7
Budala Yesu gala idubumaisi matauna
E oluvi, Yesu itavina mapilana Galili; gala magila bitavina mapilana Yudia, paila mina Yudia ikaukwautasi mwada bikatumataisi matauna. E, kasi paka mina Yudia, Buliyoyova Pakala,j bogwa ivakatitaikina. + Mapaila budala ilukwaisi Yesu, kawasi, “Kusilavi baisa e kulokaia mapilana Yudia, kidamwa m toligalega bigisaisi vavagi makwaisina kuuvagi. Paila gala taitala bikium la paisewa kidamwa magila biyomitali titoulela baisa tomota. Kidamwa kuuvagi makwaisina vavagi, kuyomitalaim baisa mina watanawa.” Paila budala goli gala bidubumaisi matauna.
Mapaila Yesu iluki matausina, kawala, “Yeigu ulo tuta gala bima, igau; mitaga yokomi mi tuta avai tuta wala magimi. Gala gagabila mina watanawa bikoulovaimi; mitaga yeigu ikukoulovaigusi, paila uula akamitilaki adoki matausina tomitugaga. Kulosi wa paka. Yeigu gala bawak paka makwaina, paila ulo tuta igau gala bima.” Ililivala makawala, e isibwaiga mapilana Galili.
Yesu ila oBuliyoyova Pakala
10 Mitaga tutala budala bogwa eilosi wa paka, e matauna tuvaila oluvi ila; gala ivalapula mitaga ivakium wala. 11 Mina Yudia inainevisi matauna wa paka, e ikaibigasi, kawasi, “Ambaisa matauwena?”
12 E tobobawa itakulukulusi sainela paila matauna. Mimilisi ikaibigasi, kawasi, “Tobwaila matauna,” mimilisi tuvaila ikaibigasi, kawasi, “Gala mitaga ikoyoli tobobawa.” 13 Mitaga gala taitala ikamamatila paila matauna paila ikukolaisi mina Yudia.
14 Eisewalasi paka, e Yesu imwena wa Bwala Kwebumaboma, e iuvituloki. 15 Mapaila mina Yudia itutu uwosi, ikaibigasi, kawasi, “Ammakawala matauwena la kabitam, paila gala itoligalega matauna?”
16 Mapaila Yesu ivitakauloki matausina, kawala, “Ulo vituloki gala yeigu titoulegu, mitaga leima metoya baisa Yaubada, matauna iwitalaigu. 17 Kidamwa availa magila bivagi nanola matauna Yaubada matauna binikoli paila vituloki makwaina, kaina metoya baisa Yaubada, kaina yeigula titoulegu lalilivala. 18 Kidamwa availa ivituloki paila titoulela, matauna inainevi kala yakaula titoulela; mitaga availa inainevi kala yakaula matauna kala towitala e matauwena ikamokwita, e gala avaka kala gaga isisu baisa matauna. 19 Mosese eisakaimi kami Karaiwaga kadai? Mitaga gala taitala yokomi ikabikuwoli Karaiwaga makwaina. Avaka uula magimi bukukwatumataigusi?”
20 Tobobawa ivitakaulasi, kawasi, “Baloma gaga isikailam.l Availaga magila bikatumataim?”
21 Yesu ivitakauloki matausina, kawala, “Lavagi kabutuvatusi kwaitala,m e komwaidomi itutu uwomi. 22 Moses bogwa isakaimi kabutuvatusi bobun (e baisa gala metoya baisa Mosese mitaga metoya baisa tubudoiasi), e kubobobusi wa yam sabate. + 23 E kidamwa kubobwaisi taitala wa yam sabate paila uula bukukwabikuwolaisi la Karaiwaga Mosese, ammakawala kugibuluwaigusi paila lakatumovi taitala tau tomwaidona wa yam sabate? + 24 Taga bukunagaisi paila avai vavagi metoya omigila kala gigisa, mitaga bukunagaisi avaka kala duwosisia.”
Matauwena Mesaia ke?
25 Mapaila mimilisi mina Yerusalem ikaibigasi, kawasi, “Baisa matauwena magisi bikatumataisi, kadai? 26 E ka, ikamamatila, e gala avaka ilukwaisi matauna. Kaina kada tokugwasi leigisaisi kidamwa matauna Mesaia ke? 27 Mitaga tutala Mesaia bima, gala availa binikoli ammetoya matauna. Mitaga matauwena tanikolaisi ammetoya leima.”
28 Mapaila tutala iuvituloki wa Bwala Kwebumaboma, Yesu kaigaveka ikamituli, kawala, “Ki, kunikolaigusi e kunikolaisi ammatoya lama? E gala lama paila wala titoulegu; mitaga matauna iwitalaigu ikamokwita, e matauna gala kunikolaisi. 29 Yeigu anikoli matauna, paila lama matoya baisa matauna, e iwitalaigu.”
30 Mapaila ivigikonaisi mwada biyosisi matauna, mitaga gala availa ikabikoni matauna, paila la tuta igauo gala bima. 31 Mitaga bidubadu matausina tobobawa idubumaisi matauna; e ikaibigasi, kawasi, “Tuta matutona Mesaia bima, ammakawala bivagi kabutuvatusip kala bawa bikalisau makwaisina avaka bogwa eivagi matauwena ke?”
Iwitalaisi toyausa kidamwa biyosisi Yesu
32 Parisi ilagaisi tobobawa si tabunobwana paila matauna; e matausina tolula kasi tokugwa toyo Parisiq iwitalaisi toyausar kidamwa biyosisi matauna. 33 Mapaila Yesu ikaibiga, kawala, “Tuta pikekita tuvaila basikailimi, e oluvi balokaia matauna eiwitalaigu. 34 Bukunevaigusi mitaga gala bukubanaigusi, e ambaisa basisu gala igagabila bukuwaisi.”
