129
Nigada mwada mina Isireli kasi tilaula bimamasi
1 Mwa! Yoku Isireli, kulukwaimasi ammakawala kam tilaula
eilamidadaimsi igau om tuta gwadi e leima lagaila.
2 “Igau ogu tuta gwadi e leima lagaila
agu tilaula eilamidadaigusi deli si vakatutuki,
mitaga matausina gala wala ikalisauwaigusi.
3 Matausina iteyasi tapwagu saina tavakaveka,
e tapwagu saina pitupitu kala gigisa makawala tuwaga.
4 Mitaga Guyau matauna Tomitukwaibwaila,
bogwa itanekwaigu metoya okatupipi.”
5 Mitaga availa availa matausina kwekukolosi mina Saiyoni,
ibodi wala mina Saiyoni bikalisuwolaisi e bibokavilaisi bikeiitasi goli.
6 Ibodi matausina gala isim dimlesi, makawala goli mnumonu eisususinasi odabala bwala.
Paila eisusinasi mitaga saina nanakwa imatasi,
7 e tomota idokaisi miyasina wawa wala.
Gala availa bisau kaina biselavi mwada avaka bivigaki.
8 Gala wala availa bisakaila matausina e biluki kawala,
“Ibodi Guyau bikabwailimi!
Yakamaisi kabigibwailimi metoya baisa Guyau.”