26
Siviyuwela sonukula
1 Avai tuta lelia mwau makwaina bogwa leiwokuva, Guyau iluki Mosese sola Eleasa matauna Eroni latula kawala,
2 “Komwaidona dala Isireli kusonukulaisi avaka tauwau kasi bawa matausina kasi taitu kweluwoyu kaina bila walakaiwa matausina goli ibudoki bikabisi okawakali.”
3-4 Mosese sola Eleasa ivagaisi makawala, matausina ikougugulasi gulitinidesi okabatau mapilana Mowabi opapala Waya Yoridani kibubotala valu Yeriko.
Mabudona mina Isireli metoyasila Itipita leimaisi.
5 Rubeni matauna Yekobe la molitomoya. E Rubeni dalela eitetila metoya odalesi Anoki, Palu,
6 Esironi, deli Kami.
7 Dala madalasina kasi bawa 43,730 tauwau wala.
8 E dalela Palu matausina Eliabi
9 deli litula, Nemueli, Datani, deli Abiram. (E Datani sola Abiram matausina tomota komwaidona inagaisi paila bitokugwasi. Mitaga matausina ipakaisi Mosese sola Eroni e ilokaiasiga Kora ola boda, e ikoulovaisi Guyau.
10 E mapaila pwaipwaia ikapogega ilupoli matausina, e matausina Kora deli goli la boda komwaidona ikaligasi tuta matutona wala kova eivakadoum tauwau kasi bawa 250; baisa ivigaki tomota si kabogigisa.
11 Mitaga Kora litula tauwau gala ikaligasi.)
12 Simioni dalela eitetila metoya odalesi Nemueli, Yamini, Yakini,
13 Sera, deli Sauli.
14 Dala madalasina tauwau kasi bawa 22,200.
15 Gada dalela eitetila metoya odalesi Seponi, Agi, Suni,
16 Osini, Iri,
17 Arodi, deli Areli.
18 Dala madalasina tauwau kasi bawa 40,500.
19-21 Yuda dalela eitetila metoya odalesi Sela, Peresi, Sera, Esironi, deli Amli. (Taiyu Yuda litula, Eri sola Onani, eikaligasi mapilana Kenani.)
22 Dala madalasina kasi bawa tauwau 76,500.
23 Isaka dalela eitetila metoya odalesi Tola, Puwa,
24 Yasuba, deli Simroni.
25 Dala madalasina kasi bawa tauwau 64,300.
26 Sebuloni dalela eitetila metoya odalesi Seredi, Eloni, deli Yaleeli.
27 Dala madalasina kasi bawa tauwau 60,500.
28 Yosepa dalela eitetila metoya litula taiyu Manasa sola Epereim.
29 Manasa dalela eitetila metoya odalela Makira matauna Manasa wala latula; e Makira latula Giliadi, e dala madalasina eikitetilasi metoya odalela Giliadi.
30 dala madalasina Yesa, Eleki,
31 Asirieli, Sekem,
32 Semida deli Epera,
33 Selopeyadi matauna Epera latula matauna gala litula tauwau mitaga vivilawokuva wala, e yagasi Mala, Nowa, Ogila, Milika deli Tesa.
34 Dala madalasina tauwau kasi bawa 52,700.
35 Epereim dalela eitetila metoya odalesi Sutela, Bekeri deli Taana.
36 E Erani dalela eikitetila metoya baisa mabudona Sutela.
37 Dala madalasina kasi bawa tauwau 32,500.
E dala madalasina eitetila metoya odalela wala Yosepa.
38 Beniamina dalela eitetila metoya odalesi Bela, Asibeli, Airam,
39 Sepupam, deli Upam.
40 E dalesi Adi sola Nemani eitetilasi metoya baisa Bela.
41 Dala madalasina kasi bawa tauwau 45,600.
42 Dani dalela eitetila metoya odalela Usim.
43 Kasi bawa tauwau 64,400.
44 Asera dalela eitetila metoya odalesi Imna, Isivi deli Beria.
45 Ebera sola Malikieli eikitetilasi metoya Beria dalela.
46 Asera latula vivila yagala Serai.
47 Kasi bawa tauwau 53,400.
48 Napitalai dalela eitetila metoya odalesi Yaseeli, Guni,
49 Yesera, deli Silem.
50 Madalasina kasi bawa tauwau 45,400.
51 Komwaidona mina Isireli tauwau kasi bawa iboda 601, 730.
52 E Guyau iluki Mosese kawala,
53 “Kukwalituli valu makwaina kusagali baisa dala komwaidona makawala avaka bibodi kala vakaila si boda.
54-56 Kukwalituli valu makwaina metoya kukowobobuta e kusaiki katupovakaveka baisa dala kwevakaveka, e katupokikekita baisa dala kwekikekita.”
57 Libai dalela eitetila metoya odalesi Gerisoni, Kowati, deli Merari.
58 Deli goli dalesi tuvaila Libini, Ebironi, Mali, Msi, deli Kora. E Kowati latula Amram,
59 matauna ivaiya Libai latula Yokebedi. Minana meunaisi Itipita, e metoya baisa Amram eiuni taiyu litula tauwau, Eroni sola Mosese, e natana latula vivila yagala Miriam.
60 Eroni litula tauwau taivasi yagasi Nadaba, Abiu, Eleasa deli Itama.
61 Nadaba sola Abiu ikaligasi avai tuta eigabwaisi lula baisa Guyau metoya wa kova kovamakava.
62 Mina Libai gugwadi tauwau kasi tubukona natana kaina walakaiwa kasi bawa iboda 23,000. Magudisina kasi kakalawa imwaisi wala ituwoli gala deli komwaidona mina Isireli paila uula gala wala isim kasi vilavila olopola Isireli.
63 E Mosese sola Eleasa bogwa leiginaisi kasi bawa komwaidona dala madalasina tuta makwaina leisonukulaisi kasi bawa mina Isireli okabatau mapilana Mowabi opapala Waya Yoridani kibubotala biloula Yeriko.
64 Ilagoli gala taitala ikesa oluwalaisi matausina bogwa leisonukulibogwisi Mosese sola Eroni mapilana Sinai Viloupakala.
65 E Guyau bogwa eiluki komwaidosi tomota bikaligasi wala oviloupakala, e komwaidosi goli eikaligasi mesinaku wala Keleba matauna Yepunei latula, deli Yosuwa matauna Nuni latula kasimwaleta wala eimovasi. E komwaidosiga ikaligasi.