ಪೆತ್ರನು ಬರೆದ ಮೊದಲನೆಯ ಪತ್ರಿಕೆ
ಪೆದ್ರುನ್ ಲಿವಲ್ಲಿ ಪಯ್ಲೆಚಿ ಚಿಟಿ
ವಳಕ್
ಪೆದ್ರುನ್ ಲಿವಲ್ಲಿ ಪಯ್ಲೆಚಿ ಚಿಟ್ ಅಪೊಸ್ತಲ್ ಪೆದ್ರುನ್ ಲಿವ್ಲಾ. ಪೆದ್ರುನ್ ಅಪ್ನಿ ಹಿಚಿಟ್ ಶುರು ಕರ್ತಾನಾ ಅಪ್ನಿ ಕೊನ್ ಅನಿ ಚಿಟ್ ಕೊನಾಕ್ ಲಿವ್ಲಾ ಮನುನ್ ಸಾಂಗ್ಲಾ. ತೆನಿ ಹಿ ಚಿಟ್ “ವಳಕ್ ನಸಲ್ಲೆ” ಮನುನ್ ಅಪ್ನಿ ಬಲ್ವುತಲ್ಯಾ ಸಗ್ಳ್ಯಾ ವಿಶ್ವಾಸಿ ಲೊಕಾಕ್ನಿ ಲಿವ್ಲ್ಯಾನ್1:1, 1:17, ಅನಿ 2:11 ಅಪ್ಲ್ಯಾ ವಾಚ್ತಲ್ಯಾ ಲೊಕಾಕ್ನಿ ತೆನಿ ಲೈಂದಾ ಅಸೆ ಬಲ್ವಲ್ಲೆ ಹಾಯ್ ಕಶ್ಯಾಕ್ ಮಟ್ಲ್ಯಾರ್, ತೆನಿ ಸಗ್ಳೆಬಿ ದುಸ್ರ್ಯಾ ದುಸ್ರ್ಯಾ ದೆಶ್ಯಾಕ್ನಿ ಪಗ್ಳುನ್ ಗೆಲ್ಲೆ ಹೊತ್ತೆ. ಕಶ್ಯಾಕ್ ಮಟ್ಲ್ಯಾರ್, ಹಿ ಚಿಟ್ ಪಾವ್ಲುನ್ ಎಫೆಸಿಕಾರಾಕ್ನಿ ಲಿವಲ್ಲ್ಯಾ ಚಿಟಿ ಸಾರ್ಕೆಚ್ ಲೈ ವಿಶಯಾ ದಾಕ್ವುನ್ ದಿತಾ. ಲೈ ಲೊಕಾ ಪೆದ್ರುನ್ ಲಿವಲ್ಲಿ ಪೈಲೆಚಿ ಚಿಟ್ ಎಫೆಸಿಕಾರಾಕ್ನಿ ಲಿವಲ್ಲ್ಯಾ ಚಿಟಿಚ್ಯಾ ಮಾನಾ ಮಟ್ಲ್ಯಾರ್ ಕ್ರಿಸ್ತ್ ಉಪಾಜಲ್ಲ್ಯಾ ಮಾನಾ ಲೈ ಕರುನ್ ಸಾಟಾರ್ ಪಾಂಚ್ವೆಚ್ಯಾ ವರ್ಸಾತ್ ಲಿವ್ನ್ ಹೊಲಾ ಮನುನ್ ವಿಶ್ವಾಸ್ ಕರ್ತಾತ್, ಪೆದ್ರುನ್ ಅಪ್ನಿ ಹಿಚಿಟ್ ಬಾಬಿಲೊನ್ ಮನುನ್ ಬಲ್ವುತಲ್ಯಾ ರೊಮ್ ಶಾರಾತ್ ಲಿವ್ಲಾ 5:13.
