7
1 Ya nalpah nan allup, ya nun'iyamma goh nan tangob di pantaw. Ya nan mungguwalya, ya nan mungkankanta, ya nan holag Levi ya nun'idat'uy tamuda.
2 At pento"uh agi' an hi Hanani ya hi Hananiah an ap'apun nan guwalyah nan Timplu ta diday mangipapto' ad Jerusalem ti hi Hananiah ya un'unnud ya e'gonanah Apo Dios ya un nan udum an tatagu.
3 Ya inali' ay diday, “Mahapul an adiyu ibughul nan tangob di pantaw di allup ad Jerusalem ta engganah un munta'dang di algaw, at nan mungguwalya ya inhamadda ta midada'ig nan pantaw hinan pun'aduganda. Ya pot'onyu nan tatagud Jerusalem ta bumadangdan manguwalya ta nan udum ya mun'adugdah nan lugal an pun'adugan, ya nan udumna ya mun'adugdah nan neheggon hi abungda.”
Nan Lehtaan di Tatagu
(Ezra 2:1-70)
4 Ma'innila an ambilog nan babluy ad Jerusalem, mu nahnot di tatagun nunhituh di, ya mahngan di abung hi niyamma.
5 Ya impanomnom Apo Dios ay ha"in ta way inat'un nangamung hinan tatagu, ya nan a'ap'apu, ya nan u'upihyal ta hamadonmin innilaon nan nitudo' an uyap nan himpangapu. Ya inah'upa' din liblun nitud'an di ngadan din nahhun an numbangngad hidin nun'akaphul. Hiya hatuy inah'upa':
6 “Dida hatuy tataguh i'ibbamin holag Israel hi numbangngad an nalpuh nan nangiyayan Nebuchadnezzar an alid Babylon ay dida. Ya hinohhan dida an numpumbangngaddad Jerusalem ya ad Judah ya numpapanguydah nan babluy an nunhituwandah din hopapna.
7 Ya ni'bangngad goh nan a'ap'apuda an da Zerubbabel, ya hi Jeshua, ya hi Nehemiah, ya hi Azariah, ya hi Raamiah, ya hi Nahamani, ya hi Mordecai, ya hi Bilshan, ya hi Mispereth, ya hi Bigvai, ya da Nehum ay Baanah.
Nan nitudo' an linala'in holag Israel:
8 Nan holag Parosh ya duway libu ya han napitu ta duwa,
9 ya nan holag Shephatiah ya tuluy gahut ta han napitun duwa,
10 ya nan holag Arah ya onom di gahut ta han nabonglen duwa,
11 ya nan holag Pahath-Moab (an diday nalpuh nan holag Jeshua ay Joab) ya duway libu ta waluy gahut ya han himpulu ta walu,
12 ya nan holag Elam ya hinlibu ta duway gahut ya han nabongle ta opat,
13 ya nan holag Zattu ya waluy gahut ya han napat ta lema,
14 ya nan holag Zakkai ya pituy gahut ya han nanom,
15 ya nan holag Binnui ya onom di gahut ya han napat ta walu,
16 ya nan holag Bebai ya onom di gahut ya han duwampulu ta walu,
17 ya nan holag Azgad ya duway libu ya han tuluy gahut ta duwampulu ta duwa,
18 ya nan holag Adonikam ya onom di gahut ya han nanom ta han pitu,
19 ya nan holag Bigvai ya duway libu ya han nanom ta pitu,
20 ya nan holag Adin ya onom di gahut ta han nalema ta lema,
21 ya nan holag Ater (an diday nalpuh nan holag Hezekiah) ya nahiyam ta walu,
22 ya nan holag Hashum ya tuluy gahut ta han duwampulu ta walu,
23 ya nan holag Bezai ya tuluy gahut ta han duwampulu ta opat,
24 ya nan holag Hariph ya hinggahut ta han himpulu ta duwa,
25 ya nan holag Gibeon ya nahiyam ta lema.
26 Ya numbangngad goh di tatagun hay nunhituwan di a'apuda ya ad Bethlehem ya ad Netophah an hinggahut ta nawalu ta walu,
27 ya nan tatagun din numpunhitud Anathoth ya hinggahut ya han duwampulu ta walu,
28 ya nan tatagun din numpunhitud Beth Azmaveth ya napat ta duwa,
29 ya nan tatagun din numpunhitud Kiriath Jearim, ya ad Kephirah, ya ad Beeroth ya pituy gahut ya han napat ta tulu,
30 ya nan tatagun din numpunhitud Ramah ya ad Geba ya onon di gahut ya han duwampulu ta oha,
31 ya nan tatagun din numpunhitud Mikmash ya hinggahut ya han duwampulu ta duwa,
32 ya nan tatagun din numpunhitud Bethel ya ad Ai ya hinggahut ya han duwampulu ta tulu,
33 ya nan tatagun din numpunhitud Nebo ya nabongle ta duwa,
34 ya nan tatagun din numpunhitud Elam ya hinlibu ya han duway gahut ta nabongle ta opat,
35 ya nan tatagun din numpunhitud Harim ya tuluy gahut ta han duwampulu,
36 ya nan tatagun din numpunhitud Jericho ya tuluy gahut ya han napat ta lema,
37 ya nan tatagun din numpunhitud Lod, ya ad Hadid, ya ad Ono ya pituy gahut ya han duwampulu ta oha,
38 ya nan tatagun din numpunhitud Senaah ya tuluy libu ya han hiyam di gahut ta tulumpulu.
