36
Tomota si mitugaga
1 Tomitugaga inanamsa paila mitugaga onanola titoulela.
Ikoulovi Yaubada deli gala ikamiabi matauna.
2 Uula wala idoki titoulela wala saina tovakaigaga,
idoki mwada Yaubada gala wala bibani la mitugaga deli gala bikamogi.
3 La bigatona bigigaga wala deli sopawokuva wala.
Gala tuvaila bivagi avaka deli la kabitam, deli gala bivagi vavagi bwaina.
4 Ininamsi vavagi gaga avai tuta eikanukwenu okabala.
Gala kwaitala vavagi bivagi bwaina,
deli gala avai tuta bikoulovi avai vavagi gaga.
Yaubada la bobwailila
5 Mwa Guyau! M mitakwai ila isakaila labuma,
e m kimadagi kala bwaina ila ikalivi gawata.
6 M mitukwaibwaila kala bwabwada makawala koya.
M kwaraiwaga duwosisia makawala tilibwabwau obolita.
E tomota deli mauna kuiyamati goli.
7 Mwa! Yaubada, isa bwainigaga m mitakwai.
Kabanaisi ma kabokwalasi okaikonigulela pinupanem.
8 Bakapakasi kaula saina bidugaga lokusakaimasi.
Yoku kuvimomwaimasi metoya osakalela m bobwailila.
9 Yoku uulela momova komwaidona,
e kileta wala m kwaitapa yakamaisi kagisaisi lumalama.
10 Ibodi bukuyebwaili matausina availa availa einikolaimsi,
e deli bukumitukwaii matausina tomitukwaibwaila.
11 Taga bukutagwala tokamnomwana biwaigusi,
e kaina tomitugaga bibokavilaigusi.
12 E kugisi tomitugaga ambaisa leikapusisi.
E baisa goli bikanuvagasisi gala gagabila bitokaiasi tuvaila.