ಪೆದ್ರುನ್ ತುಮ್ಕಾ ಉಮ್ಮೆದ್ ಭರಿ ಸಾರ್ಕೆ ಕರುಕ್ ಅನಿ ಹೆ ಖರ್ಯಾ ದೆವಾಚಿ ಕುರ್ಪಾ ಮನುನ್ ಸಾಕ್ಷಿ ದಿವ್ಕ್ ಮನುನ್ ಸಾಂಗ್ತಲ್ಯಾ ವೈನಾ ಅಪ್ನಿ ಲಿವಲ್ಲ್ಯಾ ಚಿಟಿಚೊ ಉದ್ದೆಶ್ ದಾಕ್ವುನ್ ದಿಲಾ 5:12. 1 ಪೆದ್ರು 2:11 11:3-7 ಕ್ನಾ ಎಪೆಸಿ 5:18,6-9 ಅನಿ ಕೊಲೊಸ್ಸೆ 3:18 ಕ್ನಾ 4:6 ಹೆಚ್ಯಾ ಮದ್ದಿ ಲೈ ಹೊಲಿಕೆ ಹಾತ್ ಹಿ ತಿನ್ ಭಾಗಾ ಕುಟುಂಬಾಚಿ ಸಮಂದಾ ಅನಿ ಅದಿಕಾರ್‍ಯಾಕ್ನಿ ಖಾಲ್ತಿ ಹೊವ್ನ್ ಚಲ್ತಲ್ಯಾ ವಿಶಯಾತ್ನಿ ಸುಚನಾ ದಿತಾ, ತೊ ವಿಶ್ವಾಸಿಕ್ನಿ ತರಾಸಾತ್ನಿ ಸೊಸುನ್ ಘೆವ್ನ್ ಜಾವ್ಚೆ, ಕಶ್ಯಾಕ್ ಮಟ್ಲ್ಯಾರ್, ಆಕ್ರಿಚೊ ಎಳ್ ಜಗ್ಗೊಳ್ ಯೆಲಾ ಮನ್ತಲ್ಯಾ ವೈನಾ ಉಮ್ಮೆದ್ ದಿತಾ 4:1.
ಭಾಗ್
ಪೆದ್ರು ಅಪ್ಲಿ ವಳಕ್ ಕರುನ್ ದಿತಾ ಅನಿ ಅಪ್ಲಿ ವಾಚ್ತಲಿ ಲೊಕಾ ಕೊನ್ ಮನುನ್ ದಾಕ್ವುನ್ ದಿತಾ 1:1-2
ತನ್ನಾ ತೊ ತೆನಿ ಸಗ್ಳ್ಯಾನಿ ವಾಟೊ ಘೆಟಲ್ಲೆ ಹೊವ್ನ್ ಹೊತ್ತ್ಯಾ ರಾಕ್ವನಿ ಸಾಟ್ನಿ ತೆಂಚ್ಯಾ ಜಿವಾಚ್ಯಾ ದೆವಾಕ್ ಧನ್ಯಾವಾದ್ ದಿತಾ 1:3—2:10.
ಮಾನಾ ತೊ ಹ್ಯಾ ಜಗಾತ್ ವಿಶ್ವಾಸಿನಿ ಕಸೆ ಜಿವನ್ ಕರುಚೆ ಅನಿ ಲೈ ಸಂದರ್ಬಾಂಚ್ಯಾ ವಿಶಯಾತ್ನಿ ಮಟ್ಲ್ಯಾರ್, ಘವ್- ಬಾಯ್ಕೊ, ಗುಲಾಮ್- ಯಜಮಾನ್ ಅಸ್ಲ್ಯಾ ವಿಶಯಾಕ್ನಿ ಸಮಾ ಹೊಯ್ ಸಾರ್ಕೆ ಸುಚನಾ ದಿತಾ 2:11—4:11
ತೆಚ್ಯಾ ಮಾನಾ ಪೆದ್ರು ತರಾಸ್ ಯೆಲ್ಲ್ಯಾ ತನ್ನಾ ಸೊಸುನ್ಗೆವ್ನ್ ರ್‍ಹಾವ್ಚೆ ಮನ್ತಲ್ಯಾಕ್ ಉಮ್ಮೆದ್ ದಿತಾ 4:12-5:11
ಮಾನಾ ತೊ ಅಪ್ಲಿ ಚಿಟ್ ಮುಗಸ್ತಾ 5:12-14.
1
ನಮಸ್ಕಾರ್
1 ಜೆಜು ಕ್ರಿಸ್ತಾಚ್ಯಾ ಅಪೊಸ್ತಲಾನ್,ಪೆದ್ರುನ್, ಪೊಂತುಸಾನ್, ಗಾಲಾತ್ಸಿಯಾತ್, ಕಪ್ಪಾದೊಸಿಯಾತ್, ಆಸಿಯಾತ್, ಅನಿ ಬಿಥುನಿಯಾತ್ ಪಗ್ಳುನ್ ಗೆಲ್ಲ್ಯಾ ಸಗ್ಳ್ಯಾಕ್ನಿ ಲಿವ್ತಲೆ.