39 Didatuy papadin numbangngad:
Nan holag Jedaiah (an holag di pamilyan Jeshua) an dida ya hiyam di gahut ya han napitu ta han tulu,
40 ya nan holag Immer ya hinlibu ya han nabongle ta han duwa,
41 ya nan holag Pashhur ya hinlibu ya han duway gahut ta han napat ta pitu,
42 ya nan holag Harim ya hinlibu ta han himpulu ta pitu.
43 Nan himpangapun holag Levi an numbangngad: nan holag da Jeshua ay Kadmiel an dida ya nalpudah nan holag Hodaviah ya napituda ya han opat.
44 Dida hatu nan kumakanta: nan holag Asaph ya hinggahut ya han napat ta walu.
45 Dida hatu nan mun'adug hinan pantaw: nan holag Shallum, ya hi Ater, ya hi Talmon, ya hi Akkub, ya da Hatita ay Sobai ya hinggahut ta han tulumpulu ta walu.
46 Hiyatuy baal hinan Timplu: nan holag Ziha, ya nan holag Hasupha, ya nan holag Tabbaoth,
47 ya nan holag Keros, ya nan holag Sia, ya nan holag Padon,
48 ya nan holag Lebana, ya nan holag Hagaba, ya nan holag Shalmai,
49 ya nan holag Hanan, ya nan holag Giddel, ya nan holag Gaher,
50 ya nan holag Reaiah, ya nan holag Rezin, ya nan holag Nekoda,
51 ya nan holag Gazzam, ya nan holag Uzza, ya nan holag Paseah,
52 ya nan holag Besai, ya nan holag Meunim, ya nan holag Nephussim,
53 ya nan holag Bakbuk, ya nan holag Hakupha, ya nan holag Harhur,
54 ya nan holag Bazluth, ya nan holag Mehida, ya nan holag Harsha,
55 ya nan holag Barkos, ya nan holag Sisera, ya nan holag Temah,
56 ya nan holag da Neziah ay Hatipha.
57 Hiyatuy holag din baal Solomon: nan holag Sotai, ya nan holag Sophereth, ya nan holag Perida,
58 ya nan holag Jaala, ya nan holag Darkon, ya nan holag Giddel,
59 ya nan holag Shephatiah, ya nan holag Hattil, ya nan holag Pokereth-Hazzebaim, ya nan holag Amon.
60 Nan baal an muntamuh nan Timplu ya nan holag din baal Solomon ya tuluy gahut ya han nahiyam ta duwa.
61 Ya wada goh di numbangngad an nalpudah nan babluy ad Tel Melah, ya ad Tel Harsha, ya ad Kerub, ya ad Addon, ya ad Immer, mu dida ya mi'id di ipattigdah panginnilaan an diday holag Israel:
62 nan holag da Delaiah, ya nan holag Tobiah, ya nan holag Nekoda ya onom di gahut ya han napat ta duwa.
63 Dida hatuy udumnah himpangapun an papadi: nan holag da Hobaiah, ya nan holag Hakkoz, ya nan holag Barzillai (mu nan ommodna an hi Barzillai ya inahawana han ohan holag Barzillai ad Gilead, ya inyapuliduna nan ngadan di ommod nan babain ahawana).
64 Dida ya inah'upanda nan ad holag ay didan pamilya an nitudo' hinan liblun mangipa'innilah uyap nan himpangapu, mu agguy na'ah'upan.
65 At hiyaat un inalin nan gobelnadol ay dida ta adida ahan onon nan ma'an an ne'nong ay Apo Dios ta engganay un waday padih mangitamuh nan Urim ya Thummim.
66 Ya hay lammung an amin nan numbangngad ya napat ta duway libu ya han tuluy gahut ta han nanom.
67 Ya nat'on di baaldan linala'i ya binabai an agguy ni'yuyap an pituy libu ya han tuluy gahut ya han tulumpulu ta pitu. Ya agguy goh ni'yuyap nan kumakantan linala'i ya binabai an duway gahut ta han napat ta lema.
68 Ya initnudda goh nan pituy gahut ta han tulumpulu ta onom an kabayuda, ya nan duway gahut ta han napat ta leman muls,
69 ya opat di gahut ta han tulumpulun leman kamilu, ya onom di libu ta han pituy gahut ta han duwampulun dongki.
70 Ya waday udum hinan a'ap'apun nan himpangapu an nan bimmadang hinan tamu. Ya immidat nan gobelnadol hi walu ta han godway kiluh balitu', ya nabongley duyun balitu', ya lemay gahut ta han tulumpulun lubung di papadi.
71 Ya wada goh di udum hinan a'ap'apuh nan himpangapu an nangidat hinan tuhhiniluh hinggahut ta han napituy kiluh balitu', ya hinlibu ta han duway gahut ya han himpulu ta han ohay kiluh silver.
72 Ya hay lammung di indat an amin nan udum an tatagu ya hinggahut ta han napituy kilun balitu', ya hinlibu ta han hinggahut ta han tulumpulu ta onom an silver, ya nanom ta han pitun lubung nan papadi.
73 At an amin nan papadi, ya nan holag Levi, ya nan guwalyah nan pantaw di allup, ya nan kumakanta, ya nan baal an muntamuh nan Timplu, ya nan udum an nat'on an tatagun niddum, ya an amin nan udumnan holag Israel ya numpunhitudan amin hinan numbabluyanda.”
Hay Nangibahaan Ezra hinan Uldin Apo Dios hinan Tataguh nan Behtan di Talampet
Pituy bulan di naluh ya nalpah an numpunhitu nan holag Israel hinan babluyda.