☰ SAM 24
24
Guyau matauna Giyouveka
1 Valu watanawa deli uvagila komwaidona, baisa Guyau la vavagi.
Valu valu komwaidona deli kala tosisu komwaidosi, baisa matauna la vavagi. +
2 Eikaliai valu watanawa odabala sopi osikowala pwaipwaia,h
e isaim tumilelai otulubwabwau.
 
3 Ki, availa ibodij bimwena ola koya Guyau,k
e availa ibodi bisuvi ola Bwala Kwebumaboma?
4 Kidamwa matauna kweyamigileu yamala e la nanamsa migileuwokuva wala,
kidamwa gala eitapwaroru baisa avai tokolu,
e gala ilivala katotila sasopa, +
5 e Guyau bimitukwaii deli bikoli matauna.
Yaubada bidoki matauna tobwaila wala.
6 Tomota makawala mataunal ibodi bilokaiasi Yaubada,
deli bisuvisi bimaisi omatala Yekobe la Yaubada.
 
7 Kuulaimwaisi kalapisilam bikabauwaiasi,
e lulu kaduyobubogwa bikapogegasi,
e matauna Giyouveka bogwa bisuvi.
8 Ki, availaga matauna Giyouveka?
Matauna goli Guyau, Topeuligaga sainela.
Matauna Guyau, Tokwalisewa otutala kabilia.
 
9 Kuulaimwaisi kalapisila bikabauwaiasi,
e lulu kaduyobubogwa bikapogegasi,
e matauna Giyouveka bogwa bisuvi.
10 Ki, availaga matauna Giyouveka?
Matauwena Guyau Totomgwaga, matauwena goli Giyouveka.
+ 24:1 24.1 1 Kr 10.26 h 24:2 Idokaisi bolita kwaitala kwevakaigaga isisu osikowala pwaipwaia, makwaina goli uulela komwaidona waya deli iluyelu ovalu watanawa. i 24:2 Kugisi Sam 18.15. j 24:3 Kugisi Sam 15.1. k 24:3 Baisa tumilela Bwala Kwebumaboma mapilana Yerusalem; kugisi Sam 2.6. + 24:4 24.4 Md 5.8 l 24:6 Kugisi Sam 15.2-5. m 24:7 Baisa kalapisilela Bwala Kwebumaboma mapilana Yerusalem.
☰