2 ದೆವಾ ಬಾಬಾನ್ ಅದ್ದಿಚ್ಯಾನುಚ್ ವಳ್ಕುನ್ ಎಚುನ್ ಕಾಡಲ್ಲ್ಯಾ, ಪವಿತ್ರ್ ಆತ್ಮ್ಯಾಚ್ಯಾ ವೈನಾ ಯೆಗ್ಳುನ್ ಕಾಡಲ್ಲಿ, ಜೆಜು ಕ್ರಿಸ್ತಾಕ್ ಖಾಯ್ಲ್ ಹೊವ್ನ್ ಚಲ್ತಲ್ಯಾ ಜಿವನಾಕ್ ಒಪ್ಸುನ್ ದಿಲ್ಲೆ ತುಮಿಚ್ ತುಮ್ಕಾ ಭರ್ಪುರ್ ಕುರ್ಪಾ ಅನಿ ಶಾಂತಿ ಗಾಂವುಂದಿತ್.
ಝಿತ್ತೊ ಬರೊಸೊ
3 ದೆವಾಚಿ ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ಬಾಬಾಚೆ ಸುತ್ತಿ ಹೊಂವ್ದಿತ್, ತೆನಿ ಅಪ್ನಾಚ್ಯಾ ಮೊಟ್ಯಾ ದಯೆನ್, ಜೆಜು ಕ್ರಿಸ್ತಾಚ್ಯಾ ಝಿತ್ತೊ ಹೊವ್ನ್ ಉಟ್ತಲ್ಯಾಚ್ಯಾ ವೈನಾ ಅಮ್ಕಾ ಎಕ್ ಝಿತ್ತ್ಯಾ ಬರೊಸ್ಯಾತ್ ನ್ಹವ್ಯಾನ್ ಉಪ್ಜಿ ಸಾರ್ಕೆ ಕರ್ಲ್ಯಾನ್,
4 ಅನಿ ಸರ್ಗಾರ್ ತಯಾರ್ ಕರಲ್ಲ್ಯಾ ಎಕ್ ನಾಸ್ ಹೊಯ್ ನಸಲ್ಲ್ಯಾ, ದೊಸ್ ನಸಲ್ಲ್ಯಾ, ಅನಿ ವಾಳಿ ನಸಲ್ಲ್ಯಾ ಆಸ್ತಿಸಾಟ್ನಿ ಅಮ್ಕಾ ತಯಾರ್ ಕರ್ಲ್ಯಾನಾಯ್.
5 ಆಕ್ರಿಚ್ಯಾ ಕಾಲಾತ್ ದಿಸುನ್ ಯೆವ್ಕ್ ತಯಾರ್ ಅಸಲ್ಲ್ಯಾ ಸುಟ್ಕೆಕ್ ದೆವಾಚಿ ಪದ್ವಿ ವಿಶ್ವಾಸಾಚ್ಯಾ ವೈನಾ ತುಮ್ಕಾ ಬರೆ ಕರುನ್ ಸಂಬಾಳ್ತಾ.
6 ತೆಚೆಸಾಟ್ನಿ ತುಮಿ ಖುಶಿ ಹೊವಾ, ಅತ್ತಾ ಎಕ್ ಉಲ್ಲೊ ಎಳ್ ತುಮ್ಕಾ ಕಸ್ಟ್ ಸೊಸುಕ್ ಗಾವ್ತಾ ಹೊಲ್ಯಾರ್ಬಿ ಕಾಯ್ ಹೊಲೆ?
7 ಭಟ್ಟಿಕ್ ಘಾಲುನ್ ಗಾಳುನ್ ಬಗುನ್ ಹಾಳ್ ಹೊಯ್ ನಸಲ್ಲ್ಯಾ ಸೊನ್ಯಾನ್ಬಿ ಜಾಸ್ತಿ ಕಿಮ್ತಿಚೊ ತುಮ್ಚೊ ವಿಶ್ವಾಸ್, ಜೆಜು ಕ್ರಿಸ್ತ್ ದಿಸುನ್ ಯೆತಲ್ಯಾ ಎಳಾರ್ ತುಮ್ಕಾ ಕಿರ್ತಿ, ಮಾನಾ ಅನಿ ಮಹಿಮಾ ಕಮ್ವುನ್ ಘೆಯ್ ಸಾರ್ಕೆ ಕರ್ತಾ.
