150
Kanta a idaday so Dios
1 Dadayen o Dios!
Dadayen o Dios do templo na!
Dadayen sia do rakoh a ipakapamarin na do tohos!
2 Dadayen sia do makakniknin sa a pinarin na.
Dadayen sia do makakniknin a ipakapamarin na.
3 Dadayen sia no trompeta.
Dadayen sia no arpa.
4 Dadayen sia no tadivang kano tada.
Dadayen sia no arpa kano plawta.
5 Dadayen sia no tintin.
Dadayen sia no maliak a tintin.
6 Dadayen no atavo a maviay a inamaog!
Dadayen o Dios!