Buki Pilabumaboma Kabutubogwa Deli Kabutuvau SAM 15

Avai bubunela Yaubada magila

1 Mwa Guyau! Availa ibodi bisuvii om Bwala Kwebumaboma?

Availa ibodi bitapwaroru mapilana Saiyoni,j baisa m koya kwebumaboma?

2 Matauna ikabikaulak baisa yoku ola vavagi komwaidona,

e tuta tuta iuvagi avaka duwosisia.

Matauna tokamokwita, tuta tuta la biga duwosisia, e gala wala bikatudewa,

3 e gala goli bisilipuli availa.

Matauna gala wala bimitugaga baisa sala,

e gala bikayai biga sopa paila sala.

4 Matauna ikaluwou availa availa Yaubada eikoulovi,

e itemmali matausina availa availa ikabikuwolaisi Guyau.

Tuta tuta iuvagi avaka eikatotila bivagi,

e gala bininayuwa kidamwa biboda mwau metoya baisa.

5 Itagwala availa biwasil baisa matauna, e gala inainevi kala katumkovila bimapwaisi.

Gala gagabila availa bikatumapu wodola matauna avai veiguwa,

mwada bitabinaki paila tobubwaila.

Availa goli la bubunela makawala matauwena,

e matauna tuta komwaidona bisibwabwaila.

i 15:1 Totapwaroru bikatupoisi makawala avai tuta mwada bisuvisi e bitapwarorusi wa Bwala Kwebumaboma. j 15:1 Kugisi Sam 2.6 deli kala katumiki. k 15:2 Mailela 2-5 baisa mapula katupoi makwaina mailela 1, ililivala avaka ibudoki si bubunela matausina mwada bitapwarorusi peula baisa Yaubada. l 15:5 Kidamwa availa eiboda mwau, ibodi biwasi metoya baisa matauna totapwaroru, e avai tuta bimapu kala wasi, gala wala ibodi matauna totapwaroru binevi kala katumkovila la mani.