8 ಕ್ರಿಸ್ತಾಕ್ ತುಮಿ ಬಗುಕನ್ಯಾಶಿ ಹೊಲ್ಯಾರ್ಬಿ ತುಮಿ ತೆಚೊ ಪ್ರೆಮ್ ಕರ್ತ್ಯಾಸಿ, ಅನಿ ಅತ್ತಾಬಿ ತೊ ತುಮ್ಕಾ ದಿಸಿನಾ ಹೊಲಾ ಹೊಲ್ಯಾರ್ಬಿ ತೆಚೆ ವರ್ತಿ ವಿಶ್ವಾಸ್ ಥವ್ನ್ ಮಹಿಮೆನ್ ಭರಲ್ಲ್ಯಾ ಸಾಂಗುಕ್ ಹೊಯ್ನಾ ತಸ್ಲ್ಯಾ ಕುಶಿನಿ ತುಮಿ ಭರ್ತ್ಯಾಸಿ.
9 ಕಶ್ಯಾಕ್ ಮಟ್ಲ್ಯಾರ್, ವಿಶ್ವಾಸಾಚೆ ಭೊಮಾನ್ ಮಟ್ಲ್ಯಾರ್, ಆತ್ಮ್ಯಾಂಚಿ ಸುಟ್ಕಾ ತುಮಿ ಕಮ್ವುನ್ ಘೆತ್ಯಾಸಿ.
10 ತುಮ್ಕಾ ಗಾವುಕ್ ಮನುನ್ ಅಸಲ್ಲ್ಯಾ ಕುರ್ಪೆಚ್ಯಾ ವಿಶಯಾತ್ ಸಾಂಗುನ್ ದಿಲ್ಲ್ಯಾ ಪ್ರವಾದ್ಯಾನಿ ಹ್ಯಾ ಫುಕೊಟ್ಚ್ಯಾ ದೆನ್ಗಿ ವಿಶಯಾತ್ ಹುರ್ಶಾಕಿನ್ ಇಚಾರ್ ಅನಿ ಸೊದ್ನಾ ಕರಲ್ಲ್ಯಾನಿ.
11 ಕ್ರಿಸ್ತಾಚ್ಯಾ ತರಾಸಾಂಚ್ಯಾ ವಿಶಯಾತ್ ಅನಿ ತ್ಯಾ ತರಾಸಾಂಚ್ಯಾ ಮಾನಾ ತೆಕಾ ಗಾವುಚೆ ಮನುನ್ ಹೊತ್ತ್ಯಾ ಮಹಿಮೆಚ್ಯಾ ವಿಶಯಾತ್ ಕ್ರಿಸ್ತಾಚ್ಯಾಚ್ ಆತ್ಮ್ಯಾನ್ ತೆಂಕಾ ದಾಕ್ವುನ್ ದಿಲ್ಲ್ಯಾನ್ ಹೆ ಸಗ್ಳ್ಯೆ ಖಲ್ಯಾ ಯೆಳಾರ್, ಅನಿ ಕೊನಾಚ್ಯಾ ವಿಶಯಾತ್ ಘಡ್ತಾ ಮನುನ್ ತೆನಿ ಹುಡ್ಕುನ್ ಬಗಟ್ಲ್ಯಾನ್.
12 ತೆಂಚೆಸಾಟ್ನಿ ನ್ಹಯ್, ತುಮ್ಚ್ಯಾಸಾಟ್ನಿ ತೆಂಕಾ ಪ್ರವಾದ್ ಕರುನ್ ಸಾಂಗ್ತಲೆ ಕಾಮ್ ದಿಲ್ಲೆ ಹಾಯ್ ಮನುನ್ ದೆವಾನ್ ಪ್ರವಾದ್ಯಾಕ್ನಿ ಕಳ್ವುನ್ ದಿಲ್ಲ್ಯಾನ್. ತೆನಿ ಸಾಂಗಟಲ್ಲ್ಯಾ ತ್ಯಾಚ್ ಸಂಗ್ತಿಯಾ ಅತ್ತಾ ಸರ್ಗಾ ವೈನಾ ಯೆಲ್ಲ್ಯಾ ಪವಿತ್ರ್ ಆತ್ಮ್ಯಾಚ್ಯಾ ತಾಕ್ತಿನ್ ತುಮ್ಕಾ ಬರಿ ಖಬರ್ ಪರ್ಗಟ್ ಕರಲ್ಲೆ ತುಮ್ಕಾ ಕಳ್ವುಲ್ಯಾನಿ, ತೆ ಸಗ್ಳ್ಯೆ ದಿಸುನ್ ಯೆತಲೆ ಬಗುಕ್ ದೆವಾಚಿ ದುತಾ ಸಯ್ತ್ ರಾಕುನ್ ಹಾತ್.
