hoep ham koi moenih
9 Muep ming hamla thaa a khueh uh tih, diklai pataeng a khe uh thai atah, Metlae Boeipa kah hno he hmuh hamla a hloo uh.
Hlang ang kah Mueirhol Bawknah
10 Tedae khomap, aka duek hno dongah ngaiuepnah aka khueh rhoek aih, hlang kut dongkah bibi te pathen ming a paek uh, a thoemnah neh sui khaw, cak khaw a hlisai tih rhamsa mueimae neh, a hong lungto, yan kah kut ngo aih.
11 Thingvung thai loh yoeikoek la thing a vung tih, thingkok te a then la a baeh phoeiah, bisaikung kah kutnaep la a khueh. Te phoeiah hingnah loh a ngaih tubael a saii.
12 A bisai dongkah thingpil te a toih, buh a thong tih, a caak tih hah.
13 A nueipil a coih te hnonah koi pawt ta tah, khundun neh balawt la aka om rhoek ni. Te khaw a loh tih a hoeng vaengah vawlhvawlh a thuk, bihoep vaengah a thoemnah neh a saek tih, hlang kah muei la a hlinsai.
14 A hong rhamsa aka loh uh khaw a saii tih, pangcik a nulh thil te a hman te a ling neh a hluk, Te vaengah cawt koi boeih khaw pangcik neh a khuk.
15 Te ham te a rhoep la imca a saii tih, Pangbueng dongkah thicung neh a tai.
16 Te te amah bom thai pawh ti te a ming, Te dongah a pung pawt ham khaw koep a saii.
17 A khuhtawn vaengah, yuloh vasak neh a ca rhoek ham khaw, hingnah aka om pawt taengah a thangthui te yak pawt nim?
18 Yakket la aka om hno taengah a sadingnah a bih tih, aka duek taengah hingnah a bih. Aka coeng thai tangkik pawt taengah bomnah a bih tih, Kan at khaw aka kan thai pawt taengah longpuei a song ham a bih.
19 A kut dongah thaa aka khueh pawt taengah, tangka, a kut dongkah bibi a thaitak ham khaw, thadueng khaw a bih.