58
Nigada mwada Yaubada bimipuki tomitugaga
Ki, yokomi tokwaraiwaga avai tuta sitana bukunagaisi duwosisia otutala yakala?
Ki, bukuyakalaisi tomota komwaidona metoya karaiwaga duwosisia,
e gala bukupiaigalasi ke?
Gala, kadai! Mesinaku wala kuninamsaisi avai mitugaga bukuvagaisi,
e kusulosulasi ovalu paila saina togigasisi yokomi.
 
Tomitugaga biuvagaisi wala sula osi tuta komwaidona.
Matausina tosisasopa wala avai tutʹo igau eikaloubusisi e leima lagaila.
matausina ivakasau wala yayana makawala keiyuna,
e kala tuli taigasi makawala gineita,
minana gala ililagi kala dou metoya tolikeiyuna,
kaina metoya tomigameguva la meguva.
 
Mwa Yaubada! Kukwatuuwoli kudusi minasina laiyoni nagigasisi.
Kuvigaki matausina bitamwausi makawala sopi bimada,
e makawala mnumonu biuvayagaisi opapala keda.
Kuvigaki matausina makawala duduwab bikammali okwaiseinasi,
e makawala gudimata pwapwawa avai tuta eikaloubusi gala igisakola lumalama.
Igau gala wala binikolaisi, mitaga Yaubada bitakeiu matausina makawala mnumonu.
Igau wala tommomova eisisuaisi,
mitaga Yaubada ola gidaleiya biyuvisau wala bilosi.
 
10 Tomitukwaibwailaga bimwasawasi avai tuta bigisaisi tomitugaga bibodasi kasi mipuki.
Matausina bivasilasi wala obuyavisi tomitugaga.
11 E tomota bilivalasi kawasi, “Tomitukwaibwaila mokwita wala isim kasi mapu,
e baisa mokwitatoula wala Yaubada matauna kasi toyakala mina watanawa.”
b 58:8 Mina Isireli eigisaisi si keda duduwa saina dumokikina, e idokaisi mauna komwaidona bitamwau bimila keda makadana, e kesala kweiseinasi kwaiwokuva wala bikanam.