122
Kala yakaula mapilana Yerusalem
1 Yeigu lamwasawa tutala eilukwaigusi,
“Kuma bitalosi Guyau ola bwala.”
2 E ka, tuta baisa bogwa taviloubusisi mapilana Yerusalem
eitasuvisi okalapisilela e tatotusi olumoulela.
3 Mapilana valu Yerusalem eivigivauwaisi
e tuta baisa kala leilai bwaina deli tomotala taigaluva taigasi.
4 Mapilana goli madilasina dalela Isireli si kaboboda,
paila binokagutokisi baisa Guyau,
makawala eikaraiwogi.
5 Mapilana goli guyousi mina Isireli
eisilaisi paila biyakalaisi si tomota.
6 Ibodi bukunigadasi kidamwa mina Yerusalem si valu bivakota wala.
Kawami, “Ibodi matausina idokaimsi kwembwailisi biyubwailasi wala.
7 Ibodi bivakota valu
deli kabokwala om ligisa.”
8 Mwada bapilasi veyagwa deli segwaia
e mauula baluki mina Yerusalem, kawagu,
“Vakota baisa yokomi.”
9 Mwada bapilasi la bwala Guyau da Yaubadasi,
e mauula aninigada kidamwa Yaubada bimitukwaiyaimi.