127
No kadaday so Dios a oyod a mapia
1 Arava o sinmo no patneken no tawo a katadkan na an no Dios o mapatnek sia. As an di na torohan no Dios so proteksion do asa ka kavahayan am arava o maparin da no gwardia na.
2 Arava o sinmo no kafermi a maytrabaho, no kakalo a mayokay as kahay a makaycheh takwan no Dios o tomoroh nia o kaylangan da no ichaddaw na sa a aran do katori da makaycheh.
3 Regalo sa o kametdehan a yapo do Dios. Marawat sa ya a bendision a yapo sia.
4 No kamanganakan sa no asa ka tawo do kametdeh na pa am nia sa o ayet na an maypamalkem dana.
5 Mapalak o tawo a aro so kamanganakan a akmaya sia, ta arava anti o kahomis na an vayaten na sa o omlaban sia do hosgado.