10
Мирәт постам нэпек
1 Тӑми Ной пŏхәт тыхәԓ тэԓәт: Сим, Хам пӑ Иафет. Ун йик йўпийән ԓыв ԋаврэмәт сэма пайәтсәт.
Иафет пŏхәт
2 Иафет пŏхәт: Гомер, Магог, Мадай, Иаван, Фувал, Мешех пӑ Фирас.
3 Гомер пŏхәт: Аскеназ, Рифат пӑ Фогарма.
4 Иаван пŏхәт: Елиса, Фарсис, Киттим пӑ Доданим.
5 Ԓыв эԓтыԓаԓ щарәс ԉэпәӈ пӑ пухрәӈ рутәт ԓыв мўвԓаԓән уԓты питсәт, кашәӈ рут утща йасӈәӈа йис, кашәӈ мир ԓыв рутԓаԓ щирән уԓты питсәт.
Хам пŏхәт
6 Хам пŏхәт: Хуш, Мицраим, Фут пӑ Ханаан.
7 Хуш пŏхәт: Сева, Хавила, Савта, Раама пӑ Савтеха. Раама пŏхәт: Шева пӑ Дедан.
8 Хуш хŏԓна Нимрод пŏх тӑйәс, ԓўв мет оԓәӈ вŏԓаӈ кущайа йис.
9 Турәм Куща йэԓпийән ԓўв йурәӈ веԓпәсԓәты хуйа ус, щишән, щи йастәԓа: «Нимрод хŏрпи йурәӈ веԓпәсԓәты ху Турәм Куща йэԓпийән».
10 Ԓўв мўвәԓән оԓәӈ вошәт усәт: Вавилон, Эрех, Аккад пӑ Халне Сеннаар мўвән.
11 Щи мўв эԓты этәс пӑ Ассур мўва мӑнәс пӑ Ниневия, Реховоф-ир пӑ Калах вош опсәс,
12 пӑ Ресен, Ниневия пӑ Калах кўтән, опсәс, щит вŏԓаӈ вош.
13 Мицраим эԓты луд йох, анам йох, легав йох, нафтух йох,
14 патрус йох, кафтор йох пӑ каслух йох мӑтсәт, каслух йох эԓты филистимәт йэԓԓы мӑтсәт.
15 Ханаан эԓты сэма питсәт: оԓәӈ пŏхәԓ Сидон, щӑԓта Хет,
16 иевус йох, амор йох, гергес йох,
17 ев йох, арк йох, син йох,
18 арвад йох, цемар йох пӑ химаф йох. Йухәт Ханаан рутәт лакки мӑтсәт.
19 Сидон вош эԓты Герар вош пеԓа Газа вош унты Ханаан мўв кимԓәт усәт, щиԓта йэԓԓы Содом, Гоморра, Адма пӑ Цевоим вошәт пеԓа Лаша унты.
20 Щит Хам пŏхәт, рутԓаԓ щирән, йасәӈԓаԓ щирән, ԓыв уԓты мўвԓаԓән, ԓыв мирԓаԓ щирән.
Сим пŏхәт
21 Сим, Иафет ун йайәԓ, ԋаврэмәт ищи тӑйәс. Сим – ԓўв Евер хŏԓ пŏхәт опращ.
22 Сим пŏхәт: Елам, Ассур, Арфаксад, Луд пӑ Арам.
23 Арам пŏхәт: Уц, Хул, Гефер пӑ Маш.
24 Арфаксад Сала тӑйәс, Сала Евер тӑйәс.
25 Евер кӑт пŏх тӑйәс; итәԓ Фалек, ԓўв уԓмаԓ ишән мўв ара ортәм урәӈән щи нэмән пŏтса; кимет пŏхәԓ нэм Иоктан.
26 Иоктан тӑйәс: Алмодад, Шалеф, Хацармавеф, Иерах,
27 Гадорам, Узал, Диклу,
28 Овал, Авимаил, Шева,
29 Офир, Хавила пӑ Иовав. Щит иса Иоктан пŏхәт.
30 Уԓәм лотԓаԓ Меша эԓты Сефар унты, хӑԓэвәт пеләк ун Кев унты, усәт.
31 Щит Сим эԓты мӑнәм пŏхәт рут йохԓаԓ щирән, ԓыв йасәӈԓаԓ, ԓыв мўвԓаԓ, ԓыв мирԓаԓ пиԓән.
32 Тӑми иса Ной пŏхәт эԓты мӑнәм рутәт, ԓыв рутԓаԓ пӑ мирԓаԓ щирән. Ԓыв эԓтыԓаԓ ун йик йўпийән мўв ԓŏватән мирәт лакки мӑтсәт.