ಪವಿತ್ರ್ ಜಿವನ್ ಕರುಕ್ ಬಲ್ವನ್
13 ತೆಚೆಸಾಟ್ನಿ ತುಮ್ಚೊ ಶಾನೆಪಾನಾಚೊ ಪಟ್ಟೊ ಭಾಂದುನ್ ಘೆವ್ನ್ ಜಾಗೆ ರಾವಾ, ಜೆಜು ಕ್ರಿಸ್ತ್ ದಿಸ್ತಲ್ಯಾ ಯೆಳಾರ್ ತುಮ್ಕಾ ಗಾವ್ನರ್ ಹಾಯ್ ತ್ಯಾ ಕುರ್ಪೆಚ್ಯಾ ದೆನ್ಗಿಯಾಂಚ್ಯಾ ವರ್ತಿ ಸಗ್ಳೊ ಬರೊಸೊ ಥವಾ.
14 ಖಾಲ್ತಿ ಹೊವ್ನ್ ಚಲ್ತಲಿ ಪೊರಾ ತುಮಿ; ಅದ್ದಿ ಕಾಯ್ಬಿ ಕಳಿನಸಲ್ಲ್ಯಾ ಎಳಾರ್ ಕರಲ್ಲ್ಯಾ ಸಾರ್ಕೆ, ತುಮ್ಚ್ಯಾ ಬುರ್ಶ್ಯಾ ಚಾಲಿ ಸಾರ್ಕೆ ಚಲುನಕಾಸಿ.
15 ಕಸೆ ತುಮ್ಕಾ ಬಲ್ವಲ್ಲೊ ದೆವ್ ಬರೊ, ತಸೆ ತುಮಿಬಿ ತುಮ್ಚ್ಯಾ ಸಗ್ಳ್ಯಾ ಚಾಲಿತ್ನಿ ಬರೆ ಹೊವಾ, ಪವಿತ್ರ್ ಪುಸ್ತಕಾತ್;
16 “ಮಿಯಾ ಬರೊ ತಸೆ ಮನುನ್ ತುಮಿಬಿ ಬರೆ ಹೊವ್ಕ್ ಪಾಜೆ”.
17 ತೆಂಚ್ಯಾ ತೆಂಚ್ಯಾ ಕರ್ನ್ಯಾಂಚ್ಯಾ ಸಾರ್ಕೆ ತಿರ್ಮಾನ್ ಕರ್ತಲ್ಯಾ ದೆವಾಕ್ ತುಮಿ ಬಾಬಾ ಮನುನ್ ಬಲ್ವುಲ್ಯಾಸಿ, ತಸೆ ಹೊಲ್ಯಾರ್, ಹ್ಯಾ ಭಾಯ್ಲ್ಯಾ ಗಾಂವಾತ್ ತುಮಿ ತುಮ್ಚೆ ಭಕ್ತಿಚೆ ಅನಿ ದೆವಸ್ಪಾನಾಚೆ ಜಿವನ್ ಕರಾ.
18 ತುಮ್ಚ್ಯಾ ವಾಡ ವಡ್ಲಾನಿ ಶಿಕ್ವುನ್ ದಿಲ್ಲ್ಯಾ ಫಾಯ್ದ್ಯಾಕ್ ಪಡಿನಸಲ್ಯಾ ಚಲ್ನುಕಿತ್ನಾ ತುಮ್ಕಾ ಸುಟ್ಕಾ ಗಾವಲ್ಲೆ ಹಾಳ್ ಹೊವ್ನ್ ಜಾತಲ್ಯಾ ಸೊನ್ಯಾ-ಚಾಂದಿನಿ ನ್ಹಯ್,
19 ಎಕ್ ಲೈ ಕಿಮ್ತಿಂಚ್ಯಾ ಕಾಯ್ಬಿ ಕಳಂಕ್ ನಸಲ್ಲ್ಯಾ ಬಲಿಚ್ಯಾ ಬೊಕ್ಡಾಚ್ಯಾ ವೈನಾ ಮಟ್ಲ್ಯಾರ್, ಕ್ರಿಸ್ತಾಚ್ಯಾ ಬಲಿ ವೈನಾ ಮನ್ತಲೆ ಗೊತ್ತ್ ಹಾಯ್ ನ್ಹಯ್.
