147
Yaubada Topeuligaga kala yakaula
Kala yakaula Guyau!
 
Saina bwaina kidamwa bitawosi yakaula baisa da Yaubadasi.
Saina kaiyomwasalela nona deli duwosisia paila bitayakawolaisi matauna.
Guyau bogwa bivigivau mapilana Yerusalem,
e ikaimilivau la tomota metoya okatupipi.m
Ikatigam luposi matausina saina ininigagasi,
deli ituvi kasi kapwaila.
 
Matauna bogwa einikoli kasi bawa utuyam,
e matauna idou yagasi natana natana.
Da Guyausi matauna tovakaigaga deli topeuligaga,
e la kabitam gala ibodi bitavisaikoli.
Ilupi matausina ninasi watanawa,
mitaga ilisilavi tomitugaga ilosi opwaipwaia.
 
Kuwosisi wosila yakaula baisa Guyau,
e kuwaisi gita baisa da Yaubadasi.
 
Matauna ikatugai lowalowa wa labuma,
e isaiki kuna paila valu watanawa,
deli ivigaki mnumonu bisusinasi wa koya.
Matauna isaiki mauna nasigisagina kʹasi,
deli iuvakoma nagugugwadi bulibuli avai tuta minasina bidousi.
 
10 Matauna gala ikikau nanola minasina wosa napapeula,
kaina tokwabilia totuvaluwa biyomwasalaisi matauna.
11 Mitaga la mwasawa baisa wala availa availa itemmalaisi matauna,
deli matausina availa availa idubumaisi la mitakwai.
 
12 O Yerusalem, kuyakawoli Guyau!
O Saiyoni, kuyakawoli m Yaubada.
13 Matauna ivigaki kalapisilem bipeulasi,
e imitukwaii m tomota.
14 Matauna iyamati kam kwaligei, e gala availa bikobili,
deli ivakomataim metoya dilimoya witi.
 
15 Matauna bisaiki kwaitala wala la karaiwaga ovalu watanawa,
e avaka bilivala saina nanakwa bikaloubusi makawala.
16 Ikatugai sinou makawala yatala kanunuva,
deli iyosokani numla makawala tubumyou.
17 Iwitali kuna kwekulokula makawala sigunoguna.
Saina tula baisa iwitali e gala availa gagabila bisikaili.
18 Oluvi matauna isaiki kwaitala wala la karaiwaga, e sopi kwekulokula isosusi.
Iwitali yagila e sopi itayelu.
 
19 Matauna isaiki la biga baisa la tomota,
e la katuloluta deli la karaiwaga makwaisina baisa mina Isireli.
20 Matauna gala eiuvagi baisa paila mabudosina boda ituwoli ituwoli,
paila matausina gala inikolaisi makwaisina la karaiwaga.
 
Kala yakaula Guyau!
m 147:2 Baisa kasi katupipi mapilana Babiloni.