☰ Psalms 117
117
Hay Pundayaw ay Apo Dios*†
1 Da'yun amin an Hentil hinan abablubabluy ya dayawonyuh Apo Dios!‡
Ya ditu'un hinohhan tatagun ya dayawon tu'u
2 ti nidugah di pamhodna ya pangipapto'nan ditu'uh enggana!
 
Madayaw hi Apo Dios!§
* 117: Heten psalm ya niddum hinan kalahin di psalm an ma'alih Hallel an Psalms ti hallel (unu hallelujah) di mahhun an mahapit hinan mahhun an nalammung an hapit unu hiyay angunuh an mahapit hinan angunuh an nalammung an hapit (verse 2). † 117: Heten chapter ya ho'ho'dod ahan an chapter an wah nan Hapit Apo Dios. ‡ 117:1 Rom. 15:11. § 117:2 Hete ya hapit di Hudyu an hallelujah.
☰