7
1 A kpụ-getsulephu ụpho-mkpuma ono; mu abya eyeshikota iya ibo; bya afọo ndu nche ọnu-ọguzo; ndu egvu; mẹ ndu Lívayi.
2 Mu abya ewota Hanani, bụ nwunne mu mee ya ishi lẹ Jerúsalemu. Hananaya bẹ mu yeru ụlo ngwa-ọgu l'ẹka. Ishi iya abụru lẹ Hananiya bụ onye e gude ire iya ẹka; bya abụru onye atsụ Nchileke egvu karia igweligwe ndu ọdo.
3 Iphe, mu kfuru ẹphe bụ: “T'ẹ b'ọ dụkwa ọnu-ọguzo, eeshi abata Jerúsalemu ọphu aa-gụhaje agụha jeye teke ẹnyanwu hawaru ọhuma. Teke ndu nche nọkwadu lẹ nche; t'a guchishijee ibo iya aguchishi; swọbetsua ya akpọbe. Unu shi lẹ ndu, bu lẹ Jerúsalemu fọta ndu nche; t'ẹphe nọduje l'ẹke, dụ k'oche nche; ndu ọphu anọduje lẹ nche l'ifu ụlo ẹphe.”
Ndu, a kpụru lẹ ndzụ alata
(Ẹ́zu 2:1-70)
4 Jerúsalemu bụ eze mkpụkpu, ha nshinu. Ọ bụ lẹ ndu bu iya nụ ta badu nwishi; ta watawaa ọkpu-kwazi ụlo ono.
5 Tọ dụ iya bụ; Nchileke mu eye mu iya l'obu tẹ mu ku-kọo ndu a maru ẹpha ẹphe; ndu ishi; mẹwaru ndu ọdo; t'e deshia ẹpha ẹphe l'eri ẹphe l'eri ẹphe. Mu abya aphụa ẹkwo, e deshiru ẹpha ndu vuru ụzo, shi l'ẹke a kpụru ẹphe lẹ ndzụ lata; mbụ ẹkwo, e deshiru ẹpha ẹphe l'eri ẹphe l'eri ẹphe. Iphe, mu phụru, e deru l'ẹkwo ono bụ:
6 Ọwaa ndu Ízurẹlu ono, shi lẹ Bábyilọnu lata ono; mbụ ndu ono, a kpụjeru lẹ ndzụ laa alị ọdo; mbụ ndu Nebukadineza, bụ eze ndu Bábyilọnu kpụkojeru laa Bábyilọnu. Ẹphe latatsuaru Jerúsalemu; mẹ Júda. Onyenọnu alatsụa mkpụkpu ẹke o shi.
7 Ndu ẹphe tso lata bụ Zerúbabelu; Jeshuwa; Nehemáya; Azaríya; Ramáya; Nahamani; Mọdekáyi; Bilishanu; Misupẹretu; Biguvayi; Náhumu; mẹ Bena.
Ọwaa ẹge ndu Ízurẹlu ono ha ndọ-ọ:
8 Ndibe Paroshi dụ
ụnu madzụ ise
l'ụkporo madzụ ẹsato
l'ụmadzu iri l'ẹbo.
9 Ndibe Shefatíya dụ
ụkporo madzụ iri l'ẹsato
l'ụmadzu iri l'ẹbo.
10 Ndibe Ara dụ
ụnu madzụ
l'ụkporo madzụ iri l'ẹbo;
l'ụmadzu iri l'ẹbo.
11 Ndibe Pahatu-Móabu,
bụ iya bụ ndu shi l'eri
Jeshuwa yẹle Jóabu dụ
ụnu madzụ ẹsaa;
l'ụmadzu iri l'ẹsato.
12 Ndibe Élamu dụ
ụnu madzụ ẹto;
l'ụkporo madzụ labụ;
l'ụmadzu iri l'ẹno.
13 Ndibe Zatu dụ
ụnu madzụ labụ;
l'ụkporo madzụ labụ;
l'ụmadzu ise.
14 Ndibe Zakayi dụ
ụnu madzụ;
l'ụkporo madzụ iri;
lẹ madzụ ẹsato.
15 Ndibe Binuyi dụ
ụnu ụmadzu;
l'ụkporo madzụ iri l'ẹbo;
l'ụmadzu ẹsato.
16 Ndibe Bebayi dụ
ụnu madzụ;
l'ụkporo madzụ iri lẹ nanụ;
l'ụmadzu ẹsato.
17 Ndibe Azụgadu dụ
ụnu madzụ ise;
l'ụkporo madzụ
iri l'ishingu; l'ụmadzu labụ.
18 Ndibe Adonikamu dụ
ụnu madzụ;
l'ụkporo madzụ iri l'ẹto;
l'ụmadzu ẹsaa.
19 Ndibe Biguvayi dụ
ụnu madzụ ise;
l'ụkporo madzụ ẹto;
l'ụmadzu ẹsaa.
20 Ndibe Adinu dụ
ụnu madzụ;
l'ụkporo madzụ iri l'ẹbo;
l'ụmadzu iri l'ise.
