38
Guyau ivitakauloki Yobi
(38.1—42.6)
E olumoulela utuyagilar Guyau ilivala baisa Yobi.
Guyau
Availa yoku kukwatukoyai ulo kabitam
metoya om biga takainowa deli bigimakava?
Mwa! Kutuvaluwa kutokaia
e kumapu katupoi makwaisina bakatupoiyaim.
Ki, yoku kusisu avai tuta labubuli valu watanawa?
E kidamwa yoku saina tokabitam, ibodi bukulukwaigu paila baisa.
Availa inagi kala vakaila ke?
Kaina availa eiuvi ke?
Ki, bogwa kunikoli komwaidona mapula ke?
Ki, avakaga kala daga kokolela valu watanawa,s
e availa eisaili lipumatala ke?
Ka, eikikivi visiga yam makwaina labubuli valu, utuyam iusiwosisi gulitinidesi
e mina labumat igougovasi deli si mwasawa.
Tuta matutona valu watanawa eiuni bolita,
ki, availaga eisaili kala taboda sopi?u+
Ka, mayeigula, lowalowa lavigaki bolita kala kwama,
e dudubila lavigaki kapolela.
10 Akalituli bolita kaligeila
e oluvi akatukikiti kala taboda.
11 E aluki kawagu, “Ka, baisa kam kwaligei!
Baisa goli kaisaim si paisaga bikalituli.”
12 Mwa, Yobi! Ki, om tuta tomomova,
avai tuta yoku lokukwaraiwogi valu biyam?
13 Kaina lokuluki visiga bisimitali valu
e biiyagi tomitugaga metoya osi kabosipepuni?
14 Yam lumalamela bivigaki dubakaila deli itayatila
biyoumatilasi wala, makawala katubilila kakapula,
kaina makawala bakwai tagisimlili wala omlomwaluva.
15 Lumalamela yam bivigaki saina migileu paila tomitugaga,
deli bisilibodi matausina taga bivagaisi vavagi gaga.
 
16 Ki, sitana kuliloutala makaduyosina sakala olopola tukutaku ke?
Kaina sitana kulilouki tukutaku omilaveta ke?
17 Ki, sitana availa ivitulokaim kalapisilela Tuma,
makadana itabodi valu makwaina kwedudubila?
18 E kudoki ammakawala kala vakaila valu watanawa ke?
Mwa! Kidamwa kunikoli, ibodi bukumapu ulo biga.
 
19 E kaina sitana kunikoli lumalama ammetitoya leimaima?
Kaina ambaisa uulotoula dudubila ke?
20 Ki, igagabila bukuluki lumalama deli dudubila bilosi osi keda okala vigimkovila,
kaina bukuwitalivau bikaimilavausi osi bwala ke?
21 Adoki ibodaim wala, paila yoku saina tomoyabogwa, kadai!
E avai tuta labubuli valu watanawa, yoku kusibogwa wala kadai? Woo!!
 
22 Ki, yoku sitana kula kuvakawoli ulo bwaima
makwaina bwaimala numla pilapupwakau deli kuna kwekulokula?
23 Lakatubiasi makwaisina paila tutala mwau,
paila yamla yowai deli kabilia.
24 Ki, yoku kulokaia valu mapilana kalasia la kaboyuwoula
kaina mapilana valu bomatu eiuuu ke?
 
25 Availa ikelisasi la keda kuna kunoveka,
e itakeiu la keda kavikavila ke?
26 Availa ikaraiwogi kuna bikuni
mapilana valu vilouwokuva wala ke?
27 Availa ivinumli valu otutala waigigi,
kidamwa mnumonu bisusinasi ke?
28 Ki, kuna deli numla isim tumasi kaina?
29 E availaga inasi sopi kwekulokula deli numla pilapupwakau ke?
30 Makwaina ivigaki sopi imila dakuna,
e makawala goli gorina ikuli makawala dakuna.
 
31 Ki, igagabila bukusailavi gulitinidesi maladana Uluwa,
kaina bukutaneku kala sipu maladana Tonabwaga avaka leisipwaisi? +
32 Ki, gagabila bukuvakadi minasina utuyam bilokaiasi okasi kweluva,
e bukuvituloki si keda maladasina utuyamv ituwoli?
33 E kaina bogwa kunikoli uvagila walakaiwa kasi karaiwaga.
Ki, gagabila bukukwau makwaisina karaiwaga
bukuvigaki kasi karaiwaga uvagila watanawa?
 
34 Gagabila bukudou mapilasina lowalowa
e bukukwaraiwogi mwada kuna bima bikunaim ke?
35 E kidamwa bukukwaraiwogi kavikavila mwada bikavila,
ki, igau bimakaiam bikaibiga kawala, “Mwa! Mayeigu ka!”
36 E availaga biluki minana dautaw mwada bogwa la tuta niwavila,
kaina availa biluki minana kabwakux mwada bogwa bikuna?
37 Availa isim la kabitam ibodi bikalau mapilasina lowalowa,
e bikivili mapilasina mwada biligabu kuna bikapusi,
38 e bisigoli tubumyou bivigaki bimila bidakavava?
 
39 Ki, ibodi bukunevi laiyoni kʹasi paila bikamsi,
kaina bukuvakoma minasina laiyoni natutubovau bikomatasi
40 avai tuta ikanupepunisi okasi lagi,
kaina ikanukwenusi okasi nobwala itulotulasi ke?
41 Ki, availaga bivakoma minasina bulibuli
avai tuta ititavinasi deli kasi molu,
e avai tuta minasina nagugugwadi ikikayayasi baisa yeigu paila kʹasi?
r 38:1 Mimilisi tuta Yaubada inagi biyoumatila titoulela baisa tomota metoya utuyagila; kugisi Sam 18.7-15; 50.3; Isi 1.4. s 38:6 Kugisi Vit 7.11 kala katumiki metoya okaikobu. t 38:7 Kugisi Yob 1.6 kala katumiki. u 38:8 Eidokaisi bolita kwevakaigaga isisu osikowala valu watanawa, e kidamwa gala kala taboda bogwa bidadoya wala valu watanawa. Kugisi Vit 7.11 kala katumiki metoya okaikobu. + 38:8 38.8-11 Yer 5.22 + 38:31 38.31 Yob 9.9; Emo 5.8 v 38:32 Baisa igini yagasi ladayu utuyam idokaisi Beya Naveka deli Beya Nakekita. Yakidasi gala wala gagabila bitagisaisi metoya oda valusi. w 38:36 minana dauta.Mina Itipita omitibogwa eidokaisi avai tuta minana dauta bikaloubusi, baisa bivitububoti tutala Waya Naili bidadoya. x 38:36 minana kabwaku.Mina Iberu eiginisi baisa “minana rekorekwa namwala”, paila eidokaisi minana gagabila bivitububoti makateki bidakavava, makawala goli yakidasi tadokaisi minana kabwaku isim la kabitam paila kuna.