68
Mina Isireli kasi wosi paila tomgwaga
Yaubada bitokaia e bibutugigai kala tilaula.
Ikalisau matausina availa availa ikoulovaisi matauna e isakaulasi.
Makawala mseu eiyuvisau, e makawala goli matauna bibokavili matausina.
Makawala nawota posala bivakasosu wa kova,
e makawala goli tomitugaga idoumsi omatala Yaubada.
Mitaga tomitukwaibwaila imwasawasi deli ikaimwanasi omatala.
Matausina deli si mwasawa igougovasi.
 
Kuwosisi baisa Yaubada, kuwosisi kala yakaula matauna.
Kukwatubiasaisi la keda matauna eisisila olowalowa.
Matauna yagala Guyau. Ibodi bukumwasawasi omatala matauna!
 
Yaubada matauna isisu ola Bwala Kwebumaboma,
e iuvauli weilova deli ikoli kwabuya.
Matauna isaiki togumalawa si kabosisu,
deli itaneku tokatupipi, e ilau deli si mwasawa.
Mitaga tokosomapu ibodi bisisuaisi mapilana valu vilouwokuva.
 
Mwa Yaubada! Avai tuta lokukugwai m tomota,n
e lokuvapelasi oviloupakala,
pwaipwaia imotatina deli kuna ikapusi metoya wa labuma,
paila Guyoula Sinaio bogwa leima,
e bogwa leima matauna mina Isireli si Yaubada. +
Yoku kukwaraiwogi kuna bikunokuna wala,
paila bukuvigivau m pwaipwaia bikabinai.
10 E m tomota imili valusi baisa,
e metoya om bobwailila kusaiki avaka bibodi tonamakava.
 
11 Guyau ilivala avaka la karaiwaga,
mapaila bidubadu vivila ikititeilisi biga, kawasi,
12 “Ka, gweguya deli si tokwabilia bogwa eisisakaulasi bilosi!”
Vivila ovalu ivilaisi si guguwa avaka eilebwaisi okabilia.
13 Ivilaisi bubuna minasina eibubulaisi silibawokuva wala,
e pinupanesi goulawokuva wala ivivivilasi.
(Ki, avaka paimi mimilimi yokomi kusibwaigasi okasi kali sipi oyamla kabilia ke?)
14 Avai tuta Yaubada Topeuligaga ibutugigai gweguya odabala makwaina Koya Salimoni,
matauna ivigaki numla kwekulokula ididebwali baisa.
 
15 O ina kwevakaigaga Koya Basani,
makwaina dabala saina bidubadu.
16 Mwa! Yoku Koya Basani, avaka paila metoya odubiliwotam,
e kukululukiga deli kuyosokani koya makwaina Yaubada bogwa einagip bimili valu?
Ka, Guyau bimili valu baisa, tuta gala biwokuva.
 
17 Guyau ibusi metoya makwaina Sinai e ila oviloubumaboma,
deli lakatuluwovila la waga kaibibiu saina kaipapeula.
18 Matauna ilaguva ila walakaiwa,
e deli goli bidubadu tokatupipi ilau,
matauna ibani bobwailila metoya baisa tomota tokosomapu.
Ka, Guyau Yaubada bimili valu baisa. +
 
19 Tayakawolaisi Guyau,
paila matauna ikokeula da konisi yam kwaitala kwaitala.
Yaubada wala matauna kada tokwatumovasi.
20 Da Yaubadasi matauna Yaubada Tokwatumova.
Matauna goli Guyau da Guyausi,
bikolaidasi metoya okaliga.
 
21 Mokwita wala Yaubada bikatuvi pwanetasi kala tilaula,
availa availa matausina tokwaliyeia mitugaga.
22 Guyau bogwa eikaibiga kawala,
“Ka, yeigu bakaimilivau kami tilaula metoya mapilana Basani,
e bakaimilivau matausina metoya omilaveta olumoulela tukutaku,
23 mapaila yokomi ibodaimi bukuuvasilasi wala obuyavisi,
e deli mi kaukwa binumonomsaisi wala avaka bibodi kasi lumkola minasina.”
 
24 Mwa Yaubada! M vautuutu paila lokutomgwaga komwaidosi wala igigisaisi,
e Yaubada ulo Guyau ivautuutu bila ola bwala kwebumaboma.
25 Mapaila tousiwosi itomatalasi, e otuboulosi tokasosau,
e vivila itowalasi ikikimgolasi sasani, kawasi,
26 “Yokomi Yaubada la tomota, kuyakawolaisi matauna omi sigugula.
Komwaidomi yokomi tubula Yekobe, kuyakawolaisi Guyau!”
27 Beniaminaq makwaina dala kwekekita bikugwasi,
e otuboulosi tokugwala Yuda deli si boda,
e bivabodasinim tokugwala Sebuloni deli Napitalai.
 
28 Mwa Yaubada! Kuyomitali m peula,
peula makwaina lokuuwotetila paila yakamaisi
29 metoya om Bwala Kwebumaboma mapilana Yerusalem,
ambaisa gweguya eimmiakaimsi si bobwailila.
30 Kukwamitilaki mina Itipita, matausina makawala bolodila okivikivi.
Kukwamitilaki boda ituwoli ituwoli, matausina makawala yuwotala bulumakau nammwala deli litusia,
tatoula wala komwaidosi bikavaginasi deli bisemakavaisi si siliba baisa yoku.
E kubutugigai matausina mbwailisi kabilia.
31 Matausina udosi mina Itipita bogwa bimaisi,
e mina Sudani bogwa biyosalaisi yumasi deli si nigada baisa Yaubada.
 
32 Kabokwaraiwaga ambaisa ambaisa ovalu watanawa, kuwosisi baisa Yaubada.
Kuwosisi yakaula baisa Guyau,
33 matauna mesisiki wa labuma,
makwainaga labuma kwaibogwa.
Ka, kunakaigalaisi matauna eiukuwakula metoya okaigala eiwayabolu.
34 Kukwamitulaisi Yaubada la peuligaga.
Matauna la guyau bogwa eikubali mapilana Isireli,
e la peula bogwa leila wa labuma.
35 Waa! Kabotulaula mokwita tutala Yaubada bima metoya ola Bwala Kwebumaboma,
matauna mina Isireli si Yaubada!
Matauna ikatupewoli la tomota si peula.
 
Kala yakaula Yaubada!
n 68:7 Yaubada eikugwai mina Isireli tutala isilavaisi mapilana Itipita. o 68:8 Wa tuta matutona mina Isireli isilavaisi mapilana Itipita bilosi Kenani, Yaubada iyomitali titoulela wa Koya Sinai; kugisi Sun 19.16-25. + 68:8 68.8 Sun 19.18 p 68:16 Makwaina Koya Saiyoni mapilana Yerusalem — kugisi Sam 2.6. + 68:18 68.18 Ep 4.8 q 68:27 Beniamina deli Yuda dilayu dala olumoulela mina Isireli mapilana opilibolimila, e Sebuloni deli Napitalai tuvaila dilayu dala olumoulela mina Isireli mapilana opiliyavata.