35 Mapaila mina Yudia ibigatonasi, kawasi, “Ambaisa idoki bila, kidamwa gala bitabanaisi matauna? Kaina bilokaia matausina mina Yudia isisuaisi deli mina Girisi, e tuvaila bivituloki mina Girisi ke? 36 Ammakawalaga kawala, ‘Bukunevaigusi mitaga gala bukubanaigusi’, e ‘Ambaisa basisu gala igagabila bukuwaisi’?”
Sopila momova bititayelu
37 E paka yamla kala vigimkovila, e yamla makwaina kwaiveka, Yesu itokaia e kaigaveka ikamituli, kawala, “Availa bikadaka, ibodi matauna bimakaiagu, + 38 e availa bidubumaigu, ibodi matauna bimom; e, makawala bigala Buki Pilabumaboma, ‘Sopila momova bititayelu metoya olumoulela matauna.’ ” + 39 Ililivala makawala paila Baloma Tobumaboma; paila igau availa availa idubumaisi matauna bikauwaisi Baloma matauna. Paila wa tuta matutona Yaubada gala bisaiki Baloma Tobumaboma, paila Yesu igau gala bila walakaiwa.s
Tobobawa ikovaisi paila matauna
40 Tutala mimilisi ilagaisi biga mabigasina, ikaibigasi, kawasi, “Mokwitala baisa tovitoubobutat matauwena.”
41 Mimilisi tuvaila ikaibigasi, kawasi, “Matauwena Mesaia.”u
Mitaga mimilisi kawasi, “Mitaga Mesaia gala guma Galili, kadai? 42 Ki, Buki Pilabumaboma kala ginigini kidamwa Mesaia dalela Debida, e la valu Bedeliem,v Debida la valu tatoula?” + 43 Mapaila tobobawa itavileiyaisi titoulesi paila matauna. 44 E mimilisi mwada biyosisi matauna, mitaga gala availa ikabikoni matauna.
Mina Yudia si tokugwa gala idubumaisi Yesu
45 Mapaila toyausa imakaiasi tolula kasi tokugwa toyo Parisi; e ikatupoiyaisi toyausa, kawasi, “Avaka paila gala kumaiyaisi matauna?”
46 Toyausa ivitakaulasi, kawasi, “Gala kwaitala tuta availa bilivala makawala matauwena leililivala.”
47 Mapaila Parisi ivitakaulokaisi matausina, kawasi, “Yokomi tuvaila ikoyolaimi ke? 48 Ki, ammakawala, taitala tokugwa kaina taitala yakamaisi Parisi eidubumi matauna? 49 Mitaga mabudowena gala ikatetasi Mosese la Karaiwaga, gala kasi yeiwau matausina.”
50 E, matauna leimaibogwa baisa Yesu, yagala Nikodimo, matauna taitala matausina. E matauna iluki matausina, kawala, + 51 “Baisa gala makawala Mosese la Karaiwaga.w Gala gagabila bitakamogaisi availa kidamwa gala ikugwa bitaligibogwisi la biga e deli bitanevikolaisi avaka eiuvagi matauna.”
52 Ivitakaulasi, kawasi, “Yoku tuvaila guma Galili ke? Kunevi, e bukunikoli gala taitala tovitoubobuta guma Galili.”x
j 7:2 Kugisi makasana Biga Kala Katumiki. + 7:2 7.2 Tol 23.34; Kak 16.13 k 7:8 Yeigu gala bawa.Mimilisi buki pilabubogwa iginisi, “Yeigu gala baisa tuta bawa”. l 7:20 Baisa makawala ilukwaisi Yesu, “Tonagowa yoku”, paila idokaisi baloma gaga biyayosasi tomota e gala gagabila bininanamsasi duwosisia. m 7:21 Baisa Yesu eikatumovi taitala tokwatoula okatuwotu (kugisi Yn 5.1-18; tuvaila 2.11 kala katumiki). n 7:22 Paila mabigana “bobu” kugisi makasana Biga Kala Katumiki. + 7:22 7.22 Vit 17.10; Tol 12.3 + 7:23 7.23 Yn 5.9 o 7:30 Kugisi Yn 2.4 kala katumiki. p 7:31 Kugisi Yn 2.11 kala katumiki. q 7:32 Kugisi makasana Biga Kala Katumiki. r 7:32 Mabudona toyausa mimilisi mina Libai (kugisi makasana Biga Kala Katumiki) e kasi karaiwaga biyamataisi Bwala Kwebumaboma mwada gala avai kominimani kaina yowai bitokaia. + 7:37 7.37 Tol 23.36 + 7:38 7.38 Isi 47.1; Sek 14.8 s 7:39 Kugisi Yn 12.16 kala katumiki. t 7:40 Kugisi makasana Biga Kala Katumiki. u 7:41 Kugisi makasana Biga Kala Katumiki. v 7:42 Mapilana valu katitaikina Yerusalem opilibolimila kala kaduwonaku makawala Kaibola bitala Omarakana (8 km). + 7:42 7.42 2 Sml 7.12; Mai 5.2 + 7:50 7.50 Yn 3.1-2 w 7:51 Kugisi Yn 5.10 kala katumiki. x 7:52 gala taitala tovitoubobuta guma Galili. Pilatala buki pilabogwa eigini, “Tovitoubobuta matauna gala wala bisilavi Galili bimakaiadasi.”