127
Bìac Padrŏng Aih Nhò Chuaq
Sa-lô-môn Achìh
1 Tàng Chuaq ùh broq hnem,
èh 'bài thòq broq loh ca 'ngwan.
Tàng Chuaq ùh wèq ngan phôq,
èh mangai gŏc rìu gòm hadai 'ngwan.
2 'Ngwan ca pì rìu xrŏih, lam cùi 'ne mang,
wa caq 'benh abroq xalep;
taiq Chuaq hadai am ca mangai Haq ma loq waq
jah cùi jìang.
3 Con caiq aih xô xech loh enh Chuaq;
wì haq aih bìac am dech da Boc Plình.
4 Xa-ông con calô jò wì haq ŏi thì,
ùh crài cleq ca rang panenh nòi tì mangai tanuq.
5 Xôq ramŏt ca mangai leq i bàc con caiq,
tìah cachùi tah rang jah bình!
Haq ùh hìaq camaih
jò capoch tùang ca mangai tagit jang 'mang phôq.