21 Ndibe Ateya, bụ iya bụ
ndu eri Hezekáya dụ
ụkporo madzụ ẹno;
l'ụmadzu iri l'ẹsato.
22 Ndibe Hashumu dụ
ụkporo madzụ iri l'ishingu;
l'ụmadzu ẹsato.
23 Ndibe Bezayi dụ
ụkporo madzụ iri l'ishingu;
l'ụmadzu ẹno.
24 Ndibe Harifu dụ
ụkporo madzụ ise;
l'ụmadzu iri l'ẹbo.
25 Ndibe Gíbiyọnu dụ
ụkporo madzụ ẹno;
l'ụmadzu iri l'ise.
26 Unwoke, shi Bẹ́tulehemu;
mẹ Netofa dụ
ụkporo madzụ tete;
l'ụmadzu ẹsato.
27 Ndu kẹ Anatọtu dụ
ụkporo madzụ ishingu;
l'ụmadzu ẹsato.
28 Ndu kẹ Bẹ́tu-Azụmavetu dụ
ụkporo madzụ labụ l'ụmadzu labụ.
29 Ndu kẹ Kiriyatu-Jerimu;
Kefira; mẹ Berotu dụ
ụnu madzụ;
l'ụkporo madzụ iri l'ẹsaa;
l'ụmadzu ẹto.
30 Ndu kẹ Ráma; mẹ Géba dụ
ụnu madzụ;
l'ụkporo madzụ iri lẹ nanụ l'onye lanụ.
31 Ndu kẹ Mikumashi dụ
ụkporo madzụ ishingu;
l'ụmadzu labụ.
32 Ndu kẹ Bẹ́telu; mẹ Eyayi dụ
ụkporo madzụ iri lẹ nanụ l'ụmadzu ẹto.
33 Ndu kẹ Nébo ọphunanu dụ
ụkporo madzụ labụ;
l'ụmadzu iri l'ẹbo.
34 Ndu kẹ Élamu ọphunanu dụ
ụnu madzụ ẹto;
l'ụkporo madzụ labụ;
l'ụmadzu iri l'ẹno.
35 Ndu kẹ Harimu dụ
ụkporo madzụ iri l'ishingu.
36 Ndu kẹ Jériko dụ
ụkporo madzụ iri l'ẹsaa;
l'ụmadzu ise.
37 Ndu kẹ Lodu; Hadidi;
mẹ Ono dụ ụnu madzụ;
l'ụkporo madzụ iri l'ishingu l'onye lanụ.
38 Ndu kẹ Senaa dụ
ụnu madzụ tete;
l'ụkporo madzụ iri l'ishingu l'ụmadzu iri.
39 A bya lẹ ndu achịjeru Nchileke ẹja:
Ndibe Jedaya,
bụ iya bụ ndu shi
l'ọnu-ụlo Jeshuwa dụ
ụnu madzụ labụ;
l'ụkporo ẹsato l'ụmadzu iri l'ẹto.
40 Ndibe Ima dụ
ụnu madzụ labụ;
l'ụkporo madzụ iri l'ẹbo;
l'ụmadzu iri l'ẹbo.
41 Ndibe Pashọ dụ;
ụnu madzụ ẹto;
l'ụkporo labụ l'ụmadzu ẹsaa.
42 Ndibe Harimu dụ
ụnu madzụ labụ;
l'ụkporo madzụ iri l'ụmadzu iri l'ẹsaa.
43 A bya lẹ ndu Lívayi:
Ndu ufu Jeshuwa;
mẹ Kadimiyẹlu, bụ iya bụ
ndu shi l'eri Hodaviya dụ
ụkporo madzụ ẹto; l'ụmadzu iri l'ẹno.
44 A bya lẹ ndu egvu:
Ndibe Ásafu dụ
ụkporo madzụ ẹsaa l'ụmadzu ẹsato.
45 A bya lẹ ndu nche
ọnu-ọguzo:
Ndibe Shalumu;
ndibe Ateya;
ndibe Talumọnu;
ndibe Akubu;
ndibe Hatita;
mẹ ndibe Shobayi;
bẹ tụkoru dụ
ụkporo madzụ ishingu;
l'ụmadzu iri l'ẹsato.
46 Ndu ozi l'eze-ụlo Nchileke bụ:
Ndibe Ziha;
ndibe Hasufa;
ndibe Tabawotu;
47 ndibe Kirosu;
ndibe Siya;
ndibe Padọnu;
48 ndibe Lebana;
ndibe Hagaba;
ndibe Shalumayi;
49 ndibe Hananu;
ndibe Shalumayi;
ndibe Gaharu;
50 ndibe Reyaya;
ndibe Rezinu;
ndibe Nekoda;
51 ndibe Gázamu;
ndibe Uza;
ndibe Paseya;
52 ndibe Besayi;
ndibe Meyunimu;
ndibe Nefisimu;
53 ndibe Bakubuku;
ndibe Hakufa;
ndibe Hahuru;
54 ndibe Bazulutu;
ndibe Mehida;
ndibe Hasha;
55 ndibe Bakọsu;
ndibe Sizéra;
ndibe Téma;
56 ndibe Neziya;
mẹ ndibe Hatifa.
57 A bya lẹ ndibe ndu ozi Sólomọnu.
Ẹphebedua bụ:
ndibe Sotayi;
ndibe Sofẹretu;
ndibe Perida;
58 ndibe Jala;
ndibe Dakọnu;
ndibe Gidẹlu;
59 ndibe Shefatíya;
ndibe Hatilu;
ndibe Pokeretu-Hazebeyimu;
mẹ ndibe Amọnu.
60 Ndu ozi l'eze-ụlo Nchileke l'ẹphe ha;
yeru ụnwu ndu ozi Sólomọnu dụ
ụkporo madzụ iri lẹ tete;
l'ụmadzu iri l'ẹbo.
61 Ndu ọwaa bụ ndu ọphu shi lẹ Tẹlu-mela; Tẹlu-Hasha; Kerubu; Adọnu; mẹ Ima la. Ọ bụ lẹ ndu onanu l'ẹphe ha ta dụdu ike koshi ọnu-ụlo, ẹphe shi; mẹ ndu ufu onye ẹphe bụ; k'ọphu ee-shi ẹge ono maru l'ẹphe bụa ndu Ízurẹlu.
62 Ndu ufu Delaya; ndu ufu Tobíya; mẹ ndu ufu Nekoda dụ ụnu madzụ l'ụkporo madzụ iri l'ẹbo l'ụmadzu labụ.
63 A bya lẹ ndu ufu ndu achịjeru Nchileke ẹja: ndu ufu Hobaya; ndu ufu Hakọzu; mẹ ndu ufu Bazilayi. Bazilayi lụru nwatibe Bazilayi kẹ Gíledu; eekujewa iya rụ ala l'ẹpha nna nyee ya ono.
64 Ndu ono b'a chọru ẹpha ẹphe l'ẹkwo, e deru ẹge e gude mụshia ndu ufu ẹphe; ta phụ iya. E woshia ẹphe t'ẹphe ba bụhe ndu achịjeru Nchileke ẹja; bya eworu ẹphe dobe l'ọ bụ ndu mmeru nọ l'ẹhu.
65 Gọvano asụ t'ẹphe be etsojeshi ria nri, kakọta ọdu nsọ jeye teke ee-nwe onye achịjeru Nchileke ẹja, e-gude Urimu; mẹ Tumimu kpata ishi.
66 A -gụkota ndu ono l'ẹphe ha; bẹ ẹphe dụ ụkporo ụnu madzụ ise l'ụnu madzụ ise l'ụkporo madzụ iri l'ẹsato;
67 a gụfukwa ndu ozi ẹphe ndu k'unwoke; mẹ ndu k'ụnwanyi. Ndu onanu dụ ụnu madzụ iri l'ẹsato l'ụkporo madzụ ishingu l'ụmadzu iri l'ẹsaa. Ẹphe nwekwaruphu ụkporo ụmadzu iri l'ẹbo l'ụmadzu ise: unwoke l'ụnwanyi, bụ ndu egvu;
68 bya enweru ụnu ịnya l'ụkporo ịnya iri l'ishingu l'ịnya iri l'ishingu. Ẹphe nweru ụkporo ịnya-mulu iri l'ẹbo l'ịnya-mulu ise.
69 Ịnya-kamẹlu ẹphe dụ ụnu l'ụkporo l'iri l'ise; bya enweru nkakfụ-ịgara, dụ ụnu iri l'ishingu l'ụkporo iri l'ishingu.
70 O nweru ndu bụ ishi l'ọnu-ufu nna ẹphe, nụru iphe t'e gude yeta ẹka jee ozi ono. Gọvano bẹ yeru ụnu mkpọla-ododo l'ụkporo mkpọla-ododo iri l'ụlo-ẹku; ụkporo efere labụ l'efere iri; mẹ uwe ndu achịjeru Nchileke ẹja, dụ ụnu uwe l'ụkporo uwe ishingu l'uwe l'iri.
71 Ndu bụgbaa ishi l'ọnu-ufu nna ẹphe haru woru mkpọla-ododo, dụ ụkporo ụnu ugbo labụ l'ụnu iri; nụ t'e dobe l'ụlo-ẹku, ee-gudeje jee ozi ono; bya anụ mkpọla-ọcha, dụ ụkporo ụnu ugbo iri l'ẹto l'ụnu iri l'ise.
72 Mkpakọ iphe, ndu ọdo nụru dụ mkpọla-ododo, dụ ụkporo ụnu ugbo labụ l'ụnu iri; mẹ mkpọla-ọcha, dụ ụkporo ụnu ugbo iri l'ẹbo l'ụnu iri; mẹ uwe ndu achịjeru Nchileke ẹja, dụ ụkporo ẹto l'ẹsaa.
73 Tọ dụ iya bụ; ndu achịjeru Nchileke ẹja; ndu Lívayi; ndu nche ọnu-ọguzo; ndu egvu; ndu ozi l'eze-ụlo Nchileke; mẹwaru ndu ọdo; yeru ndu Ízurẹlu l'ẹphe ha ebukotaru lẹ mkpụkpu lẹ mkpụkpu ẹphe.