3
Иона Ниневияйа мӑнәԓ
1 Щӑԓта Турәм Куща кимет пўш Иона пеԓа йастәс:
2 «Нŏх ԓойа, Ниневия ун воша мӑна, щита хŏйатәта йасәӈ такан пŏтәрта, мўй Ма нӑӈен партсәм».
3 Иона нŏх ԓойәс пӑ Турәм Куща йасәӈ хўват Ниневия воша мӑнәс; Ниневия хŏты Турәм ԓӑтәӈ ун вош, вош хўватәԓ хуԓәм хӑтәԓ шушты мосәԓ.
4 Щӑԓта Иона вош хўват шушты питәс, ий хӑтәԓ мўй арат верәтәԓ мӑнты, ԓўв сыйәӈа пŏтәртәс, йастыман: «Хŏԓна ԋӑԓйаӈ хӑтәԓ - пӑ Ниневия вош шўкатԓа!»
5 Ниневия вошәӈ хŏйатәт Турма эвәԓсәт, вўщԓәты йасәӈ версәт, ԓӑтәӈ ŏтԓаԓ эԓты ԓӑтԓы ŏтԓаԓ унты уԓттӑхты хир хŏрпи сŏха ԓумәтԓысәт.
6 Щи айкеԓ Ниневия хон унты йŏхтәс, ԓўв хон омәсты тӑхайәԓ эԓты нŏх ԓойәс, пӑ хон сŏхԓәԓ нŏх эхсәԓы, пӑ уԓттӑхты хир хŏрпи сŏх ԓумтәс, пӑ рат хыша опсәс.
7 Хон Ниневия вошән йастәты партсәԓы: «Хон пӑ ԓўв ԓӑӈкәр йŏхԓаԓ партԓәт: хŏйатәт пӑ войәт – мисәт пӑ ошәт нэмәԓты ӑт ат ԓэԓәт, тŏрән энәмты тӑхайа ӑт ат йӑхԓәт, йик ӑт ат йищԓәт.
8 Пӑ хŏйатәт пӑ войәт уԓттӑхты хир хŏрпи сŏхән пŏнман ат усәт, пӑ Турәм пеԓа такан ат пойәкщәсәт, кашәӈ хŏйат йŏвра йўшԓаԓ, атәм верԓаԓ эԓты шӑшән ат керԓәс.
9 Хŏй уйәтәԓ, мосәӈ, Турәм мўӈев щаԉәтԓәԓы, Ԓўв тарәм ԉикәԓ мўӈ эԓтэв нŏх ўԓԓы, пӑ мўӈ ӑт пӑрԓув».
10 Турәм ԓыв верԓаԓ шийаԓәсԓы, хŏты ԓыв атәм верԓаԓ эԓты шӑшән керԓәсәт. Турәм ԓывиԓаԓ щаԉитсәԓы, йэԓпи йастыԓыйәм шука пайәтты йасәӈԓаԓ йŏхԓы ўсԓы. Йастыԓыйәс ԓывиԓаԓа атәм верты, пӑ ӑт верәс.