ई किताब दा आमोस उन भविष्यसूचक बातणी आव. आमोस ऊंद चरवाहा 1:1 अदिक ऊंद केईवाळा ईरोन. 7:14 आग परमेश्वर आऊक तान भविष्यवक्ता आगोर साटी कारदुन. आमोस टेकोआ शहर टु ईरोन जो यहूदा अन दक्षिणी राज्य दा ईरोद, लेकीन आऊन यक्कुल यक्कुल बातणी उत्तरी इस्राएल राज्य अन साटी ईरव. आमोस आग भविष्यवाणीगोळ माळदुन याग उज्जियाह यहूदा अन राजा ईरोन, अदिक यारोबाम द्विती इस्राएल इन राजा ईरोन. ईद लगभग 750 ईसा पूर्व अन मात हुन.

आमोस पयला येढ्ढ अध्यायगोळ दा हापाळ राज्यगोळ खिलाप न्याय इन भविष्यवाणी माळदुन, लेकीन आऊन यक्कुल से यक्कुल बातणी इस्राएल इन साटी ईरव. ईद इस्राएल इन साटी समृद्धि इन समय ईरोद. आ समृद्धि इन दौरान आंदुर परमेश्वर उक मार्तोदुर अदिक गरीबगोळ सांगुळ बेकार व्यवहार माळदुर. 2:6 आंदुर साटी परमेश्वर उन न्याय आंदरी बंदी माळकु ओयोद ईरोद. 7:17 तरी भी परमेश्वर वादा माळदुन कि आव इस्राएल इन लॉकुरी सप्पा दुसरा द्याशगोळ मा मात्त विजय हासिल माळदुर दा मदद माळ्यान. यार मा आंदुर हाळोद काल दा शासन माळीदुर. 9:12