20 ತೆಕಾ ಜಗ್ ರಚುಚ್ಯಾ ಅದ್ದಿಚ್ಯಾನುಚ್ ದೆವಾನ್ ಎಚುನ್ ಕಾಡಲ್ಲ್ಯಾನ್, ಅನಿ ಹ್ಯಾ ಆಕ್ರಿಚ್ಯಾ ಯೆಳಾರ್ ತುಮ್ಚೆಸಾಟ್ನಿ ತೆಕಾ ದಾಕ್ವುನ್ ದಿಲ್ಯಾನ್.
21 ತೆಚೆ ವೈನಾ ತೆಕಾ ಝಿತ್ತೊ ಕರುನ್ ಉಟ್ವುನ್ ಅಪ್ನಾಚಿ ಮಹಿಮಾ ದಿಲ್ಲ್ಯಾ ದೆವಾ ವರ್ತಿ ತುಮಿ ವಿಶ್ವಾಸ್ ಕರುಕ್ ಪಾವ್ಲ್ಯಾಸಿ.
22 ಅತ್ತಾ ಖರ್‍ಯಾಕ್ ತುಮಿ ಖಾಲ್ತಿ ಹೊಲ್ಲ್ಯಾ ಸಾಟ್ನಿ ತುಮ್ಚೆ ಆತ್ಮೆ ನಿತಳ್ ಹೊಲ್ಲೆ ಹಾಸಿ, ಅನಿ ತುಮ್ಚ್ಯಾ ಭಾವಾ-ಭೆನಿಯಾಂಚ್ಯಾ ಮದ್ದಿ ಎಕ್ ನಿತಳ್ ಪ್ರೆಮ್ ತುಮ್ಚ್ಯಾ ಭುತ್ತುರ್ ಉಗಡಲ್ಲೊ ಹಾಯ್, ತಸೆ ಮನುನ್ ಸಗ್ಳ್ಯಾ ಮನಾನ್, ಅನಿ ಸೊಡಿನಾಸ್ತಾನಾ ಎಕಾಮೆಕಾಚೊ ಪ್ರೆಮ್ ಕರಾ.
23 ಕಶ್ಯಾಕ್ ಮಟ್ಲ್ಯಾರ್, ಶ್ವಾಸಾತ್ ಝಿತ್ತೊ ರಾತಲ್ಯಾ ದೆವಾಚ್ಯಾ ಗೊಸ್ಟಿಚ್ಯಾ ವೈನಾ ತುಮ್ಕಾ ನ್ಹವೊ ಜಲಮ್ ಗಾವ್ಲಾ, ಹ್ಯೊ ಜಲಮ್ ತುಮ್ಕಾ ನಾಸ್ ಹೊವ್ನ್ ಜಾತಲ್ಯಾ ಮಾನ್ಸಾಕ್ನಾ ನ್ಹಯ್, ನಾಸ್ ಹೊವ್ನ್ ಜಾಯ್ ನಸಲ್ಲ್ಯಾ ದೆವಾಕ್ನಾ ಗಾವ್ಲಾ.
24 ಪವಿತ್ರ್ ಪುಸ್ತಕ್ ಮನ್ತಾ, ಸಗ್ಳಿ ಮಾನುಸ್ ಜಾತ್ ಗವ್ತಾ ಸಾರ್ಕೆ; ತೆಚಿ ಸಗ್ಳಿ ಮಹಿಮಾ ಗವ್ತಾಚ್ಯಾ ಫುಲ್ಲಾ ಸಾರ್ಕೆ, ಗವಾತ್ ವಾಡ್ತಾ, ಪುಲ್ಲ್ ಝಡ್ತಾ, ಖರೆ ಧನಿಯಾಚೊ ಸಬದ್ ಶಾಶ್ವತ್ ರಾತಾ, ಹ್ಯೊ ಸಬದ್ ಮಟ್ಲ್ಯಾರ್ ತುಮ್ಕಾ ಪರ್ಗಟ್ ಕರಲ್ಲಿ ಬರಿ ಖಬರುಚ್.
25 ದೆವಾಚಿ ಗೊಸ್ಟ್ ಸದಾಸರ್ವಾತಾಕ್ ತುಮ್ಚ್ಯಾ ವಾಂಗ್ಡಾ ರಾತಾ ಮನುನ್ ಸಾಂಗಲ್ಲೆ ಹಾಯ್, ತಿ ಗೊಸ್ಟ್ ಖಲಿ ಮಟ್ಲ್ಯಾರ್, ತುಮ್ಕಾ ಪರ್ಗಟ್ ಕರುನ್ ಹೊಲ್ಲಿ ಬರಿ ಖಬರುಚ್.