19
Yaubada ibubuli labuma ivigaki kala katububula
Saina mimilakatila labuma ivituloki Yaubada kala katububula!
E metoya okala gigisa labuma bitagisimlili avaka avaka eiuvagi!
Yam kwaitala kwaitala ikamituli Yaubada kala katububula baisa yam kwaiyuwela,
e bogi kwaitala kwaitala ilivilavau Yaubada kala katububula baisa bogi kwaiyuwela.
Gala wala bitalagi avai biga bikamitulaisi,
e gala wala tanakaigali avai butula.
Mitaga komwaidosi mina watanawa bilagaisi kaigasi
e bila okala kalitutila valu watanawa goli.
Wa labuma Yaubada isaili buliyoyova paila kalasia. +
Kaukwau bisunapula makawala tovaivau deli la mwasawa bisunapula metoya ola bwala,
kaina makawala togigibula saina magila bisakaula ouvalaku.
Ivitouula biyuwoula omdula valu,
e bila bisaili pilayuwela.
Gala avaka gagabila bikanupepuni metoya kalasia yuviyavila.
Guyau la Karaiwaga
Guyau la Karaiwagax bwainawokuva wala.
Iiyomovivau tomota.
Guyau la karaiwaga makwaisina ibodi bitadubumi,
e matausina lubulobwaga bikabitamsi metoya baisa.
Guyau la karaiwaga makwaisina duwosisia wala,
e matausina availa availa ikabikuwolaisi makwaisina bimwasawasi goli.
Guyau la karaiwaga makwaisina migileu goli
e bogwa bivigaki nona bitalapula.
Kala taimamila Guyau baisa bwaina,
bikanigaga taitu taitu goli e gala biwokuva.
Guyau la yakala komwaidona duwosisia goli,
tuta tuta matauna tokibobuta wala.
10 Yaubada la karaiwaga kaitayela nona,
e ikalisuwoli goulatoula nanamsela,
e kala sumokainia ikalisuwoli kitorina kala sumokainia.
11 Yeigu m towotetila abani kabitam metoya makwaisina m kwaraiwaga.
Yeigu bogwa lakabikuwoli makwaisina, e mapaila labani agu mapu.
 
12 Gala availa gagabila binikoli la sula titoulela,
kidamwa gala itapuloki nanola mwada vavagi makwaina sula.
Mwa Guyau! Kukolaigu metoya sula makawala makwaisina.
13 E tuvaila bukukolaigu kidamwa taga batuvigaki wala bamitugaga.
Gala goli bukutagwala mitugaga makwaisina bikaraiwogaigusi.
Kidamwa makawala, e yeigu basisu bwainawokuva wala,
e mitugaga makwaina gala wala bisipwaigu.
 
14 Mwa Guyau! Yoku wala agu tokwala deli agu tokwatumova!
Kuvigaki ulo biga deli ulo nanamsa bibudoki nanom.
+ 19:4 19.4 Rm 10.18 x 19:7 Kugisi Sam 1.2.