60
Nigada paila kabokwala
(Sam 108.1-13)
Mwa Yaubada! Yoku bogwa lokupakaimasi, deli bogwa lokukwalisauwaimasi.
Bogwa lokugibuluwaimasi. Mitaga baisa tuta ibodi bukutovilakaimasi.
Yoku bogwa kuvagi valu imotatina, e yoku bogwa kutavi ikapogega.
Baisa tuta kutuvi kala tatavi, paila bogwa eilakalova.
Bogwa lokusaiki m tomota kasi mmayuyu sainela.
Kavagougweunasi makawala bogwa kamommatasi.
Yoku bogwa lokukwatumitilaki availa availa matausina ikukolaimsi,
e matausina gagabila bisakauligilaisi kasi kamwaga.
Kukolaimasi metoya om peula. Kumapu ma nigadasi,
e kuma kukolaimasi yakamaisi m tomota mina mbwailim.
 
Metoya ola kabosisu kwebumaboma Yaubada eilivala kawala,
“Bogwa batomgwaga, e basigali mapilana Sekem
deli bavili mapilana Sukota Itayatilela, basaiki ulo tomota.
Mapilana Giliadi baisa ulo vavagi, e makawala goli Manasa.c
Mapilana Epereim lavigaki agu kulupewa,
e deli mapilana Yuda lavigaki kabutuvitusila ulo guyau.
Mitaga mapilana Mowabi bavigaki agu kakwaiwosi,
e basaili kaikegu baisa mapilana Edom,
e baisa kabutuvitusila ulo yayosa.
Ki, mina Pilisitia eidokaisi mwada bigougovasi paila bitomgwagasi odabagu?”
 
Mwa Yaubada! Availaga gagabila bivisuyaigu olumoulela vilouveka makwaina saina kwaipeula?
Ki, availaga bivakadaigu bilauwaigu bala mapilana Edom?
10 Ki, bogwa kupakaimasi mokwita?
Ki, gala bukuvakwabwaimasi deli ma tokwabiliasi?
11 Kupilasaimasi metoya oyumasi kama tilaulasi,
paila tomota si pilasi gala wala dimlela.
12 Kidamwa Yaubada deli yakidasi, bogwa wala bitakalisewasi,
e matauna bikalisau kada tilaulasi.
c 60:7 Madilasina Manasa, Epereim deli Yuda dilitolu dalela Isireli.