1 Da a kumaye ni Capernaum ni mi vi fie mee, ndi ba woh da hei niko. 2 Gbugbu ndi ba tsutsu da shuni bubua, ikon 'u” zu no ri koha ana heina, Yes sibla tre nibawu. 3 Indi nzah ba jin vayi mba wa a chronchu ye ni Yesu. 4 Bana to ikoh “u” ri hi ni Yesu na, ba hon zu ni tukan, da ghlen tukan, da ban ndi “u” chronchu rini Yesu. 5 Yesu toh gbegble suron ba da tre ivre ba wur lahtre me hle ni wu. 6 Se bibla vuvu wa ba sun ni ki, ba si rimre nisuron ba di Yesu lahtre, 7 Ba indi da ani wur lahtre ndi hlega, sai Irji nikankrima ni wur lahtre ndi hlega 8 Yesu toh misuron ba da miyen ba agye nji meme mmre ba ye ni yi wu? 9 Niwa ba kpa lahtre wurhle ni ba wu, ni wa ba hla ban blame ni hi kpame, a time agan? 10 Yesu a toh di vre Irji a hei ni gbengbenlen “u” wur lahtre hle ga, da hla ni ndi wu chronchu, 11 mi hla “u” lude di ban blame di hi koh. 12 Indi wu chronchu a lude ban blama da hi kpa ma, Indi ba buh iyuen yo woh da tre, kina taba toh Bibi kpei nayi na. 13 Yesu rhu hi ni kosan nei, ndi gbugbu ba hu hi ni neila, wa ka si bla tre ni bawu. 14 Da asi zre da toh Levi ivre Alphaeus a kuson ni bi kpa ban. Yesu du hu wawu, wa lude hu Yesu. 15 Yesu si rhi lah mi koh Levi, in bi kpa ban gbugbu, baba bi lahtre wasi rhi no “u” baba mrikon, ndi gbugbu ba hu. 16 Farisawa bibla vuvu, ba toh Yesu si ri biri nikoh Levi da miyen mri koh ma a gye sa ti kohbi si ribiri ni bi lahtre? 17 Yesu woh ba da tre indi wa ahei ni gbengbenlen ana wa den na, see ndi “u” lilo niwa den. Mi na ye nitu bi woh tre mu na, mi ye ni tubi lahtre. 18 Mrikoh Yohana baba Farisawa bata son ni hlama, indi baye da tre ahigye sa mrikoh Yesu bana vu hlana na? 19 Yesu ka hla ni bawu, ayiwu kpukpan ango ba ka son ni hlama 20 Se chachu wa ba ban ango rhu, “u” ba son ni hla ma. 21 Ba ndi a niwar klon sisama nitu chiche ma, don ani ya yabba sisama game. 22 Ba ndi wa ani ban hi sama sur ni chiche ri, don ani fu hle ga, se ba ka sur sama ni miri sama. 23 Ni chachu sati Yesu si zre zu ni mi rhu, mrikohma ba zi gbusu tan. 24 Farisawa baka tre ni Yesu du toh ikpie a di mrikoh me ba si ti kpie wa dana bina ni chachu sati. 25 A miye ba, bina toh ikpie wa Dauda baba ndima ba ti na? iyoun ti ba, 26 baka hini Abitha ndi wu ton du Irji, waka noba breadi chachu sati, “u” ba ka tan 27 Yesu tre ba ti chachu sati ni idi, bana ti indi ni chachu sati na. 28 Ni tu ki Ivre Indi a hi “u” Bachi “u